2 Kɔrintioanɛ 2:14 - ONUGBÙ NYƐNYÃ VUVƆ

¹⁴ Pɔ ahwɛhuhu yɛ nu Kpaya ayɛ, gɛ agbanɔ lɔ kibenyɛbe nɛ Kristo kabhaŋɛŋa kidzogɛga mɛ klɛ ɔganɔ bulɔ abha Kristo tɛ lɛlɔ̃ huhuhu kɔ yɛ kibuititi kana ɔkɔnyɔkɔ.

2 Kɔrintioanɛ 2:14 Referans Kwoze

Romanɛ 8:37

Ao, nɛ ebuia nɛ mɛ petee bu dɛ banɔ gɛ ba ŋɛabha ganɔ anɔ nɛ gɛ aɖɔ lɔ nɛa bha.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Romanɛ 6:17

Pɔ ahwɛhuhu kɔ Kpaya sɛ, kɛ nya lɛ kɛlɛm sɛ tsã no dzi banɔdzidzi kɔ buzizi, nɔ yɛkɔ wɔnɔ idzyi petee ɔtatɔ nɛ kɛdɔkɛkasɛ nɛ di gɛ ba yɛkɔ kpɛ ahwɛ kɔ nɔ.

2 Kɔrintioanɛ 9:15

Ahwɛhuhu kɔ Kpaya kɔ yɛ kɛdɔ mashurɔ mashurɔ dɔkukɔ!

Koloseanɛ 2:15

Klɛ gɛ atɛyɛkɛ kemi anɛ̀ kabhaŋɛŋa nɛ balɛ ahwɛ, abhɛtɛ alɛ ba vɛ kede sɛ tɛ anɔnyanɔ amɔ yɛ kabhaŋɛŋa nɛ balɛabha nɛ butsiosi shu.

Romanɛ 15:19

ganɔ kɛdɔmumɔ anɛ ebuiyiyinɔanɔ kemi nɛa bha, ganɔ Ɔfufɔɛ nɛ kemi mɛ. So denɔ Yerusalɛm kidzo nɛa bha petee ɔvɛnɔ Ilirikumɛ, ɛtɛ bu Kristo kibuidzyɔgo nɛ ɖɔ petee.

Tɛbubukasɛ 7:12

aaɖɔ asɛ: “Tɛlɛbɛlɛm! Kabhakpɛkpɛ nɛ ishudɛdanɛ anɛ kibuinyinyi anɛ ahwɛhuhu anɛ tɛkpɛkpɛabha anɛ kemi anɛ bɔgɛganɛ kɔ bulɔ Kpaya ɔyɛkɔ vɛnɔ. Tɛlɛbɛlɛm!”

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:6

gɛ kɛ ba kɔ nɔ. Nɛ kanɔ petee mɛ kibui dzyɔgoɛ nɛ kiyu eyuyu klɛ kishe, anasɛ gɛ kɛbhɛtɛ nɛ wɔnɔɛ shi, dɛnɔ kiwui nɛ gɛ no nui lɛ klɛ nɛ nu Kpaya eshutukubui didi nɛ kɛlɛ gbam petee.

Filipianɛ 4:18

Ɛtɛ yɛkɛ kɛbhɛbubuya nɛna, klɛ ɔyɛkɔdɛ kuratsyɛ, ɔtsɔ̃nɛ gɛ ɛtɛ yɛkɔ dɔ gɛ nɔ sɛsɛ mɛ denɔ Epafroditu abha. Kɛdɔ nɛ nu anasɛ buŋa nɛ tã gɛ ku Kpaya awɔ̃.

Efesoanɛ 5:20

kibenyɛbe zo hu Kpaya Aka nahwɛ kɔ kɛkanyaka, anɛ bulɔ Apalete Yesu Kristo yɛ nyi mɛ.

2 Kɔrintioanɛ 8:16

Ɛhu Kpaya ahwɛ, agɛ akpɛ nɛ Tito idzyi mɛ kɛdɔ nɛ tututu gɛ kɛ lɛ mɛ ahwɛ kɔ nɔ.

2 Kɔrintioanɛ 1:11

anasɛ gɛ nɔ plɛnɔ lɔ nɛ wunɔ kpayakuklu mɛ. Ɔkɛlɛ be gelee ba be hu ahwɛ nɛ bulɔɛ tɔkpu kɔ tɛpɛplɛnɔ kɛdɔkukɔ gɛ akɔ lɔ nɛ́ ebuiesibubu kɔ be gelee kpayakuklu.

1 Tɛsolonianɛ 3:9

Kɛlɛ lɔ ba na Kpaya ahwɛ hu pɛ aba na kɔ nɔ ansɛ kɛbhɛ bubuya nɛ bulɔ same nɛ gɛ bu mɔ nɛ bulɔ Kpaya nɛ amɛ akpɛ wɔnɔ so?

1 Kɔrintioanɛ 15:37

Kibenɔ nɛ gɛ ɔɖaɛdɔ, ɔtɛ ɖa kɛlɛ osi gɛ lɔ bɔ pɛ̃ pɔ kiyi, kɛbadzi kinikpeyi pɛnɔ kɛdɔ bhlatɔ kiyi.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Romanɛ 1:8

Putɔnɔ nɛɛ, ihu mɛ Kpaya nɛ ahwɛ ganɔ Yesu Kristoa bha kɔ wɔnɔ petee, alasɛ baɖɔ wɔnɔ tɛyɛyɛkɛŋa nɛ bui akana kanɔm petee.

1 Kɔrintioanɛ 12:8

Ganɔ Ɔfufɔɛ nɛabha ba kɔ anɔ teli kibuinyinyi ɔsɔ, kɔ anɔ bhlatɔ kɛbuititi ɔsɔ ganɔ Ɔfufɔɛ ɔlɛlɛ nɛabha,

1 Kɔrintioanɛ 15:57

Pɔ ahwɛhuhu alɛ nu Kpaya ayɛ! Yɛ akɔ lɔ kabhaŋɛŋa aganɔ bulɔ Apalete Yesu Kristo abha.

1 Tɛsolonianɛ 1:8

Apalete nɛ kibui nɛ yi denɔ wɔnɔ mɛ ganɛ nɛ Makedonia anɛ Atsyaia titee—wɔnɔ tɛyɛyɛkɛŋa nɛ Kpaya bha nɛ ba ku tɛtiti mɛ nɛ ɔkɔnyɔkɔ. Kɛlɛ so kɛ ka za sɛ bu ɖɔ kibuinyɛbui denɔ kɛlɛ shu,

1 Timotio 2:8

Ɛpɛ banɔ nɛ ɔkɔnyɔkɔ sɛ be bu ɛhwɛ gɛ ɛlɛ shu bhui akpɛa bha kɔ kpayakuklu, obulo anɛ kibui wɛ̃wlãnkɛ ma kɛlɛ mɛ.

2 Timotio 2:2

Klɛ ebui nɛ gɛ onu denɔ mɛ ɔkɔ gɛ ɛɖɔ nɛ be buimɔɖɔ gelee nɛ amɛ gɛ ba yɛkɔ akpɛ ahwɛ kɔ banɔ nɛ gɛ ba ba yɛkɛ balɛa bha ŋa, pɛ balɛ tsyɛ aba na kɔ banɔ gɔgɔɛ nɛ tɛkɛkasɛ.