Axwɛwɛwa 17:23 - ONUGBÙ NYƐNYÃ VUVƆ

²³ Alasɛ gɛ ɛkana anɛ mɛ awɔ̃hũ vuvu nɛ kɛdɔnɔ nɛ gɛ nɔ kpɛ kɛtɔkpuesi kɔ nɛɛ, ɛmɔ wɔnɔ busɔlɛvu mɛ osubha tolia bha gɛ ba ŋlɔmɛ asɛ: kɔ kpaya gɛ anɔnyanɔ etinyi. Ɔtsɔ̃ nɛɛ Kpaya nɛ gɛ no ti nyi nɛɛ pɛ nɔ kpɛ kɛtɔkpuesi kɔ yɛ kibui mɛ ba ɖɔ tsre nɔ.

Axwɛwɛwa 17:23 Referans Kwoze

Yohanɛsɛ 4:22

Wunɔ Samarianɛ nɔ sɔlɛ kɔ kɛdɔnɔ gɛ nɔ ti nyi, bulɔ bu nyi anɔ nɛ gɛ bu sɔlɛ kɔ, alasɛ tɛyɛyɛkɛkɔ de Yuɖanɛ nɛ mɛ.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

1 Kɔrintioanɛ 1:21

Alasɛ nɛ Kpaya buititi mɛ kanɔ gabɔ kalɛ kibuinyinyi mɛ ke di ti yɛ, kɛku Kpaya awɔ̃ ganɔ matimati kɛdɔ kɛkasɛ busɔlɛ buiɖɛɖɔ tɛ bayɛkɛkɔ bagɛ bayɛkɛ aŋa.

Romanɛ 1:28

Ɔyɛkɔ vɛnɔ otugba, gɛ ba dɛ bhɛtɛ kɛtɔkpum sɛ tɛ ba nyɛna Kpaya tɛtitim evunɔ so, ashɛ̃nahwɛ balɛ shu akɔ kɛtɔkpum manamana, gɛ kɔ sɛ tɛ ba bhɛtɛ kɛgɛ ma sɛ tɛ ba bhɛtɛ.

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

2 Tɛsolonianɛ 2:4

Aba lɔɛ titi klɛ aba kpɛ shu nɛa bha kɔ kɛkanyaka gɛ be klua sɛ Kpaya ɔdɔgɔsɛ ba kpɛ kɛtɔkpuesi akɔ, sɛ tɛ edzu yɛ shu nɛ Kpaya busɔlɛvu nɛ mɛ, eze kulu shu asɛ enu Kpaya.

Efesoanɛ 2:12

bakasɛ kibelɛlɛ nɔza ɔtɔ nɛ Kristo shu, ba dɛ kla nɔ kpɛ Izraɛlanɛ nɛ shi anɛ befu kɔ onugbu nyɛnya kibuiɖɔlu, nɛ kidzoenudidi mazamaza, anɛ Kpaya kanɔa nɛ mɛ mazamaza.

1 Kɔrintioanɛ 8:5

Alasɛ tsyɛ onugɛ kɛ lɛ ana so—be klu asɛ bakpaya, kɛlɛlɛmɛ sɛ balɛ owũsise anɛ kesukpa abha (anasɛ gɛ kɛlɛlɛmɛ sɛ “bakpaya” gelee nɛ “bakagbɛgbla” gelee),

Yohanɛsɛ 8:54

Yesu ebushunu asɛ, “Onugɛ ɛkpɛ mɛshu nɛabha, mɛ ishukpɛkpɛ kabha kedi nu kɛdɛnyɛdɔ. Mɛ Aka, gɛ nɔ sɛ yɛ nu wunɔ Kpaya, yɛ nu agɛ akpɛ mɛ nɛabha.

Mateo 15:9

Baa kpɛ kɛtɔkpuesi akɔm nɛ kɛlɛɛ mɛ, balɛ kɛdɔkɛkasɛ nɛ nu ɛshã gɛ banɔa kasɛ.’ ”