Axwɛwɛwa 17:11 - ONUGBÙ NYƐNYÃ VUVƆ

¹¹ Ɔtsɔ̃ nɛɛ Bɛreanɛ na bhɛtɛ banɔ adɛ Tɛsalonianɛ, alasɛ balɛ nɛɛ bayɛkɛ Kpaya kibui nɛ awɔ̃ dzudzu mɛ klɛ ba nyɔ klɛ shu mɔɔ mɔ kiwinyɛwi sɛ tɛ bamɔ sɛ kibui nɛ gɛ Paolo aɖɔ nɛ nu kɛgba dza.

Axwɛwɛwa 17:11 Referans Kwoze

Yohanɛsɛ 5:39

Nɔ kpasɛ kpayaplukpa mɛ ebui mɔmɔ alasɛ nɔ yɛ kɔ sɛ ɛlɛmɛ nɔ bɔ ga gɛ nɔ bɔ mɔ ɛkpã mabekemabeke. Kpayaplukpa mɛ ebui alɛ aɖɔaɖɔ denɔ mɛ shu,

1 Tɛsolonianɛ 2:13

Klɛ bu tsri lɛa bha tsyɛ hu Kpaya ahwɛ alasɛ, onu gɛ nɔ yɛkɛ Kpaya kibui, gɛ no nu denɔ bulɔ kɔ, nɔ yɛkɛ lɛ ganɛ ansɛ banɔdzyrame kibui ɖuɖɔ, pɔ ansɛ gɛ kɛ lɛ, pɛ ki nu Kpaya bui, nɛ gɛ kɛwa kɛxwɛ nɛ wɔnɔa gɛ ɔyɛkɛ ɔŋa nɛ mɛ.

Mateo 13:23

Pɔ eyii nɛ gɛ adɔ kesukpa dzyɔgo nɛa bha, alɛ nu anɔ gɛ enu kibui klɛ enu kɛlɛe si. Klɛ kibui nɛ ba yu eyuyu gelee nɛ kɛfɔɛfɔm, nɛ ɛzakɔ afɛtehlo, afata mɛ ɔyɛkɔ dɛ eyi nɛ gɛ ba ɖa.”

1 Tɛsolonianɛ 1:6

No bo dzi banɔ gɛ no di bulɔ anɛ Apalete nɛ pɛ nɔɔ bhɛtɛ; nɛ butɔ gɛganɛɛ mɛ tsyɛ, nɔ yɛkɛ kibui nɛ gɛ ba mɛna nɔ nɛ same ganɔ Ɔfufɔɛ Dzyɔgo nɛ ɔkɔ.

Yohanɛsɛ 3:21

Pɔ anɔnɛ gɛ alɛ ɛkpã dzyɔgo abha aba obhubhui kɔ sɛ tɛ bamɔ lɛ wee sɛ kɛgɛ abhɛtɛ abhɛtɛ lɛ aganɔ Kpaya abha.”

2 Tɛsolonianɛ 2:10

klɛ nɛ kibui tsutsɔmɔ kanyaka gɛ wɛɛ bagɛ bee beke. Be beke alasɛ ba dɛ dɛmɛ asɛ tɛ ba ɖɔ kɛgba sɛ tɛ be bua lɛ.

1 Petro 2:2

Anasɛ beyi mumɔvuvɔ, bu ku alɛ li kɔ ɔfufɔɛ mɛ bumɔni dzyɔgo, sɛ tɛ ganɔ bu lɛ abha nɔ bɔna she nɛ wunɔ tɛyɛyɛkɛkɔ,

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Yakobo 1:21

Klɛso, nɔ shɛnahwɛ ɛkpã dudɔɛbo nɛ petee shu anɛ butsutsɔmɔ nɛ gɛ gbla yuku nɛ kanɔ mɛ tɛ nɛ ishuzhizhinɔesi mɛ ɔyɛkɛ kibui nɛ gɛ ba ɖa kpɛ wɔ mɛ, gɛ kɛ ba bu wɔ.

Axwɛwɛwa 10:33

Klɛ so pɛ ɛkpɛ anɔ nɛ wɔesi kɛkpɛ tili, klɛ kɛpɛ sɛ ɔba. Ɔtsɔ̃ nɛɛ blɔ petee li Kpaya amɛ nɛ ɛkɛ sɛ tɛ bu tatɔ nɛ kibui nyɛbui gɛ Apalete nɛ ayɛkɔ kpɛ wɔ ahwɛ sɛ otsre lɔ.”

Axwɛwɛwa 2:41

Banɔ nɛ gɛ ba yɛkɛ kibui ba kpɛ buni akɔa lɛ, klɛ banɔ ansɛ akpãtata balɛ la za yɛkɔ ata tɛkpikpe nɛm kiwi lɛlɛ.

Axwɛwɛwa 17:1

Gɛ ba ga Amfipolis nɛ Apollonia ekoeyi, ba vɛ ede ku Tɛsalonika ɛklɛ gɛ Yuɖanɛ oxogokɔgbla toli ɔza.

Axwɛwɛwa 11:1

Banɔkpɛkpɛ anɛ balɛ adzyalɛ nɛ Yuɖia petee nu asɛ bagɛ edi nu Yuɖanɛ nɛ tsyɛ atɛ yɛkɛ Kpaya kibui.

Luka 16:29

“Abraham ebuilɛnu asɛ, ‘Mose anɛ Atɔnu, ba lɛ balɛ ahwɛ, kɔ lɛ ata tɔ nɛ alɛ.’

Luka 1:2

anasɛ gɛ ba yɛkɔ akpɛ bulɔ ahwɛ nɛ bagɛ denɔ kesikpɛkpɛ gɛ bedzi awɔ̃hũ bebuimɔɖɔ nɛ baxwɛdɛ kɔ ebui.

Luka 11:3

Kɔ lɔ kiwuinyɛwui dɔ ŋɛŋa.