3 Yohanɛsɛ 1:7 - ONUGBÙ NYƐNYÃ VUVƆ

⁷ Kinyi nɛ so gɛ ba tɔnɔɛ dzo ekoeyi, gɛ ba dɛ yɛkɛ kɛdɔnyɛdɔ nɛ bagɛ be dinu Kristo ayɛ na hwɛ.

3 Yohanɛsɛ 1:7 Referans Kwoze

Tɛbubukasɛ 2:3

Oti tsianyɛ klɛ ɔtɛ za ebuigɛganɛ nɛ nu ɔkpɛ mɛ kinyi nɛ so, klɛ oko si kifu.

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

2 Kɔrintioanɛ 12:13

Kɛlɛ nɔ lɛesi kɔ basɔlɛha bhlatɔ, kɛlɛmazɛ lɛ mɛ ɛtɛ ba dzi kituku kɔ nɔ? Yɛkɔ buzizi nɛ ɔtsye mɛ!

2 Kɔrintioanɛ 4:5

Alasɛ bu tɛɖɔ kibui denɔ bulɔnahwɛ shu, pɔ Yesu Kristo anasɛ Apalete, klɛ bulɔnahwɛ anasɛ wunɔ axwɛdɛ nɛ Yesu tɔkpu.

1 Kɔrintioanɛ 9:18

Kɛlɛalɛ kide kɛlɛ nu mɛ kɛbhɛ? Kɛnɛ nɛ ko: sɛ kɛbui dzyɔgo tɛɖɛɖɔ ɛba ɖɔɛ lɛ kɛbhɛ mayɛkɛ mayɛkɛ, klɛ so ɛtɛ mɔɛ dzo bhɛtɛ kɛdzyɔgo anɛ kibui dzyɔgo ɖɛɖɔ shu.

Axwɛwɛwa 9:16

Ɛba kasɛ yɛ kana gɛ kɛ lɛ sɛ tɛ atɔ ebunɔ nɛ mɛ kinyi nɛ tɔkpu.”

Axwɛwɛwa 8:4

Banɔ nɛ mɛ gɛ bakpɛ ozi nɛ vunɔ Kpaya kibui na ɖɔ nɛ ɔkɔnyɔkɔ gɛ be ku ko.

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

Yohanɛsɛ 15:21

Ba bakpɛ nɔ butɔ nɛ kidzoe nɛabha alasɛ nɛ mɛ nyi nɛ so, alasɛ be tinyi Anɔ nɛ gɛ yɛ akpɛ mɛ.

Axwɛwɛwa 20:33

Ɛka yɛkɛ anɔnyanɔ sɛkafufu, sɛkadzɛdzã ɔdɔgɔsɛ kɛpɔtɛ.

Axwɛwɛwa 20:35

Nɛ kɛdɔnyɛdɔ gɛ ɛbhɛtɛ mɛɛ, ɛkasɛ nɔ sɛ ganɔ kɛxwɛ wɛwa gɛganɛɛ nɛ mɛɛ di nɛ lɔ ba na bagɛ ama alɛ ana nu plɛnɔ, anɛ Apalete Yesu nahwɛ nɛ ebui nɛ gɛ aɖɔ nɛ tɛbɛbaka sɛ: ‘Tɛyuyula kpasɛ tɛkukɔm dɛ tɛyɛyɛkɛ.’ ”

Filipianɛ 2:9

Kɛlɛso Kpaya efeke yɛ akpɛ ɔzakɔ ɖɛɖamadɛ klɛ akɔ yɛ kinyi gɛ kɛɖamadɛ kinyinyɛnyi,

3 Yohanɛsɛ 1:8

Kɛlɛso kɛlɛsɛ tɛ bu kasɛ ɛyɛmɛyɛyɔ kɔ banɔ alɛlɛ nɛɛ di sɛ tɛ bu ba na kɛxwɛ wa kpɛetsu kɔ kibuigbɛagba.