Axwɛwɛwa 24:25 - ONUGBÙ NYƐNYÃ VUVƆ

²⁵ Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

Axwɛwɛwa 24:25 Referans Kwoze

Yohanɛsɛ 16:8

Kibenɔ nɛ gɛ aba, abe bu kanɔ nɛ kɛpɔ nɛ buzizi, kɛdzyɔgo bhɛbhɛtɛ nɛ́ kɛbhui kuklu:

1 Petro 3:15

Pɔ nɛɛ wɔnɔ idzyi mɛ nɔ kpɛ Kristo ɔtɔ́ anasɛ Apalete. Kibenyɛbe nɔ bala tɛ nɔ kɔ kibuiesibubu anɔnyanɔ gɛ ebe bisi sɛ nɔ kɔ kesinunu kɔ kidzoenudidi gɛ lɛ wũnɔ ahwɛ. Pɔ nɔ bhɛtɛ lɛ nɛ ishunyɛnyɛna nɛ̀ yɛ kpɛkpɛ abha,

2 Petro 1:6

klɛ kɔ kibuititi, ɛshu nyɛnyɛna, klɛ kɔ ishu-nyɛnyɛna, kɛxwɛwɛwa, nɛ̀ kɔ kɛxwɛwɛwa, kpayamɛzɛza,

Galatianɛ 5:23

ishu nyɛnyɛna anɛ ishua bhaŋɛŋa. Ɔshã dɛ lɔɛtiti nɛ ebuianɛ di shu.

Axwɛwɛwa 10:42

Akpɛ blɔ sɛ tɛ buɖɔ yɛ kibui nɛ tsre banɔ tɛ bu bu kasɛa lɛ sɛ yɛ enu anɔ nɛ gɛ Kpaya akɔ sɛ tɛ eklu kebhui nɛ baga lɛ nɛ ɛkpã anɛ be tsitsi.

1 Yohanɛsɛ 3:7

Banɛvɔ mumɔa, nɔ tɛ kɔ anɔnyanɔ awɔɛ nɔ. Anɔ gɛ abhɛtɛ kɛdɔ dzyɔgo enu anɔ dzyɔgo, anasɛ gɛ Kristo enu adzyɔgo.

Yakobo 2:19

Nɔ yɛkɛ ɔŋa sɛ Kpaya terikpo yɛ alɛ. Abɔ! Ɛfufɔɛkpã nɛ tsyɛ yɛkɛ ŋa na— klɛ lɛ shuku nɛ kifu.

Hebriuanɛ 9:27

Anasɛ gɛ babhɛtɛ lɛ sɛ anɔdzyrame bu tɛ trukpo ko etsi, nɛ kɛlɛede beklu kebhui nɛ yɛ,

Hebriuanɛ 4:1

Kɛlɛso, kidzodidi gɛ akɔ lɔ sɛ tsoku yɛ bumoene mɛ, nɛ ka lɛ, nɔ kɔ lɔ luawɔ̃ mɔmɔ sɛ bulɔ mayɛ kanyaka atɛ da wɔɛ dzo.

Hebriuanɛ 3:13

Pɔ nɔ kpɛ ɛhaglɔ kemi kibenyɛbe, anasɛ gɛ be klu alɛ Obonɛ, so tɛ kizizi tɛ wɔɛ nɔ wɔnɔmɛayɛ kanyaka.

Galatianɛ 3:22

Pɔ Tɛŋuŋlɔmɛ anɛ buɖɔ sɛ ba kpɛ kanɔ petee nu kizizi evuza, sɛ tɛ kɛ gɛ ba trɔlu, ba yɛkɛ lɛ akɔ aganɔ Yesu Kristo tɛyɛyɛkɛŋa abha, ba bayɛkɛ akɔ bagɛ bayɛkɛŋa.

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.

1 Yohanɛsɛ 3:10

Kɛnɛ kɛlɛ kɔ bu ti bagɛ benu Kpaya yɛ yialɛ klɛ ganɛ̀ bagɛ benu ɔfufɔɛkpã yɛ yialɛ. Anɔnyanɔ gɛ adɛ bhɛtɛ kɛ gɛ nu kɛdzyɔgo edɛnu Kpaya yɛ yi, ɔdɔgɔsɛ adɛ dɛmɛnɔ nɛ yɛ adzya, edi nu Kpaya yɛ yi.

2 Timotio 4:1

Nɛ Kpaya anɛ Kristo Yesu amɛ, bagɛ ebe kulu kebhui nɛ belulu anɛ betsitsi, klɛ nɛ yɛ tɛwɛwɛ̃ anɛ yɛ bukusiɔŋakɔ nɛ mɛ, ɛyɛkɔ ebuia nɛ kpɛ wɔahwɛ sɛ:

2 Kɔrintioanɛ 6:2

Alasɛ aɖɔ sɛ, “Nɛ mɛ tɛpɛplɛnɔ kibe nɛ mɛ inu nɔɛ dɔ, klɛ nɛ tɛbhubhuiyɛkɛ kiwui nɛabha ɛplɛnɔ nɔ.” Itsre nɔ sɛ, ɔtsyɔnɛ ɔlɛ nu kibe kɔ Kpaya tɛ pɛplɛnɔ, ɔtsɔ̃nɛ ɔlɛ nu kiwui kɔ tɛbhubhuiyɛkɛ.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

Axwɛwɛwa 24:15

klɛ kabha yɛyɛkɛŋa lɛ mɛ ahwɛ nɛ Kpayam anasɛ banɔa nɛ, sɛ tɛlulɔ ba za kɔ banɔ dzyɔgo anɛ atɔkpum gɛganɛ elete.

Axwɛwɛwa 17:32

Gɛ be nu tɛlɛlɔ denɔ butsi mɛ bui nɛɛ, balɛ beteli amuɔɛ, pɔ beteli asɛ, “Bu pɛ sɛ tɛ bu fla nu kibui nɛ mɛ denɔ wɔ kɔ nɛ klɛ de mɛ.”

Axwɛwɛwa 17:2

Ansɛ gɛ yɛ aabhɛtɛ xũii, Paolo ede tsoku oxogokɔvu nɛm, nɛ Kimuenewi tata bha klɛ ada ɖɔ kaɖɔ nɛ banɔ denɔ Kpayɛbui nɛ shu,

Axwɛwɛwa 2:37

Gɛ banɔ nɛ nu kibui nɛɛ, kibhui balɛ kite mɛ ohui klɛ baa ɖɔ tsre Petro anɛ Banɔkpɛkpɛ gɔgɔɛ nɛ asɛ, “Badzya mɔ, kide lɔ ba bhɛtɛ?”

Hebriuanɛ 6:2

kɛdɔkɛkasɛ denɔ bunikpɛkpɛ shu, anɛ ahwɛ tɛtrɔ nɛ anɔabha, betsitsi anɛ tɛnyɛnyɛmɛ, anɛ kebhuikuklu gugɔɛ mabeke mabeke.

Hebriuanɛ 12:21

Kɛdɔ nɛ gɛ amɔ kɛ kuifu tsutsɔmɔ sɛ Mose aɖɔ sɛ, “Ishuku nɛ kɛfu.”

Romanɛ 14:12

So nɛ kɛlɛ mɛ, bulɔmɛayɛ kanyaka ebe bu yɛnahwɛ shu nu kɔ Kpaya.

Romanɛ 12:1

Klɛso nɛɛ, badzya mɔ, itsre nɔ sɛ, nɛ Kpaya eshutukubui didi mɛ, tɛ ayɛkɔ wɔnɔ shuidzya ansɛ ishuyɛyɛkɔ tsye gɛ lɛ nɛ ɛkpã, gɛ ɛlɛshubhui klɛ kɛku Kpaya awɔ̃, kɛlɛ nu wɔnɔ ɔfufɔɛ mɛzɛza kɛtɔkpuesi kpɛkpɛ.

Romanɛ 2:16

Kibui nɛ ba ba kɛlɛm nɛ kiwi nɛa bha gɛ Kpaya ebe kuluebhui nɛ banɔ nɛ ebuikpukpu ganɔ Yesu Kristoa bha, anasɛ gɛ mɛ kibuidzyɔgo nɛ buɖɔ.

Axwɛwɛwa 26:28

Ɔkɛlɛ Agrippa ebisi Paolo asɛ, “Ɔyɛkɛ ɔŋa sɛ nɛ kibe bhli nɛ mɛ nɛ ɔbɔ na mɛ bu tsyina dzi Kristoa yɛ dza?”

Axwɛwɛwa 17:13

Kibe lɛ nɛ gɛ Yuɖanɛ nɛ ga lɛ Tesalonika nɛ benu asɛ kana Paolo ada ɖɔ Kpaya kibui nɛ Bɛrea nɛɛ, batɔnɔ avɛ ɔklɛ tsyɛ, klɛ bada kpɛ banɔɛza nɛ bunuhu anɛ puipui.

Axwɛwɛwa 9:6

“Ɔtsɔ̃ nɛɛ lɔ tɛ ɔvɛ ɔmagbla nɛm, klɛ be be tsre wɔ kɛdɔnɔ nɛ gɛ alasɛ tɛ ɔbhɛtɛ.”

Mateo 22:5

“Pɔ ba dɛ yɛkɔ nɛ kɛlɛ mɛ klɛ ba shɛ, teli ashɛ̃ avɛ yɛ ayakpam, klɛ teli tsyɛ ashɛ̃ avɛ yɛ axwɛ mɛ.

Axwɛwɛwa 24:26

Nɛ kibe lɛ nɛm ke nɛɛ eedi kidzoenu sɛ Paolo aba kɔ yɛ ɔdzyɔ, so ebee klu yɛ zia zia klɛ aɖɔ kaɖɔ nɛ yɛ.

Titusɛ 1:8

Nɛ kɛlɛ shu so alasɛ tɛ edzi anɔ gɛ aba yɛkɛ anɔ, anɔ gɛ aɖɔ kɛdzyɔgo, gɛ aŋashuabha, gɛ afulɔ̃, yɛ shu bhui klɛ atatɔ.