Axwɛwɛwa 17:18 - ONUGBÙ NYƐNYÃ VUVƆ

¹⁸ Epikuirianɛ anɛ Stoikanɛ bebuiti teli ba kpa kibui wlɔ̃akɛ nɛ yɛ. Beteli ebisi asɛ, “Kide anuvɔaɖɔ anɔa nɛ apɛa sɛ tɛ aɖɔ?” Banɔ bhlatɔ teli tsyɛa kpɛ onugbu nɛ klɛ mɛ asɛ, “Edzi ansɛ awlɔ̃akɛ amadi bhlatɔ mɛ ibuidi kɛtɔkpu.” Ba ɖɔ kana alasɛ Paolo aza ɖɔ kaɖɔ edenɔ kibui dzyɔgo nɛ Yesu anɛ yɛ tɛlulɔ denɔ butsi mɛ nɛ shu.

Axwɛwɛwa 17:18 Referans Kwoze

Koloseanɛ 2:8

Nɔ di kɛlɛ ɔkɔ sɛ anɔnyanɔ adɛ vu nɔ aganɔ kidzo kɔklɔ̃ nɛ tɛwɛwɔɛ dɔnyinyi, gɛ kɛlɛ anɔdzyrame begu nɛ̀ kanɔ nɛmɛ ebui bhɛbhɛtɛ ɔyɛkɔdɛ Kristo abha.

Axwɛwɛwa 4:2

Kɛ kpɛ balɛ bunuhu tsutsɔmɔ tsɔmɔ alasɛ banɔkpɛkpɛ na za kasɛ banɔ nɛ kɛdɔ klɛ baa ɖɔ nɛ Yesu kinyim tɛnyɛnyɛmɛ denɔ butsi mɛ.

Luka 11:53

Gɛ Yesu ashɛ̃ nɛ ɔkɛlɛ, Farisianɛ anɛ́ eshã badɔkasɛ betenɛ kɛtiti lɔ nɛ yɛ shu gɛganɛ klɛ ba yɛ kɔ ebui bibisi atrɔ yɛ,

1 Kɔrintioanɛ 4:10

Nɛ Kristo so bu nu bagã, pɔ nɔ nyi bui alasɛ nɔ nu Kristo ayɛ! Bu dɛ gɛganɛ, pɔ nɔ gɛganɛ! Bakpɛ wunɔ tɔkpu nɛabha, klɛ be zhinɔ bulɔ yɛ akpɛesi!

1 Kɔrintioanɛ 3:18

Nɔ tɔ wɔɛ wunɔ nahwɛshu. Onugɛ wunɔ mayɛ teli ayɛ kɔɛ lɛ asɛ enyi bui nɛ kanɔa nɛ tɛ zɛza nɛ mɛ, yɛ ebe dzi “agã” sɛ tɛ ebe dzi ebuiti.

Romanɛ 1:22

Ba nyaa ɖɔ sɛ be nu bebuinyi pɔ, be be dzi bagã

Axwɛwɛwa 26:23

sɛ agɛ nu Kristo na ba mɔ butɔ, nɛ ansɛ anɔ tutɔpu gɛ anyɛmɛ edenɔ butsi mɛ, klɛ aba ɖɔ kadɔ edenɔ tɛtɛtã shu etsre yɛnahwɛ yeletea lɛ anɛ baga dɛ yɛkɛ aŋa.”

Marko 9:14

Gɛ le be ku badɔkpasɛ gugɔɛ nɛ ɔbha, ba mɔ banɔɛza gɛ kana lɛ, klɛ ɛshãdɔkasɛ nɛ be dzi awlãkɛ ebui nɛ balɛ.

Axwɛwɛwa 6:9

Kititi lulɔ ba ba, pɔ, denɔ banɔ nɛ gɛ be nu ishuahwɛ zɛzanɔ oxogokɔvu nɛm ɔkɔ (ansɛ gɛ beklua lɛ) Yuɖanɛ ge de Sirene anɛ Alɛksandrɛa ɔkɔ plɛnɔ Silisia anɛ Asia amadi nɛm. Banɔa na ba kpa ebui wɛlãkɛ nɛ Stefano,

Axwɛwɛwa 5:42

Kiwi nyɛ wi di ko, nɛ busɔlɛvu nɛ kɛma mɛ, denɔ bupa mɛ ɔvɛnɔ bupa mɛ, ba dɛ zukɔlɔ kɛdɔ nu kasɛ, ba vɛ kibui dzyɔgo nɛ tɛɖuɖɔa bha sɛ Yesu yɛ nu Kristo.