Axwɛwɛwa 20:24 - ONUGBÙ NYƐNYÃ VUVƆ

²⁴ Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 20:24 Referans Kwoze

2 Kɔrintioanɛ 4:1

Kɛlɛso ganɔ Kpaya eshutukubui didi belɛlɛ kɛxwɛwɛwa lɛlɛ nɛ lɛ bulɔ ahwɛ, idzyi edi koeyi nɛ bulɔɛ temɛ.

2 Kɔrintioanɛ 12:10

Kɛlɛ nu sɛ, alasɛ Kristo so ɛdɛmɛ nɛ tɛbubotso, tɛkukula, butɔ mumɔ, tɛ kpɛkpatɔnɔ, nɛ ebui tɛtɛtrɔ anɔabha. Alasɛ kibe nɔ gɛ ebotso, kɛlɛ mɛ gɛganɛ.

Axwɛwɛwa 21:13

Ɔkɛlɛ Paolo ebu klɛ nu asɛ, “Kide so pɛ no bi klɛ nɔ yɛɛ mɛ idzyi kana? Ganɛ tɛnyɛnya tite ko mɛ ɛlɛ kɔ, pɔ ɛlɛ kɔ tɛtsitsi nɛ Yerusalɛm tsyɛ ɔkpɛ Apalete Yesu kinyi nɛ so.”

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

Romanɛ 11:6

Klɛ onu gɛ kɛɛ nu eshutukubui didi, kɛlɛ alɛ kɛ da nu sɛ ganɔ kɛxwɛ wɛwa mɛ, onu ki nu kana, eshutukubui didi etie dzi eshutukubui didi. onu gɛ kɛɛ nu ana, kɛxwɛ tɛa dzi kɛxwɛ.

Axwɛwɛwa 14:3

So Paolo anɛ Banabas be zi kibe gelee nɛ ɔkɛlɛ, klɛ ba ɖɔ kaɖɔ nɛ kitekpɛkpɛ kɔ Apalete, gɛ atrɔ kɛklãgbu nɛ yɛ ɛyamyuyɔ kibui nɛa bha ganɔ balɛ kɛdɔmumɔ anɛ ebuiyiyinɔ anɔ kɛdɔmumɔ nɛ gɛ ba bhɛtɛ nɛm.

1 Petro 5:12

Nɛ̀ tɛpɛplɛnɔ denɔ Silas kɔ, agɛ ɛyɛkɔ kɛlɛ anasɛ tɛyɛyɛkɛŋa adzya, ɛtɛ ŋlɔmɛ sɛsɛnɔ gugunu, ɛkpɛ nɔ kemi klɛ mɛ ɖɔ sɛ kɛnɛ kɛlɛnu Kpaya ɛyɛmɛyuyɔ gbɛagba. Nɔ za lɛ mɛ gɛganɛ.

Titusɛ 1:3

klɛ nɛ yɛ kibe nɛ gɛ atrɔ nɛ mɛ amɛna yɛ kibui nɛ ɔtɔ ganɔ kibui nɛ tɛɖuɖɔ nɛ gɛ ayɛkɔ akpɛ mɛ ahwɛ mɛ ganɔ Kpaya agɛ ebe bulɔ nɛ tɛtutrɔ mɛ,

Galatianɛ 1:1

Mɛ Paulo anɔkpɛkpɛ, ganɛ denɔ banɔ kɔ ɔdɔgɔsɛ anɔ ɔkɔ, pɔ Yesu Kristo anɛ Aka Kpaya, gɛ anyɛmɛ yɛ denɔ betsitsi nɛ shi—

2 Kɔrintioanɛ 5:8

Ɛɖɔ sɛ, idzyi lɛ bulɔ ahwɛ, klɛ bu ba pɛɛ sɛ tɛ bu koeyi nɛ ishuidzya nɛ mɛ klɛ tɛ bu daza kepi nɛ̀ Apalete.

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Axwɛwɛwa 11:23

Gɛ ede ku ɔkɛlɛ amɔ Kpaya ɛyamyuyɔ nɛ kɛdɔbhɛbhɛtɛ nɛ ɔkɛlɛ, klɛ so amɔ same klɛ akpɛa lɛ petee bugɛganɛ sɛ ba za kɛgbam nɛ Apalete anɛ balɛ idzyi petee.

Filipianɛ 2:17

Pɔ tsyɛ onugɛ ba balɛ mɛ elu ansɛ bulu bɛbalɛesi anɛ tɛyɛyɛkɔkɔ nɛ kɛxwɛwa gɛ de wɔnɔ tɛyɛyɛkɛŋa nɛ mɛ ba, ki ku mɛ awɔ̃ klɛ mɛ mɔ same nɛ wɔnɔ petee.

Axwɛwɛwa 9:15

Pɔ Apalete nɛ etsre Ananiasɛ asɛ, “Vɛ! anya nɛɛ enu mɛ kɛɖaŋudɔ gɛ eklu sɛ tɛ aba yɛkɔ mɛ kinyi nɛ avɛnɔ bagɛ ede nu Yuɖanɛ anɛ balɛ bekusi anɛ Izraɛlanɛ.

Axwɛwɛwa 1:17

edzi bulɔ mɛayɛ teli gɛ yɛ tsyɛ abhɛtɛ tili nɛ Kpayɛxwɛ nɛm.”

Yohanɛsɛ 17:4

Ɛmɛna wɔ kabhakpɛkpɛ nɛ kesukpa nɛa bha, ganɔ kɛxwɛ nɛ gɛ ɔkɔ mɛ nɛ tɛwɛwa beke.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

1 Yohanɛsɛ 3:16

Kɛnɛ kɛlɛ kɔ sɛ bu nyi kɛdɔnɔ gɛ tɛdɛdɛmɛnɔ nu: Yesu Kristo ayɛkɔ yɛ ɛkpã nɛ etsye nɛ bulɔɛ tɔkpu. Klɛ alasɛ bulɔ tsyɛ bu yɛkɔ bulɔ ɛkpã nɛ tsye nɛ bulɔ adzyalɛ tɔkpu.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

Efesoanɛ 3:13

Kɛlɛso, ibisi denɔ wɔnɔ kɔ sɛ, nɔ tɛkɔ idzyi ekoeyi nɛ wɔnɔɛ kite mɛ alasɛ butɔ nɛ gɛ ɛtɔ nɛ wɔnɔɛ tɔkpu, kɛ nu wɔnɔ tɛkpɛkpɛ nɛabha.

2 Kɔrintioanɛ 7:4

Ɛyɛkɛ wunɔ abhaŋa gelee, ɛda trɔ wunɔ abha gelee. Idzyi alɛ mahwɛ gɛganɛ, bulɔ tɛ tɛtɔ nɛ mɛ petee mɛ same tɛ nyi bubo.

Hebriuanɛ 10:34

Eshutukubui kunɔ nɛ bagɛ bakpɛvu klɛ onugɛ ba yɛkɛ kɛdɔ gɛ kɛlɛ wɔnɔahwɛ nɔ yɛkɛ lɛ nɛ same, alasɛ wɔnɔ nahwɛ nɔ nyi sɛ kɛdɔ gɛ kɛbaza ɔvɛnɔ fãã lɛ wɔnɔahwɛ.

Titusɛ 2:11

Alasɛ Kpaya ɛyamyuyɔ nɛ gɛ ɔmɛna tɛbhubhuiyɛkɛ nɔ tɛ wɛ̃ kɔ banɔ petee.

2 Timotio 4:17

Pɔ Apalete nɛ aza plɛnɔ mɛ, klɛ akpɛ mɛ bugɛganɛ, sɛ tɛ ganɛ mɛa bha tɛ kibui nɛ kibu kasɛ petee klɛ bagɛ ba dɛ yɛkɛaŋa nɛ petee be nui lɛ. Klɛ be bu mɛ nɛ adzyata onugbu mɛ.

Axwɛwɛwa 22:21

“Ɔkɛlɛ Apalete nɛ etsrem asɛ, ‘Vɛ; Ɛba kpɛ wɔ nɛ odzidzekɔ nɛ bagɛ di nu Yuɖanɛ nɛ ɔkɔ.’ ”

1 Tɛsolonianɛ 3:3

sɛ tɛ be ti be bu anɔnyanɔ ebho ganɔ tɛfifekedi nɛ mɛ. No nyi mɔmɔ sɛ ba bhɛtɛ lɔ akɔa lɛ.

1 Tɛsolonianɛ 2:2

Bu tɛ tɔ bafla klɛ ba tɛ kula lɔ nɛ Filipi, ansɛ gɛ no nyi, pɔ nɛ bulɔ Kpaya nɛ tɛpɛplɛnɔ so bu dzu amɛ nɛ yɛ kibuidzyɔgo sɛ tɛ bu ɖɔɛ lɛ tsre nɔ nɛ kititilulɔ gɛganɛ mɛ tysɛ.

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Efesoanɛ 1:6

tɛ bu kpɛ yɛ ishubhubhui ɛyɛmɛyuyɔ, gɛ ashɛnahwɛ akɔ lɔ bububɔɛ nɛ yɛ Yi gɛ adɛmɛ yɛ bui.

2 Timotio 3:11

tɛkpɛkpatɔnɔ, batɔ—ebui nɛɛ di gɛ aba mɛa bha nɛ Antiɔkɛ, Ikonio anɛ Listra, tɛkpɛkpatɔnɔ nɛ nu gɛ ɛza. Tsyɛ pɛ Apalete nɛ ebu mɛ nɛ alɛ nɛ petee mɛ.

Romanɛ 4:4

Ɔtsɔ̃ onu gɛ anɔ awa kɛxwɛ, ba tɛ yɛkɔ yɛ kɛbhɛbubuya nɛ akɔ yɛ anasa kɛdɔkukɔ, pɔ ayɛkɛ kɛlɛ ansɛ kɛdɔ gɛ kɛ lɛ sɛ tɛ ba kɔ yɛ.

Yohanɛsɛ 15:27

Klɛ wunɔ tsyɛ tɛ nɔ bɔ ɖɔaɖɔ denɔ mɛ shu, alasɛ nɔ lɛ mɛ ɔbha denɔ kesikpɛkpɛ.

Luka 16:28

alasɛ badzya tieti ba lɛ mɛ ahwɛ. Kɔ yɛ akpɛ balɛ ɔshã, sɛ tɛ balɛ tsyɛ batɛ ba ba butɔ ɔzakɔ nɛ.’

Axwɛwɛwa 13:25

Kibe lɛ gɛ Yohanɛsɛ awa yɛ kɛxwɛ nɛ beke nɛɛ, aɖɔ sɛ: ‘Anee wɔnɔ atɔkpu nɛm aɖɔa sɛ yɛ mɛ nu? Anɛ mɛ nu yalɛlɛ. Owo, pɔ aba ba nɛ mɛede, yɛ butsrukpɔɛklɔ ohui tsyɛ edɛ na kɔ bulɛ tɛbublue.’

Axwɛwɛwa 15:7

Nɛ ebui nyɛnyɛnadi gelee de, Petro ebe vu alɔ klɛ aɖɔ kaɖɔ akɔa lɛ asɛ: “Badzya mɔ, no nyi ɔsɛ, nɛ kibe tili gɛ ba fla nɛ mɛ Kpaya ebu anɔ teli edenɔ wɔnɔm sɛ tɛ baga dɛ nu Yuɖanɛ nɛ tsyɛ be nu edenɔ mɛ onugbu mɛ kɛgɛ kibui dzyɔgo nɛ vunɔ tɛ ba yɛkɛ aŋa.

Axwɛwɛwa 18:5

Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

Axwɛwɛwa 20:23

Inyi ko sɛ nɛ ɔmagbla kanyaka mɛ Ɔfufɔɛ Dzyɔgo nɔ ɔɔkɔ mɛ iti sɛ buvuzɛza anɛ butɔ gɛganɛɛ lɛ kɔm.

Filipianɛ 2:30

alasɛ agɔɛbɔɛ tɛ etsi kɔ Kristo kɛxwɛ, ayɛkɔ yɛ kpã akɔ kɔ nɔ tɛpɛplɛnɔ gɛ nɔ dɛ na mɛ kɔ.

Tɛbubukasɛ 6:11

Ɔkɛlɛ ba kɔ akanyaka awidzidze fufu, klɛ be tsrea lɛ asɛ be fle po avɛnɔ otugba kɛbɔɛ, ɔdɔnanɔ kibe lɛ gɛ balɛ ɔhayɛalɛ baxwɛwa anɛ badzya nɛ gɛ ba lɛ sɛ tɛ be yi ansɛ gɛ ba lɛ tsyɛ aza nɛ bhɛtɛ beke.

2 Kɔrintioanɛ 4:12

So nɛɛ, butsi bu wa kɛxwɛ nɛ bulɔɛ mɛ, pɔ ɛkpã wɛxwɛ nɛ wunɔɛ mɛ.