2 Nɛ kibe lɛ nɛm gɛ ba nya onugbu pɛ ba kpɛ kɛtɔkpuesi kɔ Kpaya nɛɛ, Ɔfufɔɛ Dzyɔgo nɛ ɔɖɔ sɛ, “No bu Banabasɛ anɛ Saolo olu kɔ kɛxwɛ nɛ so pɛ ɛklua lɛ.”
Pɔ kibe lɛ gɛ Kpaya, agɛ ebu mɛ ɔtɔ elu denɔ mɛ tɛmumɔ mɛ klɛ eklu mɛ ganɔ yɛ ɛyamyuyɔ mɛ, ki ku yɛ awɔ̃
Pɔ Apalete nɛ etsre Ananiasɛ asɛ, “Vɛ! anya nɛɛ enu mɛ kɛɖaŋudɔ gɛ eklu sɛ tɛ aba yɛkɔ mɛ kinyi nɛ avɛnɔ bagɛ ede nu Yuɖanɛ anɛ balɛ bekusi anɛ Izraɛlanɛ.
Klɛ nɛ kibuidzyɔgoe nɛ shu be bu mɛ ansɛ otugbanɔ anɛ anɔkpɛkpɛ anɛ adɔkasɛ.
Anɛɛ petee lɛ nu anɔ terikpo nɛ Ɔfufɔɛ ɔlɛlɛ, klɛ akɔ alɛ akanyaka anasɛ gɛ apɛɛ.
Paolo, axwɛwa kɔ Yesu Kristo, gɛ be kulu sɛ tɛ ebe dzi anɔkpɛkpɛ klɛ be bu yɛ ɔtɔ akɔ Kpaya kibuidzyɔgo—
Klɛ kɛɛ nɛ nɛ shu so pɛ be bu mɛ asɛ idzi otugbanɔ anɛ anɔkpɛkpɛ, gɛ ɛɛɖɔ kɛgba, iti hu otro—klɛ mɛ nu kɛgba tɛyɛyɛkɛŋa adɔkasɛ kɔ Bagɛ ba dɛ yɛkɛaŋa.
“Ɔkɛlɛ Apalete nɛ etsrem asɛ, ‘Vɛ; Ɛba kpɛ wɔ nɛ odzidzekɔ nɛ bagɛ di nu Yuɖanɛ nɛ ɔkɔ.’ ”
Denɔ Attalia nɛɛ ba za kenia bha etsodzi avɛ Antiɔkɛ, ɔkɛlɛ gɛ ba yɛkɔa lɛ akpɛ ahwɛ kɔ Kpaya ɛyamyuyɔ kɔ kɛxwɛ nɛ gɛ be ti beke nɛ ɔtsɔ̃ nɛ mɛ.
Tsre Arkipu: “Di kɛlɛ ɔkɔ sɛ nɔ wa kɛxwɛ nɛ gɛ nɔ yɛ kɛ nɛ Apalete nɛ mɛ beke.”
klɛ kɛlɛe de edzi anyɛtsi ɔdɔtɔnɔ gɛ ayɛkɛ agɔ afɛtasɔɛ nɛ talɛ̃. Adɛ shɛnahwɛ kpaya buvu mɛ zɛza lu, pɔ akpɛ tɔkpuesi elishi anɛ kemuze, anya onugbu klɛ eklukpaya.
Klɛ ebui nɛ gɛ onu denɔ mɛ ɔkɔ gɛ ɛɖɔ nɛ be buimɔɖɔ gelee nɛ amɛ gɛ ba yɛkɔ akpɛ ahwɛ kɔ banɔ nɛ gɛ ba ba yɛkɛ balɛa bha ŋa, pɛ balɛ tsyɛ aba na kɔ banɔ gɔgɔɛ nɛ tɛkɛkasɛ.
Ɛba dzi axwɛdɛ kɔ kibui dzyɔgoe gɛ bakɔ ganɔ Kpaya ɛyamyuyɔ gɛ akɔ mɛ ɔganɔ yɛ bupu kɛxwɛwɛwae mɛ.
So nɛ balɛ onugbu nyɛnya anɛ kpayakuklu nɛede nɛɛ, ba trɔ ahwɛ nɛ balɛa bha klɛ ba kpɛ balɛ dzo kɔ kɛxwɛ.
Kɔneliusɛ ebui lɛ nu asɛ: “Nɛ ewi talɛ̃ gɛ aba fla nɛ mɛ ɛza mɛ bupa mɛ ɛklukpaya nɛ kemuze ɛɖa tɛtam. Ɔkɛlɛ ko ɛmɔ anyɛ teli gɛ enyumu kɛdɔ fufu gɛ kɛta shiãshiã
Petro eke aza bhɛtɛ kɛtɔkpum nɛ kɛdɔ nɛ gɛ amɔ nɛ tra nɛ mɛ shu, ɔkɛlɛ Ɔfufɔɛ nɛ otsre sɛ, “Simɔnɛ, banɔ tɛata teli ebisi wɔɛ tɔkpu.
Ɔfufɔɛ nɛ otsre Flipo sɛ, “Vɛ sɔopupuɔ lɛ nɛ ɔbha tɛ ɔza bunɔ ɔlɛ.”
No bisi Kɛxwɛaka sɛ tɛ asɛsɛ baxwɛwa nɛ buya nɛ mɛ.”
“Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.
Anɔnyanɔ atɛyɛkɔ otugbavɛvɛ atrɔ shu, alasɛ tɛ Kpaya yɛ klu yɛ, anasɛ gɛ Aaron aza.
Luka tite yɛ aka lɛ plɛnɔ mɛ. Mɔ Marko tɛ ɔgbanɛ yɛ ɔplɛnɔ shu ɔmɛna, alasɛ aplɛnɔ mɛ nɛ mɛ kɛxwɛwa nɛ mɛ.
Pɔ wɔ, nyɛna ishu nɛ ebuinyɛbui di mɛ, za gɛganɛɛ nɛ butɔ́ mɛ, wa kɛxwɛ ansɛ anɔ gɛ akaka kibui, wa wɔ axwɛ nɛ petee gɛ ba kɔ wɔ nɛ Kpayɛxwɛ nɛ mɛ.
Ɛwa kɛxwɛ gɛganɛ klɛ ɛmɔ butɔ klɛ ɛzanɛ awɔ̃ ebemɛ, eti bubhɛ anɛ oniwɛ klɛ ɛza ebe mɛ kɛdɔ maŋamaŋa, bublɔ yimɛ ebemɛ klɛ ɛza alagba.
nɛ tɛtutuɛ mɛ, buvuzɛza anɛ kɛdɔziziogugu kpɛkpɛ, kɛxwɛ gɛganɛ wuwa, elishi tramadɔmadɔ anɛ̀ bubhɛdɛdɔ,
Nɔti gbe ishu kukɔ ɔhaglɔ odi nu sɛ wunɔ tɛabha nɛ tɛtɛtrɔ klɛ kɔ kibe, sɛ tɛ nɔ kɔ kpayakuklu. Nɔ tsodzi ɔba aglɔbha zia sɛ tɛ Satana eti be feke nɔ edi alasɛ nɔ̀ dɛ ŋa ɛshuabha.
sɛ idzi Kristo Yesu kibui nɛ aɖuɖɔ kɔ bagɛ ba dɛ yɛkɛaŋa plɛnɔ kpayanɔ axwɛwa kɔ Kpaya kibui dzyɔgo nɛ tɛɖuɖɔ, sɛ tɛ bagɛ ba dɛ yɛkɛaŋa ne be dzi beyi gɛ Kpaya aba yɛkɛ, gɛ Ɔfufɔɛ Dzyɔgo nɛ ɔtrɔahwɛ.
Klɛ kɛlɛ la ba ɖɔ yɛ shui bui onu gɛ baa ka kpɛ alɛ? Ansɛ gɛ ba ŋlɔmɛ kɛlɛ elu sɛ, “Kɛlɛ bagɛ ba mɛna kibui dzyɔgo nɛ butsrukpɔ ba pudi!”
No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.
tɛ bulɔ bu yɛkɔ ishu kɔ Kpaya kuklu anɛ yɛ kibui nɛ tɛɖuɖɔ.”
Kɛlɛlɛ nɛede Apalete ebu banɔ afɛtegene nɛ tɛabha bhlatɔ klɛ akpɛ alɛ tɛabha tɛabha beputɔ kɔ yɛ, tɛ bavɛ ɔmanyɔma nɛ ɛzakɔ ɔkɛlɛ gɛ apɛ asɛ tɛ avɛ.
Yosɛfu gɛ enu Levaɛtɛ eyi denɔ Siprɔsɛ, gɛ banɔkpɛkpɛ nɛ klua sɛ Banabasɛ (kɛlɛesi nu sɛ Eyi gɛ akɔ Kemi),
Gɛ Ɔfufɔɛ Dzyɔgo nɛ ɔsɛsɛ balɛ tɛabha nɛ balɛ kidzo gɛga nɛa bha, be zhi avɛ Seleusia klɛ ba da za keniabha denɔ ɔklɛ avɛ Siprɔsɛ.
Pɔ ɔfufɔɛ ɔnɛ nɛɛ di ɔtɛ boo koeyi odinu ganɔ kpayakuklu nɛ onugbunyɛnya mɛ.