Axwɛwɛwa 3:22 - ONUGBÙ NYƐNYÃ VUVƆ

²² Alasɛ Mose aɖɔ sɛ, ‘Apalete wɔnɔ Kpaya nɛ ebe bu atɔnu ansɛ mɛ ana edenɔ wɔnɔ nahwɛ banɔm, gɛ alasɛ tɛ nɔ ta tɔ nɛ kibuinyɛbui gɛ etsre nɔ.

Axwɛwɛwa 3:22 Referans Kwoze

Axwɛwɛwa 7:37

Mose alɛlɛ nɛ naa gɛ etsre Izraɛlanɛ na sɛ, ‘Kpaya aba sɛsɛ nɔ ebuiɖɔlu ansɛ mɛ ana edenɔ wɔnɔ nahwɛ banɔm.

Galatianɛ 4:4

Pɔ gɛ kibe nɛ na mɔmɔ, Kpaya asɛsɛ yɛ Eyianyɛ, gɛ adzɛ amɔ, ba mɔ yɛ nɛ ɔshã nɛesi,

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Hebriuanɛ 5:9

klɛ ba za bhɛtɛ yɛ mɔmɔ, ebe dzi anɔ gɛ yɛabha ba ga gɛ ba mɔ tɛbhubhuiɔyɛkɛ mabeke mabeke kɔ balɛ petee gɛ ba ta yɛ atɔ

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Tɛbubukasɛ 1:1

Yesu Kristo tɛbubukasɛ gɛ, Kpaya akɔ yɛ sɛ tɛ ayɛkɔ kasɛ yɛ baxwɛdɛ kɛgɛ baa ba kɛlɛ mɛ nɛ kibe kplitaa mɛ. Akɔ le ti lɛ ganɔ yɛ kpayaxwɛdɛ nɛ tɛkpɛkpɛ sɛsɛ yɛ axwɛdɛ Yohanɛsɛ,

Romanɛ 9:5

Balɛ yɛ kɛlɛ nu banɔshishe, klɛ denɔ balɛ mɛ Kristo ansɛ anɔdzyrame ana la ba mɔ yɛ bakakuku, gɛ enu Kpaya kɔ anɔnyanɔ, gɛ ba kpɛ nɛa bha! Tɛ kɛbɛlɛm.

Yohanɛsɛ 12:46

Ɛba kanɔ nɛ mɛ anasɛ kifu, sɛ tɛ anɔ nɛ gɛ ayɛkɛ mɛabhaŋa atɛ ba za otumuɛ mɛ.

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Luka 24:19

“ Ebisi asɛ, Ebui ɖuweɖu?” Be builɛenu asɛ “Denɔ Yesu gɛ ede Nazarɛtɛ.” Edzi atɔnu, gɛganɛ nɛ ebuiɖɛɖɔ mɛ tɛbhɛbhɛtɛ nɛ Kpaya amɛ nɛ̀ banɔ petee amɛ.

Luka 13:33

Nɛ kɛkanyaka mɛ, ɛba za lɛabha ɛzɛ vɛ obo, kivu nɛ kivuede— alasɛ kɛgbɛagba mɛ, atɔnu kanyaka gɛ aba na tsi gɛ ekoeyi nɛ Yɛrusalɛm!

Hebriuanɛ 2:1

Alasɛ tɛ buza awɔ̃zɛza abha mɔmɔ, kɔ ebui nɛ gɛ bunu, sɛ tɛ batɛ bege lɔ ashɛnɔ.

Mateo 21:11

Banɔɛza nɛ asɛ, “Yesu naa, atɔnu gɛ ede Nazarɛtɛ nɛ Galelia.”