Axwɛwɛwa 13:39 - ONUGBÙ NYƐNYÃ VUVƆ

³⁹ Ganɔ yɛa bha nɛ anɔnyanɔ gɛ ayɛkɛ aŋa nɛɛ ba bhɛtɛ yɛ ana ganɔ kidzonyɛdzoa bha gɛ nɔ tɔ na nɛ Mose ɔshã nɛ nu flogo.

Axwɛwɛwa 13:39 Referans Kwoze

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

Romanɛ 10:4

Kristo yɛ enu obekekɔ kɔ ɔshã sɛ tɛ tɛnɛnamɛzɛza za kɔ anɔnyanɔ gɛ ayɛkɛaŋa.

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Hebriuanɛ 7:19

(kɛlɛ ɔshã nɔdɔ bɔza kibuinyɛbui mɛ), klɛ ba bakasɛ kidyo dzyɔgo tili, gɛ kɛkɔ lotsobunɔ Kpaya.

Romanɛ 10:10

Alasɛ wɔ idzyi nɛ ɔyɛkɛ ɔŋa nɔ klɛ la yɛkɔ danɛ wɔ shu nɔ, klɛ wɔ onugbu nɛ ɔyɛkɔ danɛ wɔ shu nɔ pɛ be bu wɔ.

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Romanɛ 4:15

alasɛ ɔshã lɔɔ mɛna obulo. Klɛ ɔkɛlɛ gɛ ɔshã ɔɔma ɔshɛ̀abha dɛda ɔma.

Romanɛ 3:19

Ɔtsɔ̃ bu nyi sɛ kibuinyɛbui gɛ ɔshã nɛ ɔɔɖɔ, lɔɔ ɖɔ tsre bagɛ ba kpasɛ ɔlɛesi, sɛ tɛ onugbu kanyaka ba da ɔlɛ klɛ kanɔ nɛ petee ke be bu ishunu nɛ Kpaya amɛ.

Romanɛ 5:20

Ba yɛkɔ ɔshã nɛ aba ta sɛ tɛ buzizi nɛ ba wua bha. Pɔ ɔkɛlɛ gɛ buzizi nɛ buu wua bha, eshutukubui didi nɛ eke wuabha dɛa na,

Romanɛ 5:9

Ɔtsɔ̃ nɛ gɛ ba tɛ danɛ lɔ shu ganɔ yɛ dzyosu nɛ mɛ, kɛlɛ kɛ zɛ ba za sɛ be tee bulɔ edenɔ Kpaya obulo nɛ mɛ ganɔ yɛa bha!

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Hebriuanɛ 10:11

Kiwui nyɛwuiede kpayazakɔanɔ kanyaka alɔ klɛ awa yɛ sɔlɛ axwɛ, awa klɛ azawa akɔ ishutsyitsye lɛlɛ, gɛ ba tɛbe bu buizizi nɛ atɛ̃.

Hebriuanɛ 10:4

alasɛ kɛ tɛ ba za bububɔɛ kɔ sɛ banɛtsyɔɛeyi anɛ bepidzyaeyi dzyosu ba bu buizizi tɛ̃.

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Romanɛ 4:24

pɔ kɔ bulɔ tsyɛ, kɔ bagɛ Kpaya aba kɔ tɛnɛna nɛ tsyɛ— kɔ bulɔa gɛ bu yɛkɛ yɛa bha ŋa gɛ bu feke Yesu bulɔ Apalete nɛ ebu denɔ bekpu mɛ.

Axwɛwɛwa 10:43

Batɔnu nɛ petee aɖɔ edenɔ yɛ shu sɛ anɔnyanɔ gɛ anya yɛkɛ yɛa bha aŋa ko amɔ buzizi tɛyɛyɛkɔ tsye ganɔ yɛ kinyim.”

Galatianɛ 5:3

Ɛka ɖɔ tsre anyɛ nyanyɛ gɛ akɔ sɛ be bhui bunyɛnyɛ kɔ yɛ nahwɛ kɛlɛ kɔ yɛ sɛ tɛ abhɛtɛ atrɔ ɔshã nɛ petee abha.

Galatianɛ 3:8

Kpaya kɛplukpa kamɔ ɖɔ sɛ Kpaya ebe butsya kɔ bagɛ bedinu Yuɖanɛ ɔganɔ tɛyɛyɛkɛŋa abha, klɛ eputɔ aɖɔ kibui dzyɔgo kɔ Abraham: “Ba bayula amadi petee aganɔ wɔabha.”

Galatianɛ 2:19

Alasɛ ganɔ ɔshã nɛabha ɛtsi kɔ ɔshã sɛ tɛ ɛza nɛ kpã kɔ Kpaya.

1 Kɔrintioanɛ 6:11

Kana wunɔ mayɛ teli nɔ za. Pɔ be plu nɔ shu, bakɔ wunɔ shubhui klɛ be bu nɔnu nɔ nɛ Apalete Yesu Kristo nɛ bulɔ Kpaya Ɔfufɔɛ nɛ mɛ.

Romanɛ 9:31

pɔ Izraɛlanɛ, gɛ ba kpatɔnɔ tɛnɛnamɛzɛza ɔshã, na ka yɛkɛ lɛ.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Luka 18:14

‘Etsre nɔ se anyanɛ, anɛ Farisi anyɛ, avɛ bupa mɛ ɛku Kpaya awɔ̃. Alasɛ anɔnyanɔ gɛ efeke shu ba bɛ zhinɔ yɛ, agɛ ezhinɔ shu ba be feke yɛ owunɔ.”

Luka 10:28

Yesu ɛtsre yɛ asɛ “Obui lɛ nu mɔmɔ. Bhɛtɛ kɛnɛ klɛ ɔbɔ za nɛ ɛkpã.”

Luka 10:25

Kiwui tili abha ɔshã lete teli alɔ sɛ tɛ efeke Yesu edi. Ebisi asɛ, “Adɔkasɛ, kide alasɛ ɛbhɛtɛ tɛ ɛmɔ ɛkpã mabeke mabeke?”

Romanɛ 3:20

Kɛlɛso beti be bu anɔnyanɔ aɖɔ asɛ ana nɛ yɛ amɛ sɛ abhɛtɛ ɔshã nɛa bha so, pɔ, ganɔ ɔshã nɛ mɛ klɛ bu ti bulɔ buzizi.