2 Kɔrintioanɛ 4:2 - ONUGBÙ NYƐNYÃ VUVƆ

² Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

2 Kɔrintioanɛ 4:2 Referans Kwoze

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

2 Kɔrintioanɛ 5:11

Denɔ, kibelɛlɛ, bu nyi kɛdɔnɔ gɛ nu kɛfusisi nɛ Apalete nɛ shu, bu wlãnkɛ tɛ bu wɔɛ banɔ nu. Kɛdɔnɔ gɛ bu nu Kpaya enyi lɛ wee, klɛ idi kidzoenu sɛ nɔ nyi lɛ wee nɛ wunɔ shuimɛ.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

2 Kɔrintioanɛ 11:3

Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.

Efesoanɛ 5:12

Alasɛ kɛ nu kɛwɔɛ̃ tsyɛ sɛ tɛ baɖɔaɖɔ denɔ kɛgɛ batɔmata elete ba bhɛtɛ nɛ tɛkpukpuimɛ.

2 Kɔrintioanɛ 7:14

Ifekeshu kɔ yɛ nɛ wunɔ shu, klɛ nɔ dɛ kpɛ mɛ wuiɛ̃. Pɔ anasɛ kibuinyɛbui gɛ bu ɖɔ tsre nɔ kɛ nu kɛgbɛagba, so bulɔ ishufifeke denɔ wunɔ shu kɔ Tito kɛkasɛ mɔmɔ sɛ kɛgbɛagba lɛ nu.

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Efesoanɛ 4:14

Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

2 Kɔrintioanɛ 11:6

Ɛtɛ ba dzi agɛ bakasɛ kaɖɔɖuɖɔ, pɔ kibuititi lɛ mɛ ahwɛ. Bu bhɛtɛ kibuinɛ kɛlɛmebui mɔmɔ kɔ nɔ nɛ kidzo nyɛdzo abha.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

Romanɛ 6:21

Kide nɔ mɔ denɔ ebui nɛ gɛ alɛ eku wɔnɔ kɛwɛ̃ nɛ ɔtsɔ̃ nɛ mɛ? Ebuia lɛlɛ alɛ ebe dzi butsi!

2 Kɔrintioanɛ 6:8

ganɔ kabhaŋɛŋa anɛ̀ kɛwɔɛ̃kpɛkpɛ, kizizi ɖɛɖɔ anɛ kɛdzyɔgo ɖuɖɔ, ba mɔ lɔ anasɛ itroelete, pɔ bu nu banɔ nɛ a,