Axwɛwɛwa 13:12 - ONUGBÙ NYƐNYÃ VUVƆ

¹² Gɛ ekusi nɛ amɔ ebui nɛ gɛ aba kɛlɛm nɛɛ, ayɛkɛ aŋa, alasɛ kɛdɔkɛkasɛ denɔ Apalete nɛ shu nɛ abhɛtɛ yɛ bi.

Axwɛwɛwa 13:12 Referans Kwoze

Axwɛwɛwa 13:7

gɛ edzi epupo kɔ, Sɛgiusɛ Paolo gɛ aŋa ɔkɛlɛa bha. Agɛ aŋa ɔkɛlɛa bha, gɛ enu ebuinyi teli, akpɛ odu asɛsɛ Banabasɛ nɛ Saolo sɛ ba ba alasɛ apɛa sɛ tɛ enu Kpaya kibui.

Luka 4:22

Banɔ petee ba ɖɔaɖɔ dzyɔgo nɛ yɛ shu klɛ kɛyinɔ alɛ nɛ ɛyɛmɛyuyɔ ebui nɛ gɛ le koeyi nɛ yɛ onugbu. Be bisi asɛ, “Anɛ̀ Yosef ye yi nɛ na?”

Axwɛwɛwa 28:7

Kesukpa tieli bunɔa lɛ nɛ kibe lɛlɛ gɛ ke nu Publiusɛ ayɛ, gɛ enu axɔɛwa aka teli nɛ kesukpa bhlia lɛ nɛa bha. Anyɛ alɛlɛ nɛ ayɛkɛ lɔ ewi tata klɛ edi lɔa bha mɔmɔ.

Axwɛwɛwa 19:7

Banyɛ ansɛ kɛfɔntɛabha balɛ aza ɔklɛ.

Axwɛwɛwa 15:35

Pɔ Paolo anɛ Banabasɛ ba wɔ Antiɔkɛ, ɔkɛlɛ balɛ nɛ banɔ gelee gugɔɛ na kasɛ kɛdɔ klɛ ba ɖɔ Apalete nɛ kibui.

Axwɛwɛwa 13:49

Apalete nɛ kibui nɛ yɛkɛ kɛmadi nɛa pɛalɛ nɛm petee.

Axwɛwɛwa 6:10

pɔ ba dɛ na kititi lɔ nɛ yɛ kibuititi nɛ shu ɔdɔgɔsɛ yɛ Ɔfufɔɛ nɛ gɛ ɔlɛa bha aga pɛ aɖɔ kaɖɔ.

Yohanɛsɛ 7:46

“Anɔnyanɔ adɛɖɔ kaɖɔ kɛ bhɛtɛ gɛ anɔa abhɛtɛ, ” bepupo bebuaɖɔ.

Luka 7:16

Kifu ku banɔ nɛ petee klɛ be hu Kpaya ahwɛ. “Banɔ nɛ baɖɔ sɛ atɔnu gbla ekoeyi nɛ bulɔɛ shi. Kpaya aba sɛ tɛ aba plɛnɔ yɛ banɔ.”

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Axwɛwɛwa 8:25

Kibe lɛ nɛ gɛ ba mɔaɖɔ pɛ be bu Apalete nɛ bui na ɖɔ, Petro anɛ Yohanɛsɛ be tsodzi avɛ Yerusalɛm, klɛ baa ɖɔ kibui dzyɔgo nɛ Samarianɛ ɛmabhli nɛ mɛ.

Axwɛwɛwa 13:8

Pɔ ehuni Elimasɛ (alasɛ yɛ kinyi nɛesi nɛɛ lɛlɛ) alɔ kititi nɛ kɛlɛ shu klɛ abhɛtɛ sɛ tɛ ebu agɛ aŋa ɔklɛa bha nɛ awɔ̃hũ nɛ tɛyɛyɛkɛŋa nɛ shu.

Axwɛwɛwa 13:48

Gɛ bagɛ edi nu Yuɖanɛ ne nu kibui nɛɛ, ba mɔ same klɛ ba yɛkɛ Apalete nɛ bui, klɛ bagɛ balɛ petee be klua kɔ ɛkpã mabeke mabeke na yɛkɛaŋa.

Axwɛwɛwa 15:36

Nɛ kibe gɔgɔɛ tili mɛ Paolo etsre Banabasɛ asɛ, “Kɔ lɔ tsodzi da ga ɔhamɛ anɔ nɛa bha nɛ ɛma nɛ petee mɛ gɛ bu da ɖɔ Apalete nɛ bui tɛ bu di sɛ pɔ klɛ la bhɛtɛ nɛ kibui nɛ dza.”

Axwɛwɛwa 18:12

Nɛ kibelɛ nɛ mɛ gɛ Gallio aŋa Roma kapɛ tielia bha gɛ enu Atsyaia, Yuɖanɛ na ba kpɛetsu klɛ la ba dɔ Paolo bha klɛ be vu yɛ avɛnɔ kebhui.

Axwɛwɛwa 19:10

Kɛdɔ kɛkasɛ nɛ vɛ klɛa bha agɔ tabha nyɔɔ, sɛ tɛ Yuɖanɛ anɛ Grikanɛ nɛ gɛ balɛ Asia kɛdɔ nɛ mɛ tsyɛ be nu Apalete nɛ kibui.

Axwɛwɛwa 19:20

Ganɔ kidzoe nɛa bha nɛ Apalete nɛ kibui nɛ ba yɛkɛ kanɔ nɛm klɛ kishe nɛ kemi.

Axwɛwɛwa 19:38

Nɛ klɛ shu so, onu gɛ Demetrius anɛ yɛ baxwɛwa na bhɛtɛ buzizi nɛ anɔ teli shu, bubhuioklukɔ nɛ danɛ dzi klɛ bagɛ ba ŋa ɔma nɛabha na lɛ. Ba ba na kibui yɛkɔ nɛ anɔ shu.