Axwɛwɛwa 3:17 - ONUGBÙ NYƐNYÃ VUVƆ

¹⁷ “Badzya mɔ, ɔtsɔ̃ nɛɛ, ɛmɔ sɛ ganɔ matimatim nɔ bhɛtɛ kana, ansɛ gɛ baga gbanɔ nɔ tsyɛa bhɛtɛ.

Axwɛwɛwa 3:17 Referans Kwoze

Luka 23:34

Yesu aɖɔ sɛ, “Aka, yɛkɔtsye alɛ, alasɛ be tinyi kɛdɔ nɛgɛ ba bhɛtɛ.” Klɛ ba yɛkɔ yɛ dɔkpɛkpɛ akɔ ɔhaglɔ nɛ kebisi nɛ nu.

Axwɛwɛwa 13:27

Yerusalɛmanɛ anɛ balɛ bekusi na dɛ mɔ Yesu edzyesi, pɔ nɛ kibe lɛ gɛ bee bu yɛ atɛ̃ɛ nɛɛ, baa bhɛtɛ atrɔ ebui nɛ gɛ batɔnu na ɖɔ pɛ baa kla kibenyɛbe nɛ Kimuenewi nɛa bha.

1 Kɔrintioanɛ 2:8

Bamani kanyaka nɛ agɔa nɛ mɛ edi nu kalɛesi, pɔ otɔsɛ be nu, bagɛ ata kpla ishudɛdanɛ Apalete nɛ asɔ.

Yohanɛsɛ 16:3

Ba babhɛtɛ ebuia nɛdi alasɛ beti nyi Aka pɛnɔ mɛ.

1 Timotio 1:13

Kɛnya lɛ kɛlɛm sɛ iti dzi anɔ gɛ abhɛtɛ ebusobui di anɛ anɔ gɛ akpatɔnɔ anɔ klɛ idzi anɔ gɛ aza kanya, be di mɛ eshutukubui alasɛ ɛbhɛtɛ ebuia nɛ matimati mɛ anɛ mayɛkɛ mayɛkɛŋa.

2 Kɔrintioanɛ 3:14

Pɔ balɛ amɛ dɔ otumu, alasɛ ɔdɔtɔnɔ obowui nɛabha kɛdɔ kukumu lɛlɛ nɛ wɔ kɛbelɛlɛ gɛ ba kla tɛnyɛnya kuku keplukpa. Kɛ dɛ tsɛ nɛ balɛ amɛ, alasɛ Kristo terikpo mɛzɛza la ba tsɛ lɛ bu.

Romanɛ 11:2

Kpaya adɛ shɛ̃nahwɛ yɛanɔalɛ nɛ shu, gɛ eputɔenyi. No tinyi kɛdɔnɔ nɛ gɛ Kpayɛbuieplukpa nɛ aɖɔ denɔ Eliya shu— kana gɛ ebisi Kpaya kititilulɔ nɛ Izraɛl shu:

Axwɛwɛwa 26:9

“Mɛ nahwɛ tsyɛ ba nu klɛm sɛ alasɛ tɛ ɛbhɛtɛ kɛdɔnyɛdɔ gɛ ba bɛɛ lɛm sɛ tɛ ɛyɛkɔ lɔ kititi nɛ Yesu Nazarɛtɛ eyi nɛ kinyi shu.

Axwɛwɛwa 7:40

Be tsre Arɔn asɛ, Bhɛtɛ bakpaya kɔ lɔ gɛ ba za otugba kɔ lɔ. Mosea nɛ xũ nɛɛ gɛ agbanɔ lɔ denɔ Egibite—buti nyi kɛdɔnɔ nɛ gɛ bhɛtɛ yɛ!’

Yohanɛsɛ 7:52

Be bulɛnu sɛ, “Galelia wɔ tsyɛ ode? Di kɛlɛ mɛ, klɛ ɔbɔ mɔ sɛ atɔnu eti de Galelia.”

Filipianɛ 1:22

Onugɛ ɛba za kɛlɛabha zanɛ kpã nɛ ishuidzya mɛ, kɛnɛ kɛ ba dzi kɛxwɛwɛwa eyuyu kɔ mɛ. Pɔ kiɖueɖu ɛba yɛkɔ? Iti nyi!

Luka 23:13

Pilato eklu exogo, kpayaɔzakɔanɔ ekusi, bamani nɛ̀ banɔ,

Yohanɛsɛ 15:21

Ba bakpɛ nɔ butɔ nɛ kidzoe nɛabha alasɛ nɛ mɛ nyi nɛ so, alasɛ be tinyi Anɔ nɛ gɛ yɛ akpɛ mɛ.

Axwɛwɛwa 22:5

anasɛ gɛ kpayanɔgbla anɛ Beshisheha nɛ petee tsyɛ ba ba mɔɛlɛ aɖɔ. Mɛ ɛyɛkɛ klɛ shu buplukpa denɔ balɛ ahwɛ ɛyɛkɔ vɛnɔ balɛ dzyalɛ nɛ Damaskosɛ, klɛ mɛ tɔnɔ vɛ ɛda gbanɔ banɔa nɛ ɛmɛna anasɛ bevuza nɛ Yerusalɛm kɔ butɔtɛtɛta.

Axwɛwɛwa 28:21

Banɔ nɛ be bu kɛlɛ nu asɛ, “Buka yɛkɛ buplukpa ŋuŋlɔmɛ kanyaka denɔ Yuɖea nɛ wɔ shu, klɛ badzya nɛ gɛ ede ɔkɛlɛ aba nɛ kanyaka aka ɖɔa ɖɔ pɛ ɔdɔgɔsɛ ba ɖɔ kibui kpã kanyaka edenɔ wɔ shu.

Efesoanɛ 4:18

Balɛ kibuiesi nunu dɔ otumu klɛ be bu ɔtɔ denɔ Kpaya tɛzɛza shu alasɛ kibui matimati nɛ gɛ kɛlɛ balɛ mɛ gɛ kide balɛ idzyi gɛganɛ shu.