2 Kɔrintioanɛ 8:4 - ONUGBÙ NYƐNYÃ VUVƆ

⁴ be bisi gɛganɛ denɔ bulɔ kɔ sɛ bu kɔ alɛ dzyo tɛ bawa kɛxwɛ nɛ aplɛnɔ kɔ kpayabanɔ.

2 Kɔrintioanɛ 8:4 Referans Kwoze

Axwɛwɛwa 24:17

“Nɛ mɛ maza maza agɔ gelee de, ɛba ba Yerusalɛm sɛ tɛ ɛmɛna manɔa lɛ nɛ kɛdɔkukɔ, kɔ betsyutsyuni tɛ ɛbhɛtɛ ɔfufɔɛ mɛ kɛdɔkukɔ tsyɛ.

Galatianɛ 6:10

Kɛlɛso, anasɛ gɛ bu mɔ kibe dzyɔgo, nɔ kɔ lɔ bhɛtɛ kɛdzyɔgo kɔ banɔnyanɔ, kɛlɛ mumɔ kɔ ba gɛ be nu beshopo bayɛyɛkɛŋa.

2 Kɔrintioanɛ 9:1

Kɛma kɔ mɛ sɛ tɛ ɛŋlɔmɛ kɔ nɔ denɔ axwɛ nɛ gɛ nɔ wa kɔ kpayabanɔ.

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

1 Kɔrintioanɛ 16:15

Nɔ nyi sɛ Stefanas nɛ yɛ bupa balɛ dzi banɔ tɛtɔpu gɛ be tsyinaɛtemɛ nɛ Akaya, klɛ ba yɛkɔ balɛshu akɔ gɛ ba wa axwɛ kɔ kpayabanɔ. Ɛpɛɛ denɔ wunɔ ahwɛmɛ, badzya mɔ,

Galatianɛ 2:10

Bagɛ alɛ petee bebisi alɛ dzi sɛ bu za kɛlɛabha tɛ bu zɛ baka betsutsuikpɛ̃ nɛ bui, kɛdɔɛ lɛlɛ nɛ gɛ ɛpɛɛ sɛ tɛ ɛbhɛtɛ.

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

1 Kɔrintioanɛ 16:1

Ɔtsɔ̃nɛ denɔ kɛdɔ yɛyɛkɛ kɔ Kpaya banɔ shu: Nɔ bhɛtɛ ɔtrɔ kibui nɛ gɛ itsre Galatianɛ busɔlɛha sɛ babhɛtɛ.

Romanɛ 15:31

No klukpaya sɛ tɛ ɛmɔ tɛbubu denɔ bagɛ ba dɛ yɛkɛaŋa nɛ ahwɛ nɛ Yuɖea, sɛ tɛ mɛ kɛxwɛdɛdɛ nɛ Yerusalɛm nɛ kiku banɔnɛna nɛ awɔ̃ nɛ ɔkɛlɛ,

Axwɛwɛwa 16:15

Kibe lɛ gɛ yɛɛnɛ yɛ bupa nɛ petee ba yɛkɛ bunikpɛkpɛ beke nɛɛ eklu lɔ avɛnɔ yɛ bupa mɛ. Ɔkɛlɛ aɖɔ asɛ, “Onu gɛ nɔ mɔ mɛ ansɛ anɔ gɛ ayɛkɛ Apalete nɛa bha aŋa nɛɛ,” “klɛ ba tɛ nɔ bɔ za mɛ ɔkɔ.”

Axwɛwɛwa 11:29

Badɔkpasɛ, akanyaka nɛ yɛ tɛzɛzam nu, na trɔ sɛ ba ba kɔ balɛ adzyalɛ nɛ ga lɛ Yuɖia nɛ tɛpɛplɛnɔ.

Marko 14:7

Betsyutsyuini nɛ xũ nɛ balɛ wɔnɔ ɔbha kibenyɛbe, gɛ nɔ bɔ plɛnɔa lɛ onu gɛ nɔɔ pɛɛ. Pɔ mɛ ɛtɛ ba za wɔnɔ bha kibenyɛbe.

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

Mateo 12:50

Alasɛ ananyanɔ gɛ abhɛtɛ Maka nɛ owũsise nɛ tɛpɛpɛɛ yɛ enu badzya, mada anɛ meni.”

Mateo 10:42

Klɛ onu gɛ anɔ teli aakɔ beyibhlianɛ ɔmayɛ teli buni yuyɔ kantse sɛ enu mɛ adɔkpasɛ so, itsre nɔ kɛgba sɛ, yɛ tsyɛ atɛ ba lɛla yɛ kɛbhɛ.”