Axwɛwɛwa 5:12 - ONUGBÙ NYƐNYÃ VUVƆ

¹² Yesu banɔkpɛkpɛ na ba bhɛtɛ ebui nɛ kɛdɔmumɔ gelee gɛ la bhɛtɛ banɔɛ bi. Klɛ baga yɛkɛ kibui nɛa bha aŋa petee be xogo nɛ Salomo Kagba nɛesi.

Axwɛwɛwa 5:12 Referans Kwoze

Axwɛwɛwa 19:11

Kpaya abhɛtɛ ebui gɛ ebhuso anɔ dzyɔ gelee aganɔ Paolo kabha,

2 Kɔrintioanɛ 12:12

Kɛdɔ nɛ gɛ kɛ kasɛ sɛ akpɛkpɛ—kɛdɔmumɔ bhɛbhɛtɛ bi, anɛ̀ ebuiyinɔanɔ—ba bhɛtɛ nɛ wunɔɛ mɛ nɛ̀ tɛbhɛbhɛtɛ gbɛgbla.

Hebriuanɛ 2:4

Kpaya tsyɛ ebuilɛ akasɛ nɛ ebuimumɔ, kifuebui anɛ ebuiyinɔanɔ ediedi, anɛ kɛdɔ kukɔ denɔ Ɔfufɔɛ Dzyɔgo nɛ dɔ yɛyakɔ anɔ nɛ yɛ tɛpɛpɛɛ.

Axwɛwɛwa 14:3

So Paolo anɛ Banabas be zi kibe gelee nɛ ɔkɛlɛ, klɛ ba ɖɔ kaɖɔ nɛ kitekpɛkpɛ kɔ Apalete, gɛ atrɔ kɛklãgbu nɛ yɛ ɛyamyuyɔ kibui nɛa bha ganɔ balɛ kɛdɔmumɔ anɛ ebuiyiyinɔ anɔ kɛdɔmumɔ nɛ gɛ ba bhɛtɛ nɛm.

Romanɛ 15:19

ganɔ kɛdɔmumɔ anɛ ebuiyiyinɔanɔ kemi nɛa bha, ganɔ Ɔfufɔɛ nɛ kemi mɛ. So denɔ Yerusalɛm kidzo nɛa bha petee ɔvɛnɔ Ilirikumɛ, ɛtɛ bu Kristo kibuidzyɔgo nɛ ɖɔ petee.

Axwɛwɛwa 3:11

Nɛ kibe lɛ nɛ gɛ kɛkpata nɛ ta plɛnɔ Petro anɛ Yohanɛsɛ nɛɛ, kɛ bhɛtɛ banɔ nɛ petee kibi klɛ ba kpatɔnɔa lɛ avɛ ɔkɔ toli gɛ beklua sɛ Salomo Kagbaesi.

Yohanɛsɛ 10:23

klɛ Yesu anyɔ kpayavu nɛ be, nɛ Solomon Kagba nɛesi.

Axwɛwɛwa 4:30

Bu wɔ ɔhwɛ oyinɔ tɛ obeke banya tɛ ɔbhɛtɛ ebuimumɔ anɛ yiyinɔanɔ nɛ agɛ abhɛtɛbi nɛ ɔganɔ Yesu wɔ axwɛdɛ gɛ yɛshu bhui nɛ kinyim.”

Axwɛwɛwa 1:14

Balɛ petee ba za ketsukpɛkpɛm kibenyɛbe eeklukpaya, ɔyɛkɔplɛnɔ badzɛ anɛ Maria Yesu yɛeni, anɛ Yesu yɛadzyalɛ.

Marko 16:20

Ɔklɛ badɔkpasɛ nɛ koeyi ashɛ̃, klɛ la da ɖɔ Kpayɛbui nɛ ɔkɔnyɔkɔ, klɛ Apalete nɛ awa kɛxwɛ nɛ balɛ klɛ trɔ kɛklãgbu nɛ yɛ kibui nɛa bha ganɔ kɛdɔmumɔ nɛ gɛ za kɛlɛe de.

Axwɛwɛwa 16:18

Adzɛnuvɔɛ nɛ aza kibui nɛa bha ewi gelee. Gugɔɛ nɛɛ yɛ tɛbhɛbhɛtɛ ba kpɛ Paolo bunuhu ɔklɛ etsyina tɔ ɔfufɔɛ klɛ etrse ɔlɛ asɛ, “Nɛ Yesu Kristo kinyim nɛɛ ɛtsre wɔ sɛ koeyi ɔbɔ fla nɛ adzɛnɛvuɔɛ nɛm!” Nɛ kibelɛ nɛm ko klɛ ɔfufɔɛ nɛ ɔshɛnahwɛ adzɛnuvɔɛ nɛ shu.

Axwɛwɛwa 9:40

Petro akɛka balɛ petee ebu nɛ buvu nɛm, klɛ ezhiakpla nɛ ekoeyisia bha klɛ eklukpaya. Gɛ etsyina tɔ adzɛ tsitsi nɛɛ, aɖɔa sɛ, “Tabita, vu ɔlɔ.” Adanɛ yɛ awɔ̃hũ, klɛ gɛ amɔ Petro alɔ aza.

Axwɛwɛwa 9:33

Ɔkɛlɛ ada mɔ anyɛ teli gɛ be kulu asɛ Eneasɛ, gɛ awɔesukpa nɛ oputsoa bha agɔ tasuɔɛ.

Axwɛwɛwa 2:46

Kiwinyɛwi nɛɛ bee xogo nɛ busɔlɛvu nɛ kɛma nɛm. Ba bhɛtɛ kɛdɔŋɛŋa nɛ balɛ bapam klɛ ba ŋa nɛ ketsum nɛ samɛ nɛ idzyi dzyɔgo mɛ,

Yohanɛsɛ 4:48

Yesu etsre ye asɛ, “Odi nu sɛ nɔ mɔ ebui nɛ gɛ eyinɔanɔ anɛ ebui gɛ abhɛtɛbi, nɔ tɛ bɔ yɛkɛŋa.”

Axwɛwɛwa 28:9

Gɛ kɛ ba kɛlɛ mɛ ana beke nɛɛ, ba nyɛnya gugɔɛ nɛ kesukpa bhlia lɛ nɛa bha petee ba tɔnɔ aba klɛ balɛ banya ne beke.