Axwɛwɛwa 10:48 - ONUGBÙ NYƐNYÃ VUVƆ

⁴⁸ So nɛ Petro akɔ sɛ tɛ ba kpɛ buni nɛ Yesu Kristo kinyim kɔa lɛ tsyɛ. Klɛ be bisi sɛ Petro aza balɛ ɔbha ewi bhli teli ko.

Axwɛwɛwa 10:48 Referans Kwoze

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 8:16

alasɛ Ɔfufɔɛ Dzyɔgo nɔ kɔ ba balɛ ɔmayɛ kanyakɛa bha, buni tite ko la tɛ kpɛ kɔ balɛ nɛ Yesu Apalete nɛ kinyim.

Galatianɛ 3:27

alasɛ wɔnɔ petee gɛ ba kpɛ buni kɔ nɛ Kristo mɛ wɔnɔ nahwɛ nɔ nyumu Kristo.

Axwɛwɛwa 19:5

Gɛ be nu kana nɛ, ba kɔ la kpɛ buni nɛ akɔa lɛ nɛ Apalete Yesu kinyim.

Axwɛwɛwa 8:12

Pɔ kibe lɛ gɛ ba yɛkɛ Flipoa bha ŋa gɛ aɖɔ kibui dzyɔgo nɛ denɔ Kpaya bukusi ɔŋakɔ nɛ shu anɛ Yesu Kristo kinyi, ba kpɛ buni kɔa lɛ, banyɛ anɛ badzɛ.

Yohanɛsɛ 4:2

nɛ kɛlɛmɛ kɛgbɛagba sɛ anɛ Yesu yɛ akpɛ buni kɔ banɔ pɔ yɛ badɔkpasɛ.

Yohanɛsɛ 4:40

Kɛlɛso gɛ Samarianɛ ba ba yɛ ɔbha, bapɛɛ denɔ yɛ ahwɛmɛ sɛ aza balɛ ɔbha, klɛ aza balɛ ɔbha ewui tabha.

Axwɛwɛwa 16:15

Kibe lɛ gɛ yɛɛnɛ yɛ bupa nɛ petee ba yɛkɛ bunikpɛkpɛ beke nɛɛ eklu lɔ avɛnɔ yɛ bupa mɛ. Ɔkɛlɛ aɖɔ asɛ, “Onu gɛ nɔ mɔ mɛ ansɛ anɔ gɛ ayɛkɛ Apalete nɛa bha aŋa nɛɛ,” “klɛ ba tɛ nɔ bɔ za mɛ ɔkɔ.”