Axwɛwɛwa 16:34 - ONUGBÙ NYƐNYÃ VUVƆ

³⁴ Agɛ akpɛa lɛ buvu na gbanɔa lɛ amɛna yɛ bupa mɛ klɛ aba trɔ kɛŋɛŋa ɔkplɔ̃ akɔa lɛ; anyɛ nɛ ebe yuku nɛ samɛ alasɛ yɛ nɛ yɛeyialɛ nɛ petee aba yɛkɛ Kpaya bha aŋa.

Axwɛwɛwa 16:34 Referans Kwoze

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Filimɔnɛ 1:7

Wɔ tɛɖuɖɔ nɛ kɔ mɛ same piim kemikpɛkpɛ, alasɛ wɔ, adzya, ɔkpɛ kpaya banɔ nɛ idzyi same.

Romanɛ 5:11

Ganɛ sɛ kɛ lɛ kana ko, pɔ bu mɔ same tsyɛ nɛ Kpayam ganɔ bulɔ Apalete Yesu Kristoa bha, agɛ yɛa bha lɔ ga yɛkɛ ɛhwɛkpɛkpɛetsu.

Axwɛwɛwa 2:46

Kiwinyɛwi nɛɛ bee xogo nɛ busɔlɛvu nɛ kɛma nɛm. Ba bhɛtɛ kɛdɔŋɛŋa nɛ balɛ bapam klɛ ba ŋa nɛ ketsum nɛ samɛ nɛ idzyi dzyɔgo mɛ,

1 Yohanɛsɛ 3:18

Banuvɔ mumɔa, nɔ tɛ kɔ lɔ tɛdɛdɛmɛnɔ anɔ nɛ ebuiɖuɖɔ ɔdɔgɔsɛ kɛnɛkɛ titee pɔ kɛ za tɛbhɛbhɛtɛ anɛ kɛgba mɛ.

Filipianɛ 4:17

Ganɛ sɛ ɛpɛɛ kɛdɔkukɔ, pɔ idi kɛdɔnɔ nɛ gɛ ba ba yɛkɔ ata kɔ wɔ.

Filipianɛ 4:4

Nɔ mɔ same nɛ́ Apalete nɛ mɛ kibenyɛbe. Ɛka baɖɔ lɛ sɛ: Nɔ mɔ same!

Romanɛ 5:2

ganɔ yɛa bha lɔ mɔ kidzo ganɔ tɛyɛykɛŋa pɛ bu tsoku eshutukubui didia nɛ mɛ gɛ bu li titi ɔtsɔ̃. Klɛ bu mɔ same nɛ kidzoenudidi nɛ Kpaya ishubhubhui mɛ.

Axwɛwɛwa 11:14

Aba mɛna wɔ ɔklasɔ toli gɛ ganɔ ɔlɛa bha wɔ anɛ wɔ pamɛ elete nɛ petee nɔ bɔ mɔ tɛbubu.’

Axwɛwɛwa 8:39

Gɛ bede buni nɛm ekoeyi ko, klɛ Apalete nɛ Ɔfufɔɛ nɛ obo feke Flipo ɔshɛnɔ, klɛ anɔgbla na da mɔ Flipo ɔgakɔ, pɔ avɛ yɛ kidzo gɛga nɛa bha nɛ same mumɔ.

Luka 19:6

Klɛ ezhi aba klɛ ayɛkɛ yɛ nɛ same.

Luka 15:32

Pɔ kɛ lɛ kɔ lɔ sɛ tɛ bumɔ same te buŋa kɛdɔ alasɛ wɔ adzya ne etsi pɔ akalɛ nɛ ɛkpã alɛla klɛ bumunɔ yɛ.’ ”

Luka 5:29

Kɛlɛe de Lewi atrɔ kɛŋɛŋawi piim kɔ Yesu nɛ yɛ bupa nɛ mɛ, klɛ kɔba badɔdzyɔ kɛha gbɛgbla nɛ̀ banɔ bhlatɔ baŋaɛ dɔ nɛ balɛ.

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

Axwɛwɛwa 16:15

Kibe lɛ gɛ yɛɛnɛ yɛ bupa nɛ petee ba yɛkɛ bunikpɛkpɛ beke nɛɛ eklu lɔ avɛnɔ yɛ bupa mɛ. Ɔkɛlɛ aɖɔ asɛ, “Onu gɛ nɔ mɔ mɛ ansɛ anɔ gɛ ayɛkɛ Apalete nɛa bha aŋa nɛɛ,” “klɛ ba tɛ nɔ bɔ za mɛ ɔkɔ.”

Axwɛwɛwa 16:35

Kibe lɛ gɛ keli nɛ kaza, bebhuiklu na kpɛ balɛ baxwɛwa nɛ asɛsɛ agɛ akpɛ banɔ ne vu sɛ: “Shɛnahwɛ bagɛ ba kpɛ buvu nɛ shu.”