Axwɛwɛwa 16:15 - ONUGBÙ NYƐNYÃ VUVƆ

¹⁵ Kibe lɛ gɛ yɛɛnɛ yɛ bupa nɛ petee ba yɛkɛ bunikpɛkpɛ beke nɛɛ eklu lɔ avɛnɔ yɛ bupa mɛ. Ɔkɛlɛ aɖɔ asɛ, “Onu gɛ nɔ mɔ mɛ ansɛ anɔ gɛ ayɛkɛ Apalete nɛa bha aŋa nɛɛ,” “klɛ ba tɛ nɔ bɔ za mɛ ɔkɔ.”

Axwɛwɛwa 16:15 Referans Kwoze

Axwɛwɛwa 11:14

Aba mɛna wɔ ɔklasɔ toli gɛ ganɔ ɔlɛa bha wɔ anɛ wɔ pamɛ elete nɛ petee nɔ bɔ mɔ tɛbubu.’

Hebriuanɛ 13:2

Nɔ tɛ shɛnahwɛ bɛfu yɛyɛkɛ shu lu, alasɛ nɛ kɛlɛ mɛ banɔ tɛli bayɛkɛ kpayaxwɛdɛ nɛ matimati mɛ.

Axwɛwɛwa 16:33

Nɛ elishia lɛlɛ nɛ mɛ anyɛ nɛ gɛ akpɛa lɛ buvu pɛ eepoa lɛ nɛ agbanɔ Paolo anɛ Silas klɛ ada bɔ balɛ apɔ na kɔa lɛ; ganɔ klɛ mɛ nɛɛ anyɛ nɛ yɛ bupa nɛ petee ba yɛkɛ bunikpɛkpɛ.

Luka 24:29

Pɔ batrɔ yɛ abha gɛganɛ sɛ, “Za bulɔ bha, alasɛ ɔwlago lɔ na, kiwui nɛ bekɛ.” Kɛlɛso avɛ sɛ tɛ ada za balɛ ɔbha.

3 Yohanɛsɛ 1:8

Kɛlɛso kɛlɛsɛ tɛ bu kasɛ ɛyɛmɛyɛyɔ kɔ banɔ alɛlɛ nɛɛ di sɛ tɛ bu ba na kɛxwɛ wa kpɛetsu kɔ kibuigbɛagba.

3 Yohanɛsɛ 1:5

Ɔbhɛya mumɔa, tɛyɛyɛkɛŋa lɛ wɔ ahwɛ nɛ kɛdɔ nɛ gɛ ɔbhɛtɛ kɔ badzya, kɛlɛlɛmɛ tsyɛ sɛ be nu befu kɔ wɔ.

1 Petro 5:12

Nɛ̀ tɛpɛplɛnɔ denɔ Silas kɔ, agɛ ɛyɛkɔ kɛlɛ anasɛ tɛyɛyɛkɛŋa adzya, ɛtɛ ŋlɔmɛ sɛsɛnɔ gugunu, ɛkpɛ nɔ kemi klɛ mɛ ɖɔ sɛ kɛnɛ kɛlɛnu Kpaya ɛyɛmɛyuyɔ gbɛagba. Nɔ za lɛ mɛ gɛganɛ.

Filimɔnɛ 1:17

So onu gɛ odim ansɛ wɔabhla ana, klɛ yɛkɛ yɛ ansɛ gɛ ɔbɔ yɛkɛ mɛ.

Filipianɛ 1:7

Kɛ na kɔ mɛ sɛ tɛ ɛmɔɛlɛ ana nɛ wɔnɔ petee shu, alasɛ nɔ kpasɛ mɛ idzyim; alasɛ onugɛ bakpɛ mɛ buɖɛ ɔdɔgɔsɛ ɛwlãnkɛ klɛ mɛ trɔahwɛ nɛ kibui dzyɔgo nɛa bha, wɔnɔ petee nɔ bɔ mɔ Kpaya ɛyamyuyɔ nɛ́ mɛ.

Efesoanɛ 1:1

Mɛ Paolo, Kristo Yesu anɔkpɛkpɛ ganɔ Kpaya tɛpɛpɛɛ mɛ. Kɔ kpayabanɔ nɛ̀ Efesosɛ, bagɛ tɛyɛkɛŋa lɛ balɛ ahwɛ nɛ Kristo Yesu mɛ:

Galatianɛ 6:10

Kɛlɛso, anasɛ gɛ bu mɔ kibe dzyɔgo, nɔ kɔ lɔ bhɛtɛ kɛdzyɔgo kɔ banɔnyanɔ, kɛlɛ mumɔ kɔ ba gɛ be nu beshopo bayɛyɛkɛŋa.

2 Kɔrintioanɛ 12:11

Ɛkpɛ manahwɛ shu bugã, pɔ wunɔ gbanɛ mɛ ɔkpɛ lɛ mɛ. Wunɔ lɛ lɛkɔ sɛ tɛ nɔ kpɛ mɛ nɛabha alasɛ ɛdɛ nu agugɔɛ zhiesi kɔ “bagbɛgbladɛ-bakpɛkpɛ,” kɛlɛmɛ tsyɛ ɛdɛ nu kɛdɔnyɛdɔ.

2 Kɔrintioanɛ 5:14

Alasɛ Kristo tɛdɛdɛmɛnɔ nɛ ŋa lɔabha, alasɛ bu yɛkɛ lɛabhaŋa sɛ anɔ terikpo yɛ tsi nɛ banɔ gelee tɔkpu, klɛ nɛlɛso balɛ petee tsi.

Romanɛ 16:23

Gaiusɛ, gɛ yɛ anɔyɛyɛkɛ mɛ nɛ busɔlɛha nɛ ɔkɛ nɛ mɔ same nɔ, asɛnɛ nɔ asɛsɛ. Ɛrastusɛ, gɛ enu anɔ nɛ gɛ edi ɔmagbla nɛ axwɛ nɛa bha, anɛ bulɔadzya Kwatusɛ ba sɛnɛ nɔ asɛsɛ.

2 Yohanɛsɛ 1:10

Onugɛ anɔ teli aba wɔ kɔ klɛ adɛ mɛna nɔ kɛdɔkɛkasɛ nɛ, nɔ tɛ yɛkɛ yɛ akpɛ wɔnɔ bupa mɛ ɔdɔgɔsɛ nɔ kɔ yɛ wola.

Axwɛwɛwa 18:8

Krispusɛ, gɛ enu anɔ gɛ aŋa oxogokɔvu nɛa bha, anɛ yɛ bupa mɛ banɔ nɛ petee ba yɛkɛ Apalete nɛa bha aŋa; klɛ Kɔrintioanɛ gelee gɛ benu yɛ kɛdɔ kɛkasɛ nɛ ba yɛka aŋa klɛ ba kpɛ buni akɔa lɛ.

Axwɛwɛwa 8:38

Klɛ akɔ ɔshã sɛ sɔopupu nɔ dzrɔ. Klɛ Flipo anɛ anɔgbla nɛ zhieku buni nɛm klɛ Flipo akpɛ buni nɛ akɔ yɛ.

Axwɛwɛwa 8:12

Pɔ kibe lɛ gɛ ba yɛkɛ Flipoa bha ŋa gɛ aɖɔ kibui dzyɔgo nɛ denɔ Kpaya bukusi ɔŋakɔ nɛ shu anɛ Yesu Kristo kinyi, ba kpɛ buni kɔa lɛ, banyɛ anɛ badzɛ.

Luka 14:23

“Ɔkɛlɛ apalete nɛ etsre axwɛdɛ nɛ asɛ, ‘Koeyi ɔvɛ edzo nɛabha anɛ ɛma edzo nɛ mɛ tɛ ɔkɔ la ba sɛ tɛ bupa nɛ mɛ yuku.

Mateo 10:41

Anɔnyanɔ gɛ aayɛkɛ atɔnu sɛ enu atɔnu so, aba yɛkɛ atɔnui bhɛ, klɛ anɔnyanɔ gɛ aayɛkɛ anɔnɛna sɛ enu anɔnɛna so aba yɛkɛ anɔnɛna kɛbhɛ.

Mateo 3:6

Be bu balɛ buzizi nɛ aɖɔ, klɛ akpɛ buni akɔa lɛ nɛ Yɔɖan Keni nɛm.

Axwɛwɛwa 16:31

Be bu klɛ nu etsre yɛ asɛ, “Yɛkɛ Apalete Yesua bha ɔŋa, klɛm ɔbɔ mɔ ɛkpã—wɔnɔ nɛ wɔ pa nɛ wɔeyia lɛ nɛ petee.”

Axwɛwɛwa 16:34

Agɛ akpɛa lɛ buvu na gbanɔa lɛ amɛna yɛ bupa mɛ klɛ aba trɔ kɛŋɛŋa ɔkplɔ̃ akɔa lɛ; anyɛ nɛ ebe yuku nɛ samɛ alasɛ yɛ nɛ yɛeyialɛ nɛ petee aba yɛkɛ Kpaya bha aŋa.