Axwɛwɛwa 4:31 - ONUGBÙ NYƐNYÃ VUVƆ

³¹ Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Axwɛwɛwa 4:31 Referans Kwoze

Mateo 21:22

Onu gɛ ɔyɛkɛŋa, ɔbɔ yɛkɛ kɛdɔnyɛdɔ gɛ obisi ganɔ kpayakuklu mɛ.”

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Yakobo 1:5

Onu gɛ kibuinyinyi kɛɛ ma wɔnɔmɛayɛ teli ahwɛ, alasɛ tɛ ebisi Kpaya, gɛ yɛakɔɛdɔ fãa kɛpɔ mazɛlɛ shu, klɛ bá ba yɛkɔ kɛlɛ akɔ yɛ.

Axwɛwɛwa 2:2

Nɛ kɛba tilim ko olim toli oyi anasɛ kɛlɛɛ gɛganɛ tili kɛ fu denɔ owũsise ba yuku nɛ bupa nɛm gɛ be zhiedzi.

Axwɛwɛwa 4:29

Ɔtsɔ̃ nɛɛ, Apalete, di balɛ kifu nɛ gɛ baa kpɛ alɛ tɛ ɔkɔ sɛ wɔ baxwɛdɛ nɛ ba ɖɔ wɔɛ bui nɛ kitekpɛkpɛ gbla.

Yohanɛsɛ 15:7

Onugɛ nɔ wɔ mɛ́ mɛ klɛ mɛ ebui na lɛ wunɔɛ mɛ, bisi kɛdɔnyɛdɔ gɛ nɔ pɛɛ, klɛ ba bakɔ nɔ.

Yohanɛsɛ 14:12

Kɛ bui gbɛagba mɛ tsre nɔ, anɔnyanɔ gɛ tɛyɛyɛkɛŋa lɛ yɛ awɛ nɛ mɛ́ mɛ aba bhɛtɛ kɛdɔnyɛdɔ gɛ ɛbhɛtɛ. Aba bhɛtɛdɛ ebui gbɛgbla dɛ anɛ nɛ tsyɛ, alasɛ ɛvɛ Aka nɛ ɔkɔ.

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Filipianɛ 1:14

Alasɛ mɛ buɖɛ gɛ ba kpɛ mɛ, badzya gelee anɛ Apalete nɛ mɛ ba kpɛ balɛemi sɛ tɛ baɖɔ Kpaya bui anɛ kemi kpɛkpɛdɛ anɛ̀ kifu masimasi.

Axwɛwɛwa 2:1

Gɛ Pentekoste kiwi nɛ na, Banɔkpɛkpɛ nɛ petee be xogo aza ɔkɔ trokpo.

Axwɛwɛwa 4:13

Gɛ banɔ na mɔ kemi nɛ di ga kpasɛ Petro anɛ Yohanɛsɛ mɛ klɛ be vu awɔ̃hũ sɛ ba dɛ dɛ́ adɛdɛ kanyaka tsyɛ, benu banɔ tite ko nɛɛ kɛbhɛtɛ balɛ bi klɛ ba kpɛ balɛ kɛxawũ sɛ benu banɔ gɛ ba za nɛ Yesu.

Axwɛwɛwa 14:3

So Paolo anɛ Banabas be zi kibe gelee nɛ ɔkɛlɛ, klɛ ba ɖɔ kaɖɔ nɛ kitekpɛkpɛ kɔ Apalete, gɛ atrɔ kɛklãgbu nɛ yɛ ɛyamyuyɔ kibui nɛa bha ganɔ balɛ kɛdɔmumɔ anɛ ebuiyiyinɔ anɔ kɛdɔmumɔ nɛ gɛ ba bhɛtɛ nɛm.

Filipianɛ 1:20

Ɛpɛɛ gɛganɛ klɛ idi kidzoenu sɛ kɛwɔɛ̃ tɛ baku mɛ nɛ kidzonyɛdzo abha, pɔ ɛba za kitekpɛkpɛ abha gelee sɛ tɛ ɔtsɔ̃ nɛɛ anasɛ gɛ Kristo aba nyɛmɛ nɛ mɛ mɛ kibenyɛbe, onu sɛ ɛkpã mɛ ɔdɔgɔsɛ butsi mɛ tsyɛ.