Axwɛwɛwa 26:20 - ONUGBÙ NYƐNYÃ VUVƆ

²⁰ Putɔnɔ kɔ baga lɛ Damaskosɛ, ka kɔ baga lɛ Yerusalɛm nɛ Yuɖia petee, anɛ kɔ bagɛ be di nu Yuɖanɛ nɛ tsyɛ, ɛkasɛ kɛdɔ sɛ tɛ be tsyina kitem tɛ be tsyina tɔ Kpaya tɛ be bu balɛ tɛtsyitsyina nɛ akasɛ anɛ ganɔ balɛ ebui bhɛbhɛtɛm.

Axwɛwɛwa 26:20 Referans Kwoze

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

Mateo 3:8

No yu eyuyu anɛ kitemtsyitsyina nyɛnyɛna vunɔm.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Tɛbubukasɛ 2:5

Baka ɔkɛlɛ gɛ ɔtɛ wɔlɛ ode! Tsyina kitem tɛ ɔbhɛtɛ ebui nɛ gɛ ɔbhɛtɛ putɔnɔ. Onu gɛ ɔdɛ tsyina kite mɛ, ɛba tɔnɔ wɔ ba klɛ ɛba nyɛna wɔ kanɛgbɛosi nɛ yɛkɔ nɛ ɔlɛ ɔzakɔ.

Mateo 9:13

Pɔ nɔ vɛ tɛ nɔ dɔ pɛɛ kibui nɛe si onu: ‘Ɛpɛɛ eshutukubui didi, ganɛ busoyiyi.’ Alasɛ ɛdɛ ba kɔ badzyɔgo nɛ tɛkukulu, pɔ kɔ bezizi.”

Tɛbubukasɛ 3:3

Kɛlɛ so, baka, wɔ kɛ gɛ ɔtɛ yɛkɛ klɛ onu, ta kɛlɛ atɔ, tɛ otsyina kitem. Pɔ onu gɛ ɔdɛ nyɛmɛ, ɛba ba ansɛ ezi, klɛ ɔtɛ bo ti kibe nɛ gɛ ɛba ba wɔ bha.

Efesoanɛ 4:17

So itsre nɔ kibui nɛ, klɛ ɛkatrɔ kɛlɛabha sɛ nɛ Apalete nɛ mɛ, sɛ nɔ tɔ za nɛkpã anasɛ bagɛ bɛdinu Yuɖanɛ na za, nɛ balɛ kibuiesi manumanu.

2 Kɔrintioanɛ 7:10

Kpaya obulo mɛna kitemtsyitsyina gɛ kɛkɔ sɛ nɔ mɔ tɛbhubhuiyɛkɛ klɛ kɛ dɛ tɔ anɔ, pɔ kanɔɛmɛ obulo mɛna butsi.

1 Tɛsolonianɛ 1:9

alasɛ balɛ nahwɛ nɛ aɖɔ tɛyɛyɛkɛ nɛɛ di gɛ nɔ kɔ lɔ. Ba ɖɔ kana gɛ no tsyina tɔ Kpaya pɛ no tsodzi nɛ kɛdɔbhubhɔ nɛede sɛ tɛ nɔ bɔ wa kɛxwɛ ɔkɔ ɛkpã anɛ kɛgba Kpaya,

2 Kɔrintioanɛ 3:16

Pɔ kibenɔ gɛ anɔ teli etsyina atɔ Apalete, ba ba danɛ kɛdɔ nɛ yɛamɛ.

Romanɛ 2:4

Ɔdɔgɔsɛ ɔkasɛ awɔ̃kuku kɔ kikesrɔdɔ nɛ gɛ de yɛ ɛyamyuyɔ nɛ wɔ, amɛkukɔ anɛ tɛdɛdɔfɔ̃ nɛ wɔ, ɔtɔɔ mɔ sɛ Kpaya eyamyuyɔ nɛ gbanɔ wɔ ɔvɛnɔ kitem tsyitsyina shu?

Axwɛwɛwa 26:17

Ɛba bu wɔ denɔ wɔnɔ kɔayɛ nahwɛ mɛ anɛ bagɛ edi nu Yuɖanɛ nahwɛ mɛ. Ɛɛkpɛ wɔ sɛsɛ alɛ ɔkɔ

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Axwɛwɛwa 15:19

“Kɛlɛso, ki nu mɛ kibuim bhubhui, sɛ nɔ tɛ kpɛ bagɛ be di nu Yuɖanɛ nɛ gɛ be tsodzi aaba Kpaya ɔkɔ nɛ butɔ.

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 9:35

Banɔ nɛ petee ga lɛ Lidda anɛ Sharonɛ na mɔ yɛ klɛ be tsyina amɛ atɔnɔ Apalete.

Axwɛwɛwa 9:15

Pɔ Apalete nɛ etsre Ananiasɛ asɛ, “Vɛ! anya nɛɛ enu mɛ kɛɖaŋudɔ gɛ eklu sɛ tɛ aba yɛkɔ mɛ kinyi nɛ avɛnɔ bagɛ ede nu Yuɖanɛ anɛ balɛ bekusi anɛ Izraɛlanɛ.

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

Luka 15:7

Itsre nɔ sɛ kana ke samemumɔ gelee aba za owũsise nɛ́ ezizi terikpo gɛ etsyina temɛ shu dɛ banɔ dzyɔgo afɛtezhita nɛ-tiezhita gɛ kitemɛ tsyitsyina va ma balɛ shu.

Luka 13:5

Itsre nɔ sɛ, ao! Pɔ odunu sɛ nɔ tsyinaɛtemɛ wunɔ petee tsyɛ nɔ bɔ tsi.”

Luka 13:3

Itsre nɔ sɛ, ao! Pɔ odunu sɛ nɔ tsyinɛtemɛ, wunɔ petee tsyɛ nɔ bɔ tsi.”

Luka 1:16

Aba gbanɔ Izraɛl banɔ gelee etsodzini amɛna Apalete balɛ Kpaya kɔ.

Marko 6:12

Ba vɛ ada kasɛ kɛdɔ sɛ tɛ banɔ nɛ be tsyina kite mɛ.

Mateo 4:17

Denɔ kibe lɛ nɛ mɛ ɔvɛnɔ klɛ Yesu etenɔ Kpayɛbui nɛ ɖɔ, “Tsyinɛtem, alasɛ owũsise bukusiɔŋakɔ nɛ tɛ tsu ba.”

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

Tɛbubukasɛ 16:11

klɛ ba ɖɔ kibui akpɛ owũsise Kpaya akpɛ balɛ ishumpupɔɛ anɛ apɔ nɛ so, pɔ ba dɛ dɛmɛ etsyina kitem nɛ ebui nɛ gɛ ba bhɛtɛ nɛ shu.

Tɛbubukasɛ 2:21

Ɛtɛ kɔ yɛ kibe sɛ tɛ etsyina kitem nɛ yɛ azhuzhɔlɛbui nɛ mɛ, pɔ ataa pɛ asɛ.

Axwɛwɛwa 26:19

“So nɛɛ, Ekusigbla Agrippa, ɛdɛ nu anɔ gɛ adɛ ta tɔ nɛ kɛdɔmumɔ nɛ gɛ de owũsise.