Axwɛwɛwa 3:14 - ONUGBÙ NYƐNYÃ VUVƆ

¹⁴ No tsyri Anɔnɛna anɛ Adzyɔgo klɛ no bisi sɛ ba shɛnahwɛ anɔkpã gɛ eyi anɔ nɛ shu kɔ nɔ.

Axwɛwɛwa 3:14 Referans Kwoze

Marko 1:24

“Kidee wɔ Yesu Nazarɛtɛ eyi nɛ ɔpɛɛ denɔ bulɔ ɔkɔ? Ɔba sɛ tɛ obo beke lɔ dza? Inyi anɔ nɛdi gɛ onu, wɔ nu Kpaya Ɔfufɔɛ Dzyɔgo Anɔ!”

Axwɛwɛwa 7:52

Kpaya atɔnu teli atɛ za di sɛ wɔnɔa kalɛ na dɛ kpatɔnɔɛ ede yi edi xãa? Be yi bagɛ eputɔ aɖɔ Banɔ Nɛna nɛ tɛbɛba nɛ tsyɛ. Klɛ ɔtsɔ̃ nɛ tsyɛ nɔ zɔ ga yɛesi klɛ no yi yɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

Axwɛwɛwa 4:27

Nɛ kɛlɛ mɛ Heroɖesɛ anɛ Pontio Pilato aba bhɛtɛ terikpo nɛ bagɛ be di nu Yuɖanɛ anɛ Izraɛlanɛ nɛ ɔmagbla nɛm sɛ tɛ ba bhɛtɛ kititilulɔ nɛ wɔ axwɛdɛ Yesu nɛ gɛ yɛshu kebhui, gɛ ɔsrabɔ kɔ.

Yakobo 5:6

No ti bu bagɛ ba dɛ bhɛtɛ kɛdɔnyɛdɔ nɛ kɛpɔ klɛ no yia lɛ, gɛ ba dɛ lɔ kititi nɛ wɔnɔ shu.

Axwɛwɛwa 22:14

“Ɔkɛlɛa ɖɔ sɛ: ‘Blɔa kalɛ Kpaya nɛ ebu wɔ sɛ tɛ oti yɛ tɛpɛpɛ, tɛ ɔmɔ Anɔnɛna, tɛ onu kibui odenɔ yɛ onugbu mɛ.

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.

1 Yohanɛsɛ 2:1

Me yialɛ mumɔa, ɛŋlɔmɛ kɛnɛ sɛsɛ nɔ sɛ tɛ nɔ tɛ bhɛtɛ kibuikpã. Pɔ onugɛ anɔ teli abhɛtɛ kibuikpã, anɔ terikpo alɛ bulɔ ahwɛ gɛ aɖɔaɖɔ kɔ Aka gɛ awlãkɛ bulɔɛ tɔkpu—Yesu Kristo, Adzyɔgo Terikpo.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Axwɛwɛwa 2:27

alasɛ ɔtɛ bɔ shɛnahwɛ mɛshu olu odzrem, ɔdɔgɔsɛ ɔbɔ kɔ sɛ wɔ Anɔ Dzyɔgo nɛ atsɔmɔ.

Luka 23:25

Ashɛnahwɛ anɔ nɛ gɛ bevu akpɛ buvu gɛ alɔɛtiti nɛ bekusi nɛ shu pɛ̀ eyianɔ nɛ shu, klɛ ayɛkɔ Yesu akɔ alɛ nɛ balɛ tɛpɛpɛɛ nɛ nu.

Luka 1:35

Axwɛdɛ nɛ ebui lɛ nu asɛ, “Ɔfufɔɛ Dzyɔgo nɛ lɔ bɔ ba wɔa bha, klɛ Agbɛgbladɛ nɛ kemi nɛ kebe kumu wɔ. Kɛlɛ so agɛ yɛ shu bhui gɛ la ba mɔ ba be klu yɛ asɛ Kpaya yɛ Eyi.

Marko 15:11

Pɔ kpayaɛzakɔanɔ nɛ ba kpɛahwanɔ banɔɛza nɛ asɛ tɛ be tui lɛ akpɛ tɛ Pilato ashɛ̃nahwɛ Barabasɛ shu.

Marko 15:7

Anyɛ teli gɛ bee kulu asɛ Barabasɛ nɛ aza vu plɛnɔ anɔ dzyidzyeaga teli gɛ eyi anɔ nɛ kititilulɔɛ be tilim.

Mateo 27:20

Pɔ, kpayaɔzakɔanɔ anɛ ɔma banɔ shishe nɛ bakɔ sɛ tɛ banɔɛza nɛ be bisi sɛ tɛ ba shɛnahwɛ Barabasɛ shu tɛ ba yɛkɔ Yesu avɛnɔ ede yi.

Yohanɛsɛ 16:10

ba be bu alɛ adzyɔgo bhɛbhɛtɛ elete, alasɛ ɛvɛ Aka nɔ kɔ, ɔkɛlɛ nɔ tɛɔ mɔ mɛ,

Yohanɛsɛ 18:40

Ba kpɛ ogugu asɛ, “Oo anɛ yɛ! Yɛkɔ Barabas kɔ lɔ!” Barabas enu anɔ gɛ akpɛ onugbu nɛ ɔma yɛyɛ bui mɛ.

Axwɛwɛwa 5:28

Anɔgbla nɛ etsre alɛ asɛ, “Bu kpɛ wɔnɔ ɔshã gɛganɛɛ sɛ nɔ tɛ kasɛ kɛdɔ nɛ kinyi nɛm.” “Pɔ no yuku Yerusalɛm nɛ wɔnɔ kɛdɔ kɛkasɛ, klɛ nɔ pɛ sɛ tɛ no bu lɔɛ pɔ nɛ anyɛa nɛ dzyosu kɛtɔkpu!”

Axwɛwɛwa 13:28

Kɛza na sɛ ba dɛ mɔ ɔtsre odzukɔ kanyaka kɔ butsipɔ bubu yɛ, pɔ be bisi edenɔ Pilato ahwɛ sɛ akɔ le yi yɛ.