Axwɛwɛwa 21:16 - ONUGBÙ NYƐNYÃ VUVƆ

¹⁶ Badɔkpasɛ nɛ teli gɛ bede Sizeria baza lɔ ede klɛ la gbanɔ lɔ amɛna Mnasɔn bupa mɛ, ɔkɛlɛ gɛ alasɛ tɛ buza. Enu anyɛ teli gɛ ede Saɛpros klɛ enu badɔkpasɛ tutɔpu nɛ ɔmɛayɛ teli.

Axwɛwɛwa 21:16 Referans Kwoze

Axwɛwɛwa 21:8

Kiwi bhla nɛɛ, gɛ bu shɛ bu da ku Sizeria klɛ bu da za Filipo Kpaya atɔnu nɛ bupa mɛ, gɛ enu banɔ Tiegene nɛ ɔmayɛ teli.

Filimɔnɛ 1:9

pɔ ibisi denɔ wɔ ahwɛ mɛ nɛ tɛɖuɖɔ shu so. Mɛ ɔtsɔ̃, ansɛ Paolo ana, gɛ inu anɔshishe klɛ ɔtsɔ̃ tsyɛ idzi anɔ gɛ akpasɛ buvu nɛ Kristo Yesu,

Romanɛ 16:7

Ɛsɛnɔ Andronikusɛ anɛ Yuniasɛ, meshopoalɛ nɛ gɛ baza buvu aplɛnɔ mɛ. Balɛ ba vɛ otugba nɛ banɔkpɛkpɛ nɛɛ shi, klɛ ba za Kristo mɛ flogo pɛ ɛba tsoku.

Axwɛwɛwa 15:39

Ɔtɔgɛga ŋaŋã toli obo ku balɛ kishi klɛ ba ba pɔ aglɔɛm. Banabasɛ aba gbanɔ Marko klɛ ba za kenia bha avɛ Siprɔsɛ,

Axwɛwɛwa 11:19

Ɔtsɔ̃ nɛɛ bagɛ balɛ mɛ lakpɛ ozi nɛ Stefano tɛkpɛkpa tɔnɔ nɛ mɛ na ga kidzo avɛ ede ku Foenisia, Siprɔsɛ anɛ Antiɔkɛ, klɛ ba ɖɔ kibui nɛ etsre Yuɖa nɛ nɛ ko.

Axwɛwɛwa 10:48

So nɛ Petro akɔ sɛ tɛ ba kpɛ buni nɛ Yesu Kristo kinyim kɔa lɛ tsyɛ. Klɛ be bisi sɛ Petro aza balɛ ɔbha ewi bhli teli ko.

Axwɛwɛwa 10:24

Nɛ keli zɛza nɛ mɛ Petro ede ku Sizeria. Kɔnɛliusɛ edi balɛ kidzoe nu klɛ eklu yɛshopoalɛ nɛ yɛ ɛbhɛyalɛ ebe dzu yɛɔbha.

Axwɛwɛwa 8:40

Pɔ gɛ kɛ za na nɛɛ, Flipo ada wɛ̃ nɛ Azotus klɛ aga anyɔ akana, nɛ kpayakibui nɛ tɛɖuɖɔ nɛ ɛma nɛ peteem ɔdɔ nanɔ kibe lɛ gɛ ede ku Sizeria.

Axwɛwɛwa 4:36

Yosɛfu gɛ enu Levaɛtɛ eyi denɔ Siprɔsɛ, gɛ banɔkpɛkpɛ nɛ klua sɛ Banabasɛ (kɛlɛesi nu sɛ Eyi gɛ akɔ Kemi),

Axwɛwɛwa 15:7

Nɛ ebui nyɛnyɛnadi gelee de, Petro ebe vu alɔ klɛ aɖɔ kaɖɔ akɔa lɛ asɛ: “Badzya mɔ, no nyi ɔsɛ, nɛ kibe tili gɛ ba fla nɛ mɛ Kpaya ebu anɔ teli edenɔ wɔnɔm sɛ tɛ baga dɛ nu Yuɖanɛ nɛ tsyɛ be nu edenɔ mɛ onugbu mɛ kɛgɛ kibui dzyɔgo nɛ vunɔ tɛ ba yɛkɛ aŋa.