Axwɛwɛwa 15:28 - ONUGBÙ NYƐNYÃ VUVƆ

²⁸ Edzi ansɛ kɛbɔ kɔ Ɔfufɔɛ Dzyɔgo anɛ kɔ bulɔ sɛ tɛ bu tɛ trɔ wɔnɔa bha nɛ kibuinyɛbui ɔkɔ dɛ ebui bibisia nɛ:

Axwɛwɛwa 15:28 Referans Kwoze

Yohanɛsɛ 16:13

Pɔ kibenɔ nɛ gɛ yɛ, kɛgbɛagba Ɔfufɔɛ, nɔ ba, aba gbanɔ lɔ kpɛ kɛ gbɛagba petee mɛ. Atɛ ba ɖɔaɖɔ nɛ́ yɛnahwɛ shu ahwɛ, aba ɖɔ kɛgɛ enu nɛ ko, klɛ aba ɖɔ tsre nɔ kɛ gɛ kɛ ba ba.

Mateo 11:30

Alasɛ mɛ ɔkpakasi nɛ ɔlɛ bubɔɛbɔɛ klɛ mɛ kituku nɛ dzi fukuu.”

Tɛbubukasɛ 2:24

Ɔtsɔ̃ nɛɛ ɛɖɔ tsre wɔnɔ banɔ gɔgɔɛ nɛ Taɛtira, kɔ wɔnɔa gɛ nɔ dɛ nyɛna yɛ kɛdɔkɛkasɛ nɛ mɛ ovunɔ klɛ nɔ kɔ kpasɛ Satana ebuikpukpu dzudzu alɛlɛ nɛ mɛ (ɛtɛa trɔ nɔ kituku bhlatɔ kanyaka):

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.

1 Kɔrintioanɛ 14:37

Onugɛ anɔ teli ayɛkɔ sɛ enu atɔnu, ɔdɔgɔsɛ ɔfufɔɛmɛ kɛdɔkukɔ tili lɛ yɛahwɛ, nɔ kɔ yɛ adɛmɛ lɛ asɛ ebui nɛ gɛ ɛŋlɔmɛ kɔ nɔ lɛ nu Apalete nɛ eshã.

1 Kɔrintioanɛ 7:40

Nɛ mɛ kibui mɛ bhubhui mɛ, same be ku adzɛ nɛ dɛ onugɛ alɛ anasɛ gɛ alɛ, klɛ mɛ mɔ sɛ mɛ tsyɛ Kpaya Ɔfufɔɛ ɔlɛ mɛ ahwɛ.

Axwɛwɛwa 15:19

“Kɛlɛso, ki nu mɛ kibuim bhubhui, sɛ nɔ tɛ kpɛ bagɛ be di nu Yuɖanɛ nɛ gɛ be tsodzi aaba Kpaya ɔkɔ nɛ butɔ.

Axwɛwɛwa 15:8

Kpaya, gɛ enyi idzyi mɛ, nɛ ebu akasɛ asɛ ayɛkɛ balɛ aganɔ Ɔfufɔɛ Dzyɔgo nɛ tɛyɛyɛkɔ kɔalɛ mɛ, ansɛ gɛ abhɛtɛ akɔ lɔ.

Axwɛwɛwa 5:32

Bu nu bebuimɔɖɔ kɔ ebuia nɛ petee, nɛ Ɔfufɔɛ Dzyɔgo nɛ gɛ Kpaya ashɛ̃nahwɛ akɔ banɔ nɛ ga ta yɛ batɔ.”

1 Tɛsolonianɛ 4:8

Kɛlɛ so, anɔ nɛ gɛ adɛ yɛkɛ kɛdɔkɛkasɛ ganɛ anɔ yɛ adɛ yɛkɛ, pɔ Kpaya, nɛ gɛ aakɔ nɔ yɛ Ɔfufɔɛ Dzyɔgo.

1 Kɔrintioanɛ 7:25

Ɔtsɔ̃nɛ nɛ badzɛ gɛ be ke ti anyɛa pɛ mɛ: Kabhaŋɛŋa ka ma mɛ ahwɛ denɔ Apalete nɛ ɔkɔ, pɔ ikulu kebhui ansɛ anɔ gɛ ganɔ Apalete nɛ eshutukubui didi mɛ ana gɛ ba ba yɛkɛ yɛa bha ŋa.

Axwɛwɛwa 15:25

Klɛso nɛɛ bulɔ petee ba dɛmɛ sɛ bua bu banɔ teli tɛ bu yɛkɔ sɛsɛ nɔ plɛnɔ blɔ ɛbhɛa dzyɔgo gɛnu Banabasɛ anɛ Paolo,

Mateo 23:4

Ba nya etukugbla klɛ ba yɛkɔ atrɔ banɔ bundɔ, pɔ balɛ nahwɛ na ta pɛɛ sɛ tɛ ba yɛkɔ balɛ kɛwɔɛ tirikpo tsyɛ ehunɔ etuku nɛ.

Axwɛwɛwa 16:4

Nɛ balɛ tɛnyunyɔ denɔ ɔma nɛm ɔvɛ ɔma nɛ mɛ nɛ, be bu ɛshã nɛ gɛ banɔkpɛkpɛ anɛ beshishe na bhɛtɛ nɛ Yerusalɛm sɛ tɛ ɛlɛa bha la bhɛtɛ na kasɛ banɔ.