2 Timotio 1:8 - ONUGBÙ NYƐNYÃ VUVƆ

⁸ So nɛɛ, tɛ si kɛwɛ̃ nɛ kibuimumɔɖɔ denɔ bulɔ Apalete nɛ shu, ɔdɔgɔsɛ osi kɛwɛ̃ nɛ mɛ yɛ evuza nɛ shu. Pɔ plɛnɔ mɛ nɛ kibuidzyɔgo anɛ butɔ nɛ mɛ, ganɔ Kpaya kemi mɛ,

2 Timotio 1:8 Referans Kwoze

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

2 Timotio 4:5

Pɔ wɔ, nyɛna ishu nɛ ebuinyɛbui di mɛ, za gɛganɛɛ nɛ butɔ́ mɛ, wa kɛxwɛ ansɛ anɔ gɛ akaka kibui, wa wɔ axwɛ nɛ petee gɛ ba kɔ wɔ nɛ Kpayɛxwɛ nɛ mɛ.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

2 Timotio 2:9

gɛ kɛlɛ shu so pɛ ɛɛtɔ ɔdɔnanɔ ɔkɛlɛ gɛ ba ba kpaka mɛ nɛ buɖɛ mɛ ansɛ anɔ gɛ ezi buzikpã. Pɔ ba dɛ kpaka Kpaya kibui.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

Efesoanɛ 3:1

Kibui nɛ so Mɛ, Paulo, anɔ gɛ bakpɛ buvu nɛ Kristo Yesu kɛtɔkpu kɔ wɔnɔa gɛ no di nu Yuɖanɛ.

Filipianɛ 3:10

Ɛpɛɛ sɛ tɛ iti Kristo anɛ̀ yɛ tɛnyɛnyɛmɛ kemi anɛ ketsukpɛkpɛ nɛ yɛ butɔ nɛm tɛmɛma, idzi ansɛ yɛ nɛ butsi mɛ, anɛ terikpo bhɛbhɛtɛ anɛ yɛ butɔ yɛyɛkɛ, kɛbadzi anasɛ yɛ anɛ́ yɛ butsi mɛ,

Luka 9:26

Onugɛ anɔ teli kɛwɔɛ̃ ku yɛ nɛ mɛ nɛ̀ mɛ ebui, Anɔdzyrame yɛ Eyi ebe si yɛ wɔɛ̃ kibe lɛ gɛ aba nɛ yɛ kabhakpɛkpɛ anɛ Aka nɛ̀ kabhakpɛkpɛ anɛ baxwɛdɛnɛ gɛ balɛ shu bhui.

2 Timotio 1:16

Kɔ Apalete nɛ edi Onesiforusɛ anɛ yɛ bupa nɛ eshutukubui, alasɛ akpɛ mɛ same ebe gelee klɛ mɛ buɖɛ nɛ mɛ gɛ ɛkpasɛ nɛ tɛɛ ku yɛ kɛwɛ̃.

Efesoanɛ 4:1

Anasɛ evuza kɔ Apalete, ɔkɛlɛ, ɛpɛɛ denɔ wɔnɔ kɔ sɛ tɛ nɔ za nɛ ɛkpã gɛ sɔnɔ tɛkuklu nɛ gɛ nɔ tɛ yɛkɛ.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—

1 Petro 1:5

ganɔ agɛ tɛyɛyɛkɛŋaɛ abha Kpaya kemi kakpɛ buka kpɛ ɔdɔtɔnɔ kibe nɛ gɛ tɛbhubhuiyɛkɛ kɔ ba kɛlɛ nu tɛbubukasɛ nɛ kibe gugɔɛ nɛabha.

2 Timotio 2:3

Za gɛganɛɛ nɛ butɔ mɛ nɛ bulɔ ansɛ Kristo Yesu keyutugbani dzyɔgo.

1 Tɛsolonianɛ 3:4

Nɛ kɛgba mɛ, gɛ bu za plɛnɔ nɔ, bu za kɛlɛa bha tsre nɔ sɛ ba ba kpatɔnɔ lɔ. Klɛ kɛ ba za na, ansɛ gɛ no nyi mɔmɔ.

Filipianɛ 1:7

Kɛ na kɔ mɛ sɛ tɛ ɛmɔɛlɛ ana nɛ wɔnɔ petee shu, alasɛ nɔ kpasɛ mɛ idzyim; alasɛ onugɛ bakpɛ mɛ buɖɛ ɔdɔgɔsɛ ɛwlãnkɛ klɛ mɛ trɔahwɛ nɛ kibui dzyɔgo nɛa bha, wɔnɔ petee nɔ bɔ mɔ Kpaya ɛyamyuyɔ nɛ́ mɛ.

Efesoanɛ 3:13

Kɛlɛso, ibisi denɔ wɔnɔ kɔ sɛ, nɔ tɛkɔ idzyi ekoeyi nɛ wɔnɔɛ kite mɛ alasɛ butɔ nɛ gɛ ɛtɔ nɛ wɔnɔɛ tɔkpu, kɛ nu wɔnɔ tɛkpɛkpɛ nɛabha.

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

1 Yohanɛsɛ 4:14

Klɛ bu tɛ mɔ klɛ bu buɖɔ sɛ Aka asɛsɛ yɛ Eyianyɛ tɛ edzi Ayɛyɛkɛkɔ kanɔ.

2 Timotio 4:17

Pɔ Apalete nɛ aza plɛnɔ mɛ, klɛ akpɛ mɛ bugɛganɛ, sɛ tɛ ganɛ mɛa bha tɛ kibui nɛ kibu kasɛ petee klɛ bagɛ ba dɛ yɛkɛaŋa nɛ petee be nui lɛ. Klɛ be bu mɛ nɛ adzyata onugbu mɛ.

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

Romanɛ 9:33

Ansɛ gɛ ba ŋlɔmɛ elu: “Di, ilu kɛklãgbu nɛ Zayɔnɛ gɛ kɛ kpatanɔ anɔ nɛ kɛklãgbugbla gɛ kɔ sɛ banɔa wɔlɛ adɔ, klɛ anɔ nɛ gɛ ayɛkɛ yɛabha aŋa ba tɛ ba kpɛ yɛ kɛwɛ̃.”

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Tɛbubukasɛ 1:2

gɛ aɖɔakasɛ kɛdɔnyɛdɔ gɛ amɔ kɛlɛ nu, Kpaya kibui nɛ tɛmumɔɖɔ denɔ Yesu Kristo ɔkɔ.

1 Kɔrintioanɛ 1:6

alasɛ blɔ kɛbuimɔɖɔ denɔ Kristo shu kɛ wɛ̃ nɛ wɔnɔ mɛ.

Yohanɛsɛ 19:35

Anɔ nɛ gɛ amɔɛ lɛ ada ɖɔ, klɛ yɛ kaɖɔɖuɖɔ nɛ nu kɛgbɛagba. Ɛnyi sɛ aɖɔ kɛbui gbɛagba, klɛ aɖɔaɖɔ sɛ tɛ wɔ tsyɛ ɔbɔ yɛkɛŋa.

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

Efesoanɛ 4:17

So itsre nɔ kibui nɛ, klɛ ɛkatrɔ kɛlɛabha sɛ nɛ Apalete nɛ mɛ, sɛ nɔ tɔ za nɛkpã anasɛ bagɛ bɛdinu Yuɖanɛ na za, nɛ balɛ kibuiesi manumanu.

2 Kɔrintioanɛ 6:7

nɛ́ kɛgba kaɖɔɖuɖɔ anɛ̀ Kpaya kemi; nɛ̀ tɛzɛzamnɛna keyutɛtadɔ nɛ́ kɛŋa ɔhwɛ mɛ anɛ̀ nɛ kɛbhɛtɛkpɛ mɛ,

Romanɛ 8:36

Ansɛ gɛ ba ŋlɔmɛ elu asɛ: “Akpɛ wɔnɔ so bu dzu amɛ nɛ butsi nɛ ewia nɛ mɛ nyɔ̃ɔ; ba mɔ bulɔ ansɛ ibhoshi gɛ lɛ kɔ tɛbhubhui.”

Yohanɛsɛ 15:27

Klɛ wunɔ tsyɛ tɛ nɔ bɔ ɖɔaɖɔ denɔ mɛ shu, alasɛ nɔ lɛ mɛ ɔbha denɔ kesikpɛkpɛ.

1 Timotio 2:6

gɛ ayɛkɔ yɛshu etsye ansɛ kɛbhɛ bubuya nɛ banɔdzyrame nɛ petee tɔkpu—gɛ ki dzi kibuimɔɖɔ nɛ kɛlɛ be dzyɔgo mɛ.

Koloseanɛ 1:11

akɔ lɔ tɛgɛganɛ nɛ̀ yɛ kemi petee anɛ́ yɛ kabhaŋɛŋa sɛ tɛ nɔ bɔ yɛkɛ kɛxwɛwɛwa gbɛgbla, nɛ ishu bububɔ anɛ̀ samemumɔ

2 Timotio 1:10

pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

2 Timotio 2:8

Baka Yesu Kristoe bui, gɛ be feke ebu denɔ bekpu mɛ, gɛ ede Daviti oku nɛ mɛ. Kɛlɛ nu mɛ kibuidzyɔgo,