Axwɛwɛwa 20:27 - ONUGBÙ NYƐNYÃ VUVƆ

²⁷ Alasɛ ɛdɛ yii de nɛ Kpaya tɛpɛpɛ nɛ tɛ bubuɖɔ tsre nɔ shu.

Axwɛwɛwa 20:27 Referans Kwoze

Axwɛwɛwa 20:20

No nyi sɛ ɛdɛ yii de nɛ kɛdɔ kɛkasɛ gɛ ba kɔ nɔ tɛpɛplɛnɔ shu, pɔ ɛkasɛ nɔ kɛdɔ nɛ ɔtɔ denɔ bupa mɛ ɔvɛ bupa mɛ.

1 Tɛsolonianɛ 2:4

Kɛɛlɛ nɛ mazɛ lɛ mɛ, bu ɖɔaɖɔ anasɛ banɔ gɛ Kpaya atrɔahwɛ bulɔa bha pɛ ba ba yɛkɔ kibuidzyɔgo nɛ akpɛ bulɔ ahwɛ. Bu tɛ bhɛtɛ sɛ tɛ bu ku banɔ awɔ̃ pɔ Kpaya, gɛ eefeke bulɔ idzyi nɛ mɛ edi.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

Galatianɛ 4:16

Ɛdzi anɔ kpã ɔtsɔnɛ kɔ nɔ alasɛ ɛɖɔ ɛbui gbɛagba tsre nɔ so?

Efesoanɛ 1:11

Nɛ yɛ mɛ be klu lɔ tsyɛ, be klu lɔ nɛ ebui bhɛbhɛtɛ nɛ nu gɛ kɛwaɛxwɛ nɛ kɛkanyaka mɛ nɛ yɛ tɛtɛtrɔ nɛabha,

1 Kɔrintioanɛ 11:23

Alasɛ kɛdɔ nɛ gɛ ɛyɛkɛ denɔ Apalete nɔ kɔ klɛ mɛ tsyɛ ɛyɛkɔ kɔ nɔ: Apalete Yesu nɛ elishi ba yɛkɔ yɛ akpahwɛ, ayɛkɔ gbɛ̃gbɛvu,

Axwɛwɛwa 20:35

Nɛ kɛdɔnyɛdɔ gɛ ɛbhɛtɛ mɛɛ, ɛkasɛ nɔ sɛ ganɔ kɛxwɛ wɛwa gɛganɛɛ nɛ mɛɛ di nɛ lɔ ba na bagɛ ama alɛ ana nu plɛnɔ, anɛ Apalete Yesu nahwɛ nɛ ebui nɛ gɛ aɖɔ nɛ tɛbɛbaka sɛ: ‘Tɛyuyula kpasɛ tɛkukɔm dɛ tɛyɛyɛkɛ.’ ”

Axwɛwɛwa 2:23

Anɔa nɛɛ bayɛkɔ yɛ akpɛahwɛ kɔ nɔ ganɔ Kpaya tɛtɛtrɔ nɛ kibuititi kpɛ otugbam, klɛ wɔnɔ, ganɔ atɔkpumgɛganɛ banɔ tɛpɛplɛnɔm nɛɛ, no yi yɛ ganɔ yɛ tɛkpɛkplasɔ butsiosi shu.

Luka 7:30

Pɔ Farisianɛ anɛ̀ ɛshã lete ba shɛnahwɛ Kpaya tɛtɛtrɔ kɔ balɛ nahwɛ, alasɛ anɛ Yohanɛsɛ yɛ akpɛ buni kɔ alɛ.)

Mateo 28:20

klɛ tɛ nɔ kasɛ dɔ sɛ anɔnyanɔ abhɛtɛ ansɛ gɛ ɛtrɔ kɔ nɔ. Klɛ kɛlɛ kɛlɛm sɛ ɛlɛ plɛnɔ nɔ kibenyɛbe, ɔkɔ dɔ nanɔ kanɔ nɛ tibibeke.”

Yohanɛsɛ 15:15

Ɛtɛa klu nɔ sɛ axwɛdɛ, alasɛ axwɛdɛ eti nyi yɛ apalete nɛ kɛxwɛwɛwa. Nɛ kɛlɛ ɔzakɔ, iklu nɔ sɛ ɛbhɛya, alasɛ kibuinyɛbui gɛ ɛkpasɛ denɔ mɛ Aka nɔ kɔ ɛkɔ nɔ ti.

Axwɛwɛwa 13:36

“Alasɛ gɛ Daviti atɛ wa Kpaya kɛxwɛ nɛ yɛ nahwɛ kibe nɛɛ, gɛ aba vɛ tram nɛɛ, ba vubɔ yɛ nɛ yakalɛ ɔbha klɛ yɛ anɔosi nɛ ɔtsɔmɔ.