Axwɛwɛwa 20:16 - ONUGBÙ NYƐNYÃ VUVƆ

¹⁶ Paolo atɛ trɔ sɛ aba za kenia bha opupum ada fla Efesos sɛ tɛ ete de zi kibe nɛ Asia kɛdɔ nɛm, alasɛ anawɔ̃ sɛ tɛ ede ku Yerusalɛm, onu gɛ kɛ ba dɔ nɛ Pentekoste kiwi nɛa bha.

Axwɛwɛwa 20:16 Referans Kwoze

1 Kɔrintioanɛ 16:8

Pɔ ɛba za Efeso ɔdɔtɔnɔ Kɛdɔtsitsu kiwuiŋɛŋa nɛ tɛbɛba,

Axwɛwɛwa 2:1

Gɛ Pentekoste kiwi nɛ na, Banɔkpɛkpɛ nɛ petee be xogo aza ɔkɔ trokpo.

Axwɛwɛwa 19:21

Nɛ anɛ nɛ petee tɛbɛba kede nɛɛ, Paolo aba trɔa sɛ aba shɛ avɛ Yerusalɛm aganɔ Makedonia anɛ Atsyaia. Klɛ aɖɔ sɛ, “Onu gɛ ɛda ku ɔklɛ nɛɛ, alasɛ tɛ ɛvɛ Roma tsyɛ.”

Axwɛwɛwa 24:17

“Nɛ mɛ maza maza agɔ gelee de, ɛba ba Yerusalɛm sɛ tɛ ɛmɛna manɔa lɛ nɛ kɛdɔkukɔ, kɔ betsyutsyuni tɛ ɛbhɛtɛ ɔfufɔɛ mɛ kɛdɔkukɔ tsyɛ.

Axwɛwɛwa 21:4

Gɛ bu da mɔ badɔkpasɛ nɛ ɔklɛ nɛɛ, bu za plɛnɔa lɛ ewi tegene. Ganɔ Ɔfufɔɛ Dzyɔgo nɛa bha ba kpɛ ɔshã kɔ Paolo sɛ atɛ vɛ Yerusalɛm.

Axwɛwɛwa 20:22

“Klɛ nɛ ɔtsɔ̃ nɛɛ, ansɛ gɛ Ɔfufɔɛ Dzyɔgo nɛ ɔtrɔ kɔ mɛ, ɛɛvɛ Yerusalɛm, klɛ ɛtɛ nyi kɛdɔnɔ nɛ gɛ ba tɛ ba mɛa bha nɛ ɔkɛlɛ.

Axwɛwɛwa 20:13

Bu putɔ vɛ kenia bha opupu nɛ shu klɛ bu za ɔlɛ mɛ vɛ Assosɛ, ɔklɛ gɛ bu tɛ yɛkɔ Paolo tsyɛ kpɛ opupu nɛm. Atɛ bhɛtɛ tɛbɛbalɛ nɛ petee alasɛ avɛ ɔkɛlɛ nɛ butsrukpɔ.

Axwɛwɛwa 20:6

Pɔ nɛɛ bulɔ lɔ za kenia bha denɔ Filipi nɛ Gbɛgbɛvuwi ŋɛŋa nɛede, klɛ nɛ ewi tetie de nɛɛ butsodzi ada tɔnɔ bagɔgɔɛ nɛ Troasɛ, nɛ ɔklɛ gɛ bu za ewi tegene.

Axwɛwɛwa 18:21

Pɔ gɛ asa shɛ nɛɛ, aɖɔ elu asɛ, “Ɛzɛ ba ba onu gɛ Kpaya adɛmɛ.” Ɛklɛ atɔnɔ keniabha dzo edenɔ Efesos.

Axwɛwɛwa 18:19

Be de ku Efesos, ɛklɛ Paolo yɛ ashɛ̃ ayɛlɔ Prisilla anɛ Akuila. Yɛ nahwɛ nɛ ede tsoku oxogokɔvu nɛm klɛ ada nyɛna ebui teli edi nɛ Yuɖanɛ.

Axwɛwɛwa 12:13

Petro ehuahwɛ ɔtɔ opupu nɛa bha, klɛ axwɛdɛ adzɛnuvɔɛ teli gɛ be klua sɛ Roɖa nɛ ekoeyi aba.

Axwɛwɛwa 16:6

Paolo anɛ yɛshopoalɛ na nyɔa ganɔ Frigia anɛ Galatia kɛdɔ nɛm pete, gɛ Ɔfufɔɛ Dzyɔgo nɛ ɔdɛ kɔa lɛ kidzo sɛ baɖɔ kibui nɛ Eshia kɛdɔ nɛm.

Axwɛwɛwa 19:1

Nɛ kibe lɛ nɛ gɛ Apollosɛ aza Kɔrintio, Paolo xũ na da ga kɛmɛ mɛ kidzo klɛ ede ku Efeso. Ɛkɛlɛ nɛ atsyanɔ badɔkpasɛ teli

Axwɛwɛwa 20:4

Sopata gɛ enu Pirrus yɛeyi gɛ ede Bɛria, Aristatsyusɛ anɛ Sekundus gɛ bede Tɛsalonika, Gaiusɛ gɛ ede Dɛbi, Timotio tsyɛ, anɛ Taitsyikus anɛ Trofimusɛ gɛ bede Asia kɛdɔ nɛm petee ba kpɛ ketsu nɛ yɛ nɛ tɛ shɛshɛ nɛm.

Axwɛwɛwa 20:18

Gɛ be be ku nɛɛ, Etsrea lɛ asɛ: “No nyi kana gɛ ɛza nɛ kibe nɛ peteem gɛ ɛza wɔnɔ bha, denɔ kiwi tutɔpu nɛ gɛ ɛba tsoku Asia kɛdɔ nɛm.