2 Kɔrintioanɛ 5:1 - ONUGBÙ NYƐNYÃ VUVƆ

¹ Ɔtsɔ̃nɛ bu nyi sɛ onugɛ kɛsukpɛa bha kagba nɛ mɛ gɛ bu kpasɛ ka yɛɛ, buvu lɛ bulɔ ahwɛ denɔ Kpaya kɔ, ɔfufɔɛ mɛ buvu nɛ owũsise, gɛ ganɛ anɔdzyrame ɛhwɛ ba yɛkɔ abhɔ bulɛ nɔ.

2 Kɔrintioanɛ 5:1 Referans Kwoze

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

Hebriuanɛ 9:24

Alasɛ Kristo adɛ tsoku kagba nɛ mɛ gɛ anɔdzyrame dzu gɛ enu kagba dzyɔgo nɛ buyi, etsoku owũsise nahwɛ avɛ sɛ tɛ ɔtsɔ̃nɛ ada wɔɛ̃ nɛ Kpaya amɛ kɔ lɔ.

2 Kɔrintioanɛ 4:7

Pɔ ehoeyi butsukpu nɛ lɛ bulɔ ahwɛ gɛ bu ba tɛ yɛkɔ kasɛ sɛ, kemi gɛ kagɛganɛ adɛ petee kede Kpaya kɔ klɛ ganɛ bulɔ kɔ ke de.

Hebriuanɛ 9:11

Gɛ Kristo aba anasɛ kpayazakɔanɔ ɖɛɖama kɔ ebui dzyɔgo nɛ gɛ ala lɛ ɔkɛnɛ, aga kagba gbɛgbladɛ klɛ aŋaedzi, kadɛ nu sɛ anɔ yɛabhɛtɛ alɛ, kɛlɛesi kɛlɛ nu sɛ, anɛ ne di de kanɔanɛ kapɛnyapɛ.

1 Petro 1:4

klɛ bu di otugba kɔ kededɔŋɛŋa gɛ kɛtɛ ba tsi, kɛtɛbazi, pɛnɔ kɛbakpã—gɛ babala lu kɔ nɔ nɛ owũsise,

2 Kɔrintioanɛ 5:4

Kɛlɛso kibelɛlɛ gɛ bulɛ kagba nɛ mɛ, bu ɖɔ huũ klɛ buhwa nɛ idzyi mɛ, alasɛ bu dɛ pɛɛ sɛ tɛ kɛpɔtɛ bule nɛ bulɔ shu pɔ tɛ ba bu da kɛpɔtɛ nɛ́ bulɔ ɔzakɔ nɛ owũsise, sɛ tɛ ɛkpã ba munɔ kɛdɔ gɛ kinu ishuidzya tsitsi.

Marko 14:58

“Bunu gɛ aɖɔ asɛ, ‘Ɛba yɛ busɔlɛvu gɛ nɔ bhɔ nɛ ahwɛ, klɛ nɛ ewi tata mɛ, ɛba bhɔ bubhlatɔ, gɛ budɛ nu anɔdzyrame yɛ bhubhɔ.’ ”

2 Petro 3:11

Nɛ kibelɛlɛ gɛ kɛdɔnyɛdɔ bazi nɛ kɛ dzoe nɛabha, banɔ ɖuweɖu di nɔ bɔ dzi? Kɛlɛsɛ tɛ nɔ za nɛ ɛkpã tɛ ɛlɛ shu ibhui klɛ tɛ nɔ za kpayamɛ

Koloseanɛ 2:11

Nɛ yɛ mɛ wɔnɔ tsyɛ be bhui bunyɛnyɛ kɔ nɔ, nɛ sɛ tɛ be bu buzizi bhɛbhɛtɛ nɛ atɛ̃, anɛ bunyɛnyɛ bhubhui nɛ banɔ ahwɛ pɔ nɛ bunyɛnyɛ̃ bhubhui gɛ Kristo abhɛtɛ,

1 Yohanɛsɛ 3:19

Kɛnɛ nɛede, no nu kana gɛ bu nyi sɛ kɛgbɛagba ayɛ bu nu, klɛ kana gɛ bu kɔ bulɔ idzyi emuene nɛ yɛ amɛ

1 Yohanɛsɛ 3:14

Bu nyi sɛ bu ga denɔ bu tsi mɛ ba ɛkpã mɛ, alasɛ bu dɛmɛnɔ nɛ bulɔ adzyalɛ. Anɔnyanɔ gɛ adɛdɛmɛnɔ nɛ yɛ ɔhaglɔɛ awɔ butsi mɛ.

Hebriuanɛ 11:10

Alasɛ edi akpɛ otugba kɔ ɔmagbla nɛ ɔlɛ tɛbhubhɔ kesikpɛkpɛ, gɛ ɔlɛ evudzu anɛ evubhɔ nɛ enu Kpaya.

1 Kɔrintioanɛ 3:9

Alasɛ bu nu Kpaya axwɛwa nɛ; wɔnɔ nu Kpaya yɛ ayakpa, Kpaya buvu.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

Axwɛwɛwa 7:48

Pɔ nɛ, Kpaya gɛ enu Apalete nɛ ata za bevu nɔ nɛ mɛ gɛ banɔ be dzu. Ansɛ gɛ atɔnu na ɖɔ asɛ,