Axwɛwɛwa 28:23 - ONUGBÙ NYƐNYÃ VUVƆ

²³ Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Axwɛwɛwa 28:23 Referans Kwoze

Axwɛwɛwa 19:8

Paolo ebe tsoku oxogokɔvu nɛ mɛ klɛ aɖɔ kaɖɔ nɛ bugɛganɛ mɛ nɛ ɔkɛlɛ wele tɛata, atsya ebui mɛ ebu nɛ Kpaya bukusiɔŋakɔ nɛ shu.

Axwɛwɛwa 18:28

Alasɛ nɛ adɛ da dɛmɛ atrɔ Yuɖanɛ nɛ ɔmashi kaɖɔ nɛa bha, nɛ klɛ mɛ nɛ ebu akasɛ denɔ kibui ŋuŋlɔmɛ nɛ mɛ akɔalɛ asɛ Yesu yɛ dzi Kristo.

Axwɛwɛwa 26:6

Klɛ ɔtsɔ̃ nɛɛ, alasɛ ididzoenu kɔ kɛgɛ Kpaya aɖɔ elu asa ba bhɛtɛ kɔ makalɛ nɛ so ɛkpasɛ kebhuim obo.

Axwɛwɛwa 8:35

Klɛ Flipo akpɛ kɛsi nɛ kɛdɔ nɛ gɛ akla denɔ Kpay keplukpa nɛ mɛ klɛ aɖɔ Kpaya kibui dzyɔgo nɛ denɔ Yesu shu etsre yɛ.

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Axwɛwɛwa 18:4

Nɛ kimuenewi kanyaka bha adɛ oxogokɔvu nɛ mɛ, klɛ ada ɖɔaɖɔ nɛ Yuɖanɛ anɛ Grikanɛ sɛ tɛ awɛa lɛ nu.

Yohanɛsɛ 4:34

Yesu aɖɔ asɛ, “Mɛ dɔŋɛŋa, ” kɛlɛ nu sɛ “tɛ ebhɛtɛ trɔ agɛ akpɛ mɛ nɛ tɛpɛpɛɛ abha klɛ tɛ ɛwa yɛ axwɛ nɛ beke.

Filimɔnɛ 1:2

kɔ Afia bulɔ ada, kɔ Atsyipus bulɔ keyutugbaniglɔ kɔ busɔlɛɔha nɛ gɛ ooxogo nɛ wɔ bupa nɛ mɛ:

Marko 4:34

Yesu adɛ tsre yɛ banɔ nɛ kibuinyɛbui gɛ adɛ kpɛɛ lɛ kɛkpalɛ. Pɔ onu gɛ yɛ nɛ yɛ badɔkpasɛ nɛ tite bee li, adanɛ kibuinyɛbui mɛ petee akɔ balɛ.

Luka 16:28

alasɛ badzya tieti ba lɛ mɛ ahwɛ. Kɔ yɛ akpɛ balɛ ɔshã, sɛ tɛ balɛ tsyɛ batɛ ba ba butɔ ɔzakɔ nɛ.’

Axwɛwɛwa 1:3

Nɛ yɛ butɔ nɛede nɛɛ, Yesu ebu yɛ shu akasɛ banɔ klɛ abhɛtɛ ebui gelee ayɛkɔ akasɛ sɛ alɛ nɛ ɛkpã. Awɛ̃ nɛ balɛ amɛ ganɔ ewi afɛtalɛ̃ mɛ klɛ aɖɔ kaɖɔ denɔ Kpaya bukusi ɔŋakɔ nɛ shu.

Axwɛwɛwa 23:11

Nɛ kɛlɛ elishi nɛ mɛ Apalete nɛ aza plɛnɔ Paolo klɛ etsrea sɛ, “Kpɛ kite! Anasɛ gɛ ɔtɛ ɖɔ denɔ mɛshu nɛ Yerusalɛm nɛ, kana ko alasɛ tɛ ɔɖɔ nɛ Rom tsyɛ.”

Axwɛwɛwa 24:14

Pɔ nɛɛ, ɛdɛmɛ sɛ ɛklu blɔakalɛ Kpaya anasɛ anɔ gɛ alɛ balɛ kidzo nɛede, gɛ be klua sɛ ɔshɛ. Ɛyɛkɛ kɛbuinyɛbui dia bha ŋa gɛ kɛ lɛ Ɔshã nɛ nu gɛ batɔnu nɛ aŋlɔmɛ,

Axwɛwɛwa 28:31

Ganɔ kitekpɛkpɛ anɛ kide madimadi mɛ aɖɔ kaɖɔ edenɔ Kpaya bukusi ɔŋakɔ nɛ shu klɛ akasɛ kɛdɔ denɔ Apalete Yesu Kristo shu.

Filimɔnɛ 1:22

Klɛ kibui tirikpo ka gɔ: Bala ɔyakɔ kɔ mɛ, alasɛ ididzoenu sɛ ɛba tsodzi ba wɔ bha nɛ kibisi nɛ gɛ obisi nɛ nu nɛ wɔ kpayakukulu mɛ.