Axwɛwɛwa 2:46 - ONUGBÙ NYƐNYÃ VUVƆ

⁴⁶ Kiwinyɛwi nɛɛ bee xogo nɛ busɔlɛvu nɛ kɛma nɛm. Ba bhɛtɛ kɛdɔŋɛŋa nɛ balɛ bapam klɛ ba ŋa nɛ ketsum nɛ samɛ nɛ idzyi dzyɔgo mɛ,

Axwɛwɛwa 2:46 Referans Kwoze

Axwɛwɛwa 5:42

Kiwi nyɛ wi di ko, nɛ busɔlɛvu nɛ kɛma mɛ, denɔ bupa mɛ ɔvɛnɔ bupa mɛ, ba dɛ zukɔlɔ kɛdɔ nu kasɛ, ba vɛ kibui dzyɔgo nɛ tɛɖuɖɔa bha sɛ Yesu yɛ nu Kristo.

Axwɛwɛwa 2:42

Ba yɛkɔ balɛ ishu akɔ Banɔkpɛkpɛ anɛ kɛdɔ kɛkasɛ nɛ ketsukpɛkpɛ, kɔ kɛdɔŋɛŋa nɛ kɔ kpayakuklu.

Axwɛwɛwa 20:7

Nɛ ɔgɔnɛ nɛ kiwi tutɔpu nɛa bha bu ba xogo ŋa Ɔfufɔɛ mɛ dɔ. Paolo aɖɔ kaɖɔ etsre banɔ klɛ, alasɛ atrɔ sɛ aba shɛ nɛ keli tɛzɛzam so, aza kaɖɔ ɖuɖɔa bha ɔdɔnanɔ elishishitibha.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

Axwɛwɛwa 16:34

Agɛ akpɛa lɛ buvu na gbanɔa lɛ amɛna yɛ bupa mɛ klɛ aba trɔ kɛŋɛŋa ɔkplɔ̃ akɔa lɛ; anyɛ nɛ ebe yuku nɛ samɛ alasɛ yɛ nɛ yɛeyialɛ nɛ petee aba yɛkɛ Kpaya bha aŋa.

Koloseanɛ 3:22

Banɔdzidzi, nɔ tatɔ nɛ wɔnɔ bapalɛte nɛ kibuinyɛbui mɛ, klɛ tɛ nɔ bhɛtɛ lɛ, ganɛ sɛ kibelɛlɛ gɛ balɛ kɛwɔ̃hu tsri wɔnɔ abha sɛ tɛ nɔ ku alɛ awɔ̃, pɔ nɛ idzyi dzyɔgo anasɛ bagɛ be si Apalete nɛ fu.

Romanɛ 12:8

onu kɛ nu kemikpɛkpɛ, kɔ yɛ akpɛ anɔ kemi, onu kinu kɛdɔdzyudzyɔ kɔ banɔ bhlatɔ, kɔ akɔɛ lɛ nɛ yɛ yam petee, onu kinu anɔnuzɛza, kɔ yɛ agbanɛ anɔ mɔmɔ; onu kinu eshutukubui didi, kɔ abhɛtɛ lɛ nɛ same.

Luka 24:53

Klɛ kibenyɛbe ba za kpayavu nɛ mɛ, gɛ ba kpɛ Kpaya nyi nɛabha.

2 Kɔrintioanɛ 11:3

Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.

Axwɛwɛwa 5:21

Nɛ keli zɛza nɛ mɛ, ansɛ gɛ be tsrea lɛ, be de tsoku busolɛvu nɛm klɛ ba kpa banɔ kɛdɔ kasɛ. Gɛ kpayanɔgbla anɛ yɛ ɔhayɛalɛ nɛ be ku, be klu Busɔlɛebhuiklu nɛ exogo, nɛ Izraɛlanɛ beshishe nɛ balɛ tɛxuxogom petee, klɛ ba yɛkɔalɛ sɛsɛ buvuɔkpɛkɔ kɔ banɔkpɛkpɛ.

Axwɛwɛwa 3:1

Kiwi tirikpo nɛɛ Petro anɛ Yohanɛsɛ baa vɛ busɔlɛvu nɛm nɛ Kpaya kiklube, nɛ kemuze ɛɖa tɛtam.

Luka 24:30

Kibelɛlɛ gɛ aŋaɛdɔ nɛ alɛ, ayɛkɔ gbɛ̃gbɛvu, ehu ahwɛ, aya yɛ mɛ klɛ etenɔalɛ kɔ.

Mateo 6:22

“Kɛwɔ̃hũ kɛ lɛ nu kanɛgbɛ kɔ anɔosi. Onu gɛ wɔ awɔ̃hũ nɛ abɔ, wɔ anɔ nɛ petee obo yuku nɛ kifu gɛ kɛɛ tã.

Efesoanɛ 6:5

Banɔdzidzi, nɔ tatɔ nɛ wunɔ kesukpɛabha bapalete anɛ̀ kɛtɔkpuesi kpɛkpɛ anɛ kifu, anɛ idzyimɛ gbɛagba bui, anasɛ gɛ ɔbɔ ta tɔ nɛ Kristo.

Luka 11:41

Pɔ yɛ kɔ kɛ gɛ kpasɛ kesugba nɛmɛ ɔkɔ betsyuitsyuini klɛ kɛdɔnyɛdɔ shu ba bhui kɔ wɔ.

1 Kɔrintioanɛ 10:16

Ganɛ ahwɛhuhu kãntse gɛ bu yɛkɔ hu ahwɛ kibenɔ gɛ bu wɔɛ̃ Kristo dzyosu? Klɛ ganɛ gbɛ̃gbɛvu nɛ gɛ bu ya gɛ bu tã Kristo ishuidzya?