2 Timotio 4:2 - ONUGBÙ NYƐNYÃ VUVƆ

² Ɖɔ Kibui; bala kɔ ebe nɛ gɛ aba nɛ ebe nɛ mɛ tɛ kukuei; dzyɔanɔ, tsrenɛ anɔ tɛ ɔkpɛ anɔ kemi—nɛ tɛdudɔfɔ̃ piim anɛ awɔ̃lulu nɛ kɛdɔkɛkasɛ mɛ.

2 Timotio 4:2 Referans Kwoze

1 Tɛsolonianɛ 5:14

Klɛ bu tsre nɔ, badzya mɔ, bagɛ baa kpɛ aye be dii mɔ, nɔ kpɛ bagɛ be sifu nɛ kemi, nɔ plɛnɔ bagɛ ba dɛ gɛganɛ, nɔ dɔfɔɔ̃ nɛ anɔnyanɔ.

Titusɛ 2:15

Kɛlɛ sɛ, ebuia nɛ, alɛ nu agɛ ala lɛ sɛ tɛ ɔkasɛ. Kpa lɛ kemi klɛ tɛ ɔkpa lɛ nɛ kabhaŋɛŋa petee mɛ. Tɛ kɔ anɔnyanɔ akpɛ wɔ butsɔ.

1 Timotio 4:13

Ɔdɔnanɔ kibe lɛ gɛ ɛba, yɛkɔ ishu ɔkɔ nɛ Kpayɛbui nɛ tɛkɛkla nɛ ɔma na mɛ, kɔ kɛlɛ tɛɖuɖɔ anɛ kɛlɛ tɛkɛkasɛ.

Tɛbubukasɛ 3:19

Bagɛ balɛ bui mɛ dɛmɛ ɛkpa lɛ klɛ ɛbubɔalɛ. So yɛkɔ trɔ shu, tɛ otsyina kitem.

Titusɛ 1:13

Kibuimɔɖɔɛ nɛ nu kɛgba. Kɛlɛ so, kpa lɛ zia, sɛ tɛ ba na nɛ tɛyɛyɛkɛŋa nɛ mɛ

2 Timotio 2:21

Onu gɛ anɔ teli eŋuse yɛ shu ebu nɛ kɛgɔgɔɛ nɛ mɛ, ebe dzi kɛxwɛwadɔ kɔ kibui gbɛgbla tɛbhɛbhɛtɛ, gɛ ba bhɛtɛ lɛ pɛ kɛlɛ shu bhui, gɛ kɛlɛ kɛxwɛwa mɛ kɔ Apalete klɛ ba bala kɛlɛ elu kɔ kɛxwɛ dzyɔgo kanyaka wɛwa nɔ.

Galatianɛ 6:6

Anɔnyanɔ gɛ akpasɛ Kpayɛbui alasɛ tɛ akɔ yɛ adɔkasɛ kɛdɔ dzyɔgo petee gɛ kɛ lɛ yɛahwɛ.

Romanɛ 12:12

Nɔ mɔ same nɛ kidzoenu didi mɛ, dɔ fɔɔ̃ nɛ wɔ batɔ nɛm, za tɛyɛyɛkɛŋam nɛ Kpaya kuklum.

2 Timotio 3:10

Pɔ wɔ xũ, onyi kibuinyɛbui di odenɔ mɛ kɛdɔkɛkasɛ nɛ shu, mɛ ɛkpã zɛza, mɛ kɛdɔnɔ nɛ so, tɛyɛyɛkɛŋa, tɛdudɔfɔɔ̃, tɛɖuɖɔ, kanyɛtsitsi,

1 Timotio 5:20

Bagɛ bala bhɛtɛ ezi alasɛ tɛ ba tɛta balɛ batɔ nɛ ɔtɔ, sɛ tɛ bagɔgɔɛ na kpasɛ kibui nɛ kɛlɛ mɛ.

Koloseanɛ 1:25

Ɛba dzi kɛlɛ axwɛdɛ ganɔ Kpaya ahwɛ tɛtɛtrɔ abha gɛ akɔ mɛ tɛ ɛyɛkɔ Kpaya kibui kɔ nɔ nɛ kɛlɛ tɛkpikpe mɛ—

Romanɛ 10:15

Klɛ kɛlɛ la ba ɖɔ yɛ shui bui onu gɛ baa ka kpɛ alɛ? Ansɛ gɛ ba ŋlɔmɛ kɛlɛ elu sɛ, “Kɛlɛ bagɛ ba mɛna kibui dzyɔgo nɛ butsrukpɔ ba pudi!”

Axwɛwɛwa 20:7

Nɛ ɔgɔnɛ nɛ kiwi tutɔpu nɛa bha bu ba xogo ŋa Ɔfufɔɛ mɛ dɔ. Paolo aɖɔ kaɖɔ etsre banɔ klɛ, alasɛ atrɔ sɛ aba shɛ nɛ keli tɛzɛzam so, aza kaɖɔ ɖuɖɔa bha ɔdɔnanɔ elishishitibha.

Axwɛwɛwa 16:13

Nɛ Kimuenewi nɛa bha bu ga ɔmagbla nɛ kedunu nɛ koeyi vɛ keni nu tɔ, nɛ kɛtɔkpum sɛ bu ba mɔ ɔkɔ toli za klu Kpaya. Gɛ budzi ɔkɛlɛ nɛ bu kpa kaɖɔ ɖɔ tsre badzɛ nɛ gɛ xogo nɛ ɔkɛlɛ.

Luka 9:60

Yesu etsre ya sɛ, “Kɔ be tsitsi ba vubɔ balɛ nahwɛ be tsitsi, pɔ wɔ vɛ tɛ ɔdɔ ɖɔ Kpaya Kusi nɛ bui.”

Luka 7:4

Gɛ Yuɖanɛ na ba Yesu ɔkɔ, bakpɛ kɛtɔkpuesi nɛ tɛbubɔɛ mɛ akɔ yɛ, “Anɔ anɛ alasɛ tɛ ayɛkɛ tɛpɛplɛnɔ nɛ wɔ kɔ,

1 Tɛsolonianɛ 5:20

nɔ tɛ yɛkɔ ebuia nɛ ɔkpɛ ansɛ atsɛ.

Luka 7:23

Bayula anɔ nɛ gɛ editsodzi nɛ mɛede nɛ mɛ bui bhɛbhɛtɛ shu.”

2 Timotio 2:25

Bagɛ ba ma yɛe de, adɔfɔɔ̃ tɛ ebu ebui mɛ akɔa lɛ, nɛ kidzoenu didi sɛ Kpaya aba kɔa lɛ kitem tsyitsyina gɛ ba gbanɔa lɛ vɛnɔ kɛgba nɛ tititi mɛ,

Hebriuanɛ 13:22

Ma dzyalɛ, ɛkpɛtɔkpuesi kɔ nɔ tɛ nɔ bhɛtɛ trɔ mɛ kaɖɔɖuɖɔ abha, alasɛ keplukpa kplita ko mɛ ŋlɔmɛ kɔ nɔ.

Axwɛwɛwa 28:16

Gɛ bu da ku Roma nɛɛ, bakɔ sɛ Paolo aza yɛshuahwɛ, anɛ ehudugbani terikpo tɛ epo yɛ.

Axwɛwɛwa 13:5

Gɛ be de ku Salamisɛ, ba ɖɔ Kpaya kibui nɛ Yuɖanɛ ixogokɔevu nɛm. Yohanɛsɛ Marko aza ɔkɛlɛ ansɛ balɛ apɛplɛnɔa na.

Koloseanɛ 4:3

Klɛ nɔ klukpaya nɛ bulɔ tsyɛ, tɔkpu, sɛ tɛ Kpaya adanɛ opupu kɔ bulɔ ebui ɖɛɖɔ, tɛ bɔɖɔ Kristo ebui kpukpu, alasɛ kɛlɛ so gɛ ba kpɛ mɛ buɖɛ.

1 Tɛsolonianɛ 1:6

No bo dzi banɔ gɛ no di bulɔ anɛ Apalete nɛ pɛ nɔɔ bhɛtɛ; nɛ butɔ gɛganɛɛ mɛ tsyɛ, nɔ yɛkɛ kibui nɛ gɛ ba mɛna nɔ nɛ same ganɔ Ɔfufɔɛ Dzyɔgo nɛ ɔkɔ.