2 Timotio 1:10 - ONUGBÙ NYƐNYÃ VUVƆ

¹⁰ pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

2 Timotio 1:10 Referans Kwoze

1 Yohanɛsɛ 1:2

Ɛkpã ba koeyi, bumɔɛ lɛ klɛ buɖɔaɖɔ nɛ lɛ shu, klɛ bu bu ɛkpãmabeke ebui tsre nɔ, gɛ lɛza Aka nɔ bha klɛ lɛ ba koeyi kɔ lɔ.

Romanɛ 16:26

pɔ ɔtsɔ̃ gɛ be ti bu akasɛ klɛ ba kɔ le ti kɛlɛ ganɔ atɔnu nɛ ebuiŋuŋlɔmɛ ganɔ Kpaya gɛ eti beke nɛ ɔshã nu, sɛ tɛ amadi nɛ petee aba yɛkɛaŋa tɛ bata yɛ atɔ—

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

Titusɛ 2:11

Alasɛ Kpaya ɛyamyuyɔ nɛ gɛ ɔmɛna tɛbhubhuiyɛkɛ nɔ tɛ wɛ̃ kɔ banɔ petee.

1 Kɔrintioanɛ 15:26

Agugɔɛ gɛ adɛ pɛɛ yɛ bui gɛ ebe yii yɛ nu butsi.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

2 Timotio 1:1

Paolo, gɛ enu Kristo Yesu anɔkpɛkpɛ ganɔ Kpaya tɛpɛpɛ mɛ, anɛ ɛkpã nɛ bui gɛ Kristo Yesu aɖɔ elu nɛ nu,

Efesoanɛ 1:9

Klɛ akɔ lɔ ti yɛ tɛpɛpɛɛ ebuikpukpu anɛ yɛ tɛpɛpɛɛ dzyɔgo gɛ abhɛtɛlu nɛ Kristo mɛ,

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Tɛbubukasɛ 22:17

Ɔfufɔɛ anɛ bunuwãdzɛ nɛ asɛ, “Ba!” Klɛ kɔ agɛ yɛenu nɛ aɖɔ sɛ, “Ba!” Anɔnyanɔ gɛ oniwɛ̃ ɔta, kɔ yɛ aba; anɛ anɔnyanɔ gɛ apɛɛ, kɔ yɛ ayɛkɛ ɛkpãni kɛdɔkukɔ fãa.

Tɛbubukasɛ 22:14

“Bayula bagɛ be plu balɛ bawi, klɛ kidzoenu ba za kɔa lɛ nɛ ɛkpãosi nɛ shu klɛ ba ba ga budunu nɛ etsoku ɔmagbla nɛm.

Tɛbubukasɛ 18:1

Kɛɛ nɛ nɛe de ɛmɔ kpayaxwɛdɛ bhlatɔ gɛ ezhiaba denɔ owũsise. Kabhaŋɛŋa piim alɛ yɛ ahwɛ, klɛ kesukpa nɛa bha kaa tã ɔplɛnɔ yɛ shu tɛ bhuibhui nɛ mɛ.

Tɛbubukasɛ 2:7

Anɔ nɛ gɛ batɔ alɛ yɛ, nɔ kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ yɛaŋɛabha, ɛba kɔ yɛ kidzo sɛ tɛ aŋa kɛdɔ edenɔ ɛkpãosi nɛ mɛ, gɛ ɔlɛ Kpaya buka mɛ.

2 Petro 3:2

Ɛpɛɛ sɛ tɛ nɔ baka ebui nɛ gɛ batɔnu bhubhui naɖɔ bafla nɛ̀ ɛshã gɛ bulɔ Apalete anɛ̀ Ayɛyɛkɛkɔ aganɔ wunɔ banɔkpɛkpɛ nɛabha.

2 Petro 2:20

Onugɛ be sikoyi nɛ kanɔɛmɛ ebuikpã nɛ mɛ gɛ be ti bulɔ Apalete nɛ̀ Ebhubhuiayɛkɛ Yesu Kristo klɛ ba za vu alɛ anya nɛ lɛ mɛ klɛ baŋa balɛabha, be ziadɛ nɛ kibe gugɔɛ nɛ gɛ ba za nɛ kesikpɛkpɛ.

2 Petro 1:11

klɛ nɔ bɔ yɛkɛ kedziŋɛŋa tɛyɛyɛkɛ ɔkpɛ bukusiɔŋakɔ mabekemabeke nɛ́ bulɔ Apalete anɛ Yesu Kristo gɛ ebhulɔayɛkɛ.

2 Petro 1:3

Kpaya kemi ka kɔ lɔ kɛdɔnyɛdɔ gɛ bu pɛɛ kɔ ɛkpã nɛ kpayamɛ zɛza ganɔ agɛ eklu lɔ nɛ tɛtiti mɛ nɛ́ yɛnahwɛ ishubhubhui anɛ̀ kɛdzyɔgo bhɛbhɛtɛ.

Hebriuanɛ 10:32

Nɔ baka ewui nɛ gɛ la ba fla gɛ nɔ yɛkɛ Kpaya yɛ bui nɛ beke, gɛ nɔ za wɔnɔ ɔzakɔ nɛ tɛwɛ̃wlãnkɛ gɛganɛ anɛ ebuiamɛ mumɔ mɛ.

Titusɛ 3:4

Pɔ kibe lɛ gɛ Kpaya Agɛ ayɛkɛkɔlɔ nɛ ɛyamyuyɔ anɛ anɔ ɖuɖɔ nɛ awɛ̃,

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

2 Tɛsolonianɛ 2:8

Klɛ ɔkɛlɛ flogo pɛ be be bu agɛ ama ɔshã mɛ nɛ akasɛ, agɛ yɛ Apalete Yesu nɛ aba tsɛ atɛ̃ nɛ yɛ onugbu mɛ ɔfufɔɛ klɛ yɛ tɛbɛba anɛ yɛ tɛpupudi nɛ ba zi yɛ.

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Galatianɛ 5:4

Wɔnɔ bagɛ nɔ wlãkɛ sɛ tɛ nɔ dzi badzyɔgo nɛ ɔshã nɛ mɛ nɔ bhui shu obu nɛ Kristo shu, nɔ wɔlɛ okoeyi nɛ kɛdɔkukɔ shu.

2 Kɔrintioanɛ 5:4

Kɛlɛso kibelɛlɛ gɛ bulɛ kagba nɛ mɛ, bu ɖɔ huũ klɛ buhwa nɛ idzyi mɛ, alasɛ bu dɛ pɛɛ sɛ tɛ kɛpɔtɛ bule nɛ bulɔ shu pɔ tɛ ba bu da kɛpɔtɛ nɛ́ bulɔ ɔzakɔ nɛ owũsise, sɛ tɛ ɛkpã ba munɔ kɛdɔ gɛ kinu ishuidzya tsitsi.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

Romanɛ 6:6

Alasɛ bunyi sɛ ba tɛ kpla bulɔ ɛkpãkuku nɛ asɔ plɛnɔ yɛ sɛ tɛ buzizi ishuidzya nɛ beke, sɛ tɛ bu taa ba dzi anɔdzidzi kɔ buzizi,

Romanɛ 3:31

Kɛlɛ sɛ tɛ, ɔtsɔ̃, bu tsa odi kpɛ ɔshã nɛm ganɔ tɛyɛyɛkɛŋa nɛ so? Kɛma ana! Nɛ kɛlɛ ɔzakɔ, alɛasɛ tɛ bu nyɛna ɔshã nɛm vunɔ.

Axwɛwɛwa 13:23

“Denɔ anyɛanɛ beyi mumɔm Kpaya ebu Yesu Ayɛyɛkɛkɔ nɛ akɔ Izraɛlanɛ, ansɛ gɛ atrɔ elu.

Axwɛwɛwa 5:31

Kpaya eti bu yɛ ede dzu yɛ kɛŋam ansɛ Ekusieyi anɛ Ayɛyɛkɛkɔanɔ gɛ aba kɔ kitem tsyitsyina anɛ buzizi tɛyɛyɛkɔ tsye Izraɛlanɛ.

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Yohanɛsɛ 5:40

tsyɛ nɔ dɛpɛɛ sɛ tɛ nɔ ba mɛ ɔkɔ tɛ nɔ mɔ kpã.

Yohanɛsɛ 4:42

Be tsre adzɛ nɛ asɛ, “Bu dɛ yɛkɛŋa sɛ wɔa ɖɔɖɛɖɔ nɛ so, ɔtsɔnɛ bulɔnahwɛ bu nu kɔ shu, klɛ bu ti sɛ kɛgbɛagba anɔanɛ enu Ebhubhuiyɛkɛ nɛ́ kanɔ nɛ mɛ.”

Yohanɛsɛ 1:9

Kifu gbɛagba gɛ kɛ kɔ kifu anɔnyanɔ gɛ aba kanɔ nɛ mɛ.

Luka 13:7

So etsre anɔ nɛ gɛ edi vaĩn buya nɛabha asɛ, ‘Agɔ tata na nɛ gɛ ɛ̀ba sɛ tɛ ɛba pɛɛ eyuyu nɛ kabhɔ osiɔnɛ abha klɛ ɛtɛmɔ akanyaka. Tẽ ɔlɛ ohuesi! Kɛde so gɛ lɔ zi kesukpa?’

Luka 11:36

Kɛlɛso, onugɛ wɔ anɔosi nɛ petee yuku nɛ kifu, klɛ wɔ kapɛnyapɛ adɛ dɔ otumu, kɛ ba tã petee, anasɛ kɛbenɔ nɛ gɛ kanɛgbɛ fu deke trɔ wɔabha.”

Luka 2:11

Obo nɛ Daviti ɔma nɛ mɛ bamɔ Ayɛyɛkɛkɔ kɔ nɔ, yɛ nu Kristo Apalete.

1 Yohanɛsɛ 4:14

Klɛ bu tɛ mɔ klɛ bu buɖɔ sɛ Aka asɛsɛ yɛ Eyianyɛ tɛ edzi Ayɛyɛkɛkɔ kanɔ.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

Tɛbubukasɛ 20:14

Ɔkɛlɛ ba yɛkɔ butsi nɛ Bekpum atɛa kpɛ kifu kɛvɔ nɛ mɛ. Kifuivɔ nɛ kɛlɛ nu butsi bhla.

2 Timotio 1:8

So nɛɛ, tɛ si kɛwɛ̃ nɛ kibuimumɔɖɔ denɔ bulɔ Apalete nɛ shu, ɔdɔgɔsɛ osi kɛwɛ̃ nɛ mɛ yɛ evuza nɛ shu. Pɔ plɛnɔ mɛ nɛ kibuidzyɔgo anɛ butɔ nɛ mɛ, ganɔ Kpaya kemi mɛ,

2 Timotio 4:1

Nɛ Kpaya anɛ Kristo Yesu amɛ, bagɛ ebe kulu kebhui nɛ belulu anɛ betsitsi, klɛ nɛ yɛ tɛwɛwɛ̃ anɛ yɛ bukusiɔŋakɔ nɛ mɛ, ɛyɛkɔ ebuia nɛ kpɛ wɔahwɛ sɛ:

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.