Axwɛwɛwa 22:30 - ONUGBÙ NYƐNYÃ VUVƆ

³⁰ Nɛ kiwi bhla nɛ mɛ, gɛ behudugbani Apalete nɛ apɛa sɛ tɛ eti kɛdɔnɔ nɛ shu so pɛ Yuɖanɛ na yɛkɔ kibui nɛ Paolo nɛɛ, ashɛ̃nahwɛ yɛ shu gbɔ, klɛ eklu kpayanɔ anɛ bebhuiklu nɛ exogo. Klɛ agbanɔ Paolo amɛna balɛ amɛ.

Axwɛwɛwa 22:30 Referans Kwoze

Axwɛwɛwa 23:28

Ɛpɛ sɛ tɛ iti kɛdɔnɔ nɛ so gɛ be bhui yɛ nu, klɛso nɛɛ ɛyɛkɔ yɛ ɛmɛna balɛ Bebhuiklu.

Axwɛwɛwa 21:33

Behudugbani aka nɛ ekoeyi aba klɛ ebe vu Paolo klɛ akɔ sɛ tɛ banya yɛ nɛ buɖɛ tubha. Klɛ ebisi Paolo anɔ nɛ gɛ enu nɛ kɛdɔnɔ nɛ gɛ abhɛtɛ.

Axwɛwɛwa 26:29

Paolo ehunu etsrea sɛ, “Kibe bhlio, kibe dzidzeo—ɛklu Kpaya sɛ ganɛ wɔ tite ko wo bo tsyina, banɔ nɛ petee gɛ nu kibui nɛ obo nɛ be dzi anasɛ mɛ, ganɛ sɛ tɛ balɛ tsyɛa za bɔɖɛm.”

Axwɛwɛwa 23:15

Ɔtsɔ̃ nɛɛ, wɔnɔ nɛ Bebhuiklu no bisi sɛ Apalete nɛ agbanɛ Paolo amɛna tɛ abhɛtɛ ansɛ nɔ pɛɛ sɛ tɛ no nu yɛ ebui nɛm mɔɔ mɔ gɛ ba yɛkɔ nɛ yɛ shu. Blɔ nɛ bɔtɛ bala kɔ yɛ tɛyiyi flogo pɛ aba ba nanɛ wɔnɔ nɛ ɔkɛ̃.”

Axwɛwɛwa 22:5

anasɛ gɛ kpayanɔgbla anɛ Beshisheha nɛ petee tsyɛ ba ba mɔɛlɛ aɖɔ. Mɛ ɛyɛkɛ klɛ shu buplukpa denɔ balɛ ahwɛ ɛyɛkɔ vɛnɔ balɛ dzyalɛ nɛ Damaskosɛ, klɛ mɛ tɔnɔ vɛ ɛda gbanɔ banɔa nɛ ɛmɛna anasɛ bevuza nɛ Yerusalɛm kɔ butɔtɛtɛta.

Axwɛwɛwa 21:11

Gɛ ebe ku blɔ bha, ayɛkɔ Paolo ɔdzadi, klɛ ayɛkɔ anya yɛnɛahwɛ ɛtsrɛ nɛ ɛhwɛ klɛ aɖɔ asɛ, “Ɔfufɔɛ Dzyɔgo nɔ ɖɔ sɛ, ‘Kana Yuɖanɛ nɛ Yerusalɛm aba nya ɔdzadi elete klɛ la ba yɛkɔ akpɛ ahwɛ kɔ bagɛ be di nu Yuɖanɛ.’ ”

Axwɛwɛwa 5:21

Nɛ keli zɛza nɛ mɛ, ansɛ gɛ be tsrea lɛ, be de tsoku busolɛvu nɛm klɛ ba kpa banɔ kɛdɔ kasɛ. Gɛ kpayanɔgbla anɛ yɛ ɔhayɛalɛ nɛ be ku, be klu Busɔlɛebhuiklu nɛ exogo, nɛ Izraɛlanɛ beshishe nɛ balɛ tɛxuxogom petee, klɛ ba yɛkɔalɛ sɛsɛ buvuɔkpɛkɔ kɔ banɔkpɛkpɛ.

Mateo 27:2

Klɛ so ba ba nya yɛ klɛ la gbanɔ yɛ avɛnɔ ada kpɛ ahwɛ akɔ Pilatio, gɛ enu anɔ nɛ gɛ aŋa kɛmadi nɛa bha.

Mateo 10:17

“Nɔ lu awɔ̃ nɛ banɔdzyrame, be be vu nɔ ayɛkɔ akpɛ ahwɛ kɔ bamani klɛ ba ba mɛna nɔɛ dɔ nɛ balɛ ixogokɔevu nɛ mɛ.

Mateo 5:22

Pɔ itsre nɔ sɛ, anɔnyanɔ gɛ amɔ oblo nɛ yɛadzya be be kulu kebhui nɛ yɛ. Ɔyɛkɔplɛnɔ anɔnyanɔ gɛ ebe tsre yadzya sɛ, ‘Ɔmɛtã kɔ kɛdɔnyɛdɔ,’ ebe bu shu nu nɛ Bebhuiklu naa mɛ. Pɔ anɔ nɛ gɛ aaɖɔ sɛ, ‘Wɔ agã onu!’ ebe tsoku butɔm anɛ kifu mabeke mabekem.

Axwɛwɛwa 23:1

Paolo edi bebhuiklu nɛ amɛ klɛ aɖɔ sɛ, “Madzyalɛ mɔ, ɛtɛ wa mɛ kɛxwɛ nɛ gɛ Kpaya atrɔ kɔ mɛ nɛ mɛ idzyi petee ɔbɔ tɔnɔ obo wi.”

Axwɛwɛwa 23:6

Ɔkɛlɛ nɛɛ Paolo, gɛ enyi asɛ banɔ nɛ teli benu Sarusianɛ klɛ bagɔgɔɛ nɛ enu Farisianɛ so nɛɛ, akpɛ onugbu klɛ eklu edenɔ Bebhuiklu nɛ mɛ asɛ, “Madzyalɛ mɔ, mɛ nɛ Farisieyi mɛ ɛnu, Farisieyi ya mɔ mɛ. Ili kititi kɔ kebhui kuklu nɛ mɛ alasɛ ɛyɛkɛ ŋa sɛ tɛ lɔlɔ lɛ nɛ butsie de.”

Axwɛwɛwa 23:20

Anyɛnuvɔɛ na sɛ, “Yuɖanɛ nɛ peteea ba dɛmɛa sɛ be be tsre wɔ tɛ ɔgbanɔ Paolo ɔmɛna Bebhuiklu nɛ amɛ kivu tɛ abhɛtɛ ansɛ be bisi yɛ ebui nɛ mɛ enu mɔɔ mɔ.