Axwɛwɛwa 4:32 - ONUGBÙ NYƐNYÃ VUVƆ

³² Bagɛayɛkɛaŋa nɛ petee ba za nɛ idzyi anɛ kɛtɔkpum tirikpo. Anɔnyanɔ edi klu kɛnɔmɛdɔ kanyaka sɛ yɛnahwɛ yɛ, pɔ ba ma kɛdɔnyɛdɔ gɛ za balɛ ahwɛ nɛ ɔhaglɔ.

Axwɛwɛwa 4:32 Referans Kwoze

1 Kɔrintioanɛ 1:10

Nɛ bulɔ Apalete Yesu Kristo nyi mɛ, madzyalɛ mɔ ɛkpɛ lɛ nɛ wunɔ ɔkɔ sɛ, wunɔ petee nɔ za terikpo nɛ aglɔ sɛ tɛ tɛpupɔɛhle kɛta za wunɔɛ shi klɛ sɛ tɛ nɔ bhɛtɛ terikpo mɔmɔ nɛ́ wunɔ atɔkpu mɛ anɛ alɛmɛ tɛbhɛbhɛtɛ.

1 Petro 3:8

Gugɔɛ, wũnɔ petee nɔ za nɛ aglɔbha nɛ terikpo bhɛbhɛtɛ mɛ anɛ aglɔ pɛplɛnɔɛ mɛ, nɔ dɛmɛnɔ aglɔ anasɛ badzya, nɔ di aglɔ eshutukubui nɛ ishunyɛnyɛna.

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

Axwɛwɛwa 2:1

Gɛ Pentekoste kiwi nɛ na, Banɔkpɛkpɛ nɛ petee be xogo aza ɔkɔ trokpo.

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Axwɛwɛwa 1:14

Balɛ petee ba za ketsukpɛkpɛm kibenyɛbe eeklukpaya, ɔyɛkɔplɛnɔ badzɛ anɛ Maria Yesu yɛeni, anɛ Yesu yɛadzyalɛ.

Yohanɛsɛ 17:11

Ɛtɛ ba wɔ kanɔ nɛ mɛ ɔvɛnɔ, pɔ ba ka lɛ kanɔ nɛ mɛ klɛ ɛba wɔ kɔ. Ishubhubhui Aka, kpɛ buka kpɛ alɛ nɛ wɔ kemi nɛ nyi mɛ—kinyi gɛ ɔkɔ mɛ—sɛ tɛ ba baza terikpo anasɛ gɛ bu lɛ terikpo.

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.

Romanɛ 12:5

so nɛ Kristo mɛ bulɔ gɛ bu kpe nɛ ishuidzya tirikpo mɛ, klɛ kapɛ kanyaka lɛ kɔ bugɔgɔɛ nɛ petee.

Axwɛwɛwa 5:12

Yesu banɔkpɛkpɛ na ba bhɛtɛ ebui nɛ kɛdɔmumɔ gelee gɛ la bhɛtɛ banɔɛ bi. Klɛ baga yɛkɛ kibui nɛa bha aŋa petee be xogo nɛ Salomo Kagba nɛesi.