2 Kɔrintioanɛ 10:5 - ONUGBÙ NYƐNYÃ VUVƆ

⁵ Bu yɛɛ kibuiwɛwlãkɛ nɛ kɛbhɛbhɛtɛ kanyaka gɛ kɛlɔɛtiti nɛ Kpaya shu, klɛ buvu kɛtɔkpu mɛ buinyɛbui akpɛ buvu sɛ tɛ babhɛtɛ lɛ kɔ batɔtata kɔ Kristo.

2 Kɔrintioanɛ 10:5 Referans Kwoze

Hebriuanɛ 4:12

Alasɛ Kpaya bui kɛlɛ nɛ ɛkpã klɛ kɛwaɛxwɛ. Kɛlɛɔŋa dɛ kɛpamɛ inugbu tɛbha kanyaka, kɛ bana kɛtɔwui anɛ ɔfufɔɛ shi tsoku ma lɛ shi, axwatsyakɔ anɛ axwambɔ, kɛ klu kebhui nɛ idzyi anɛ kɛtɔkpum ebuibhɛbhɛtɛ.

Romanɛ 7:23

pɔ ɛɛmɔ ɔshã bhlatɔ gɛ odzi ɔwa kɛxwɛ nɛ mɛ ishu mɛ dɔ nɛ mɛ, gɛ ɔɔta keyu nɛ ɔshã nɛ gɛ ɔlɛ mɛ tɔkpu mɛ, klɛ lɔɔ bhɛtɛ mɛ evuza kɔ buzizi ɔshã nɛ gɛ odzi ɔwa kɛxwɛ nɛ mɛ ishu mɛ.

Mateo 15:19

Alasɛ idzyi nɛ mɛ atɔkpum kpã, gɛ enu anɔyiyi, aglɔbui, azhuzhɔlɛbui, buzi, otro ebuimɔɖɔ, anɔshuzizi ede.

Romanɛ 1:21

Alasɛ kɛnyalɛ kɛlɛm sɛ benyi Kpaya, pɔ ba tɛ kpɛ yɛ nɛa bha ansɛ Kpaya pɛ ɔdɔgɔsɛ be hu yɛ ahwɛ, pɔ balɛ kɛtɔkpum bhɛbhɛtɛ nɛ dɛ dzi kɛdɔnyɛdɔ klɛ balɛ bugã idzyi nɛm aza dɔ otumu dɛa na.

1 Kɔrintioanɛ 3:19

Alasɛ kanɔa nɛ mɛ buititi ke nu bugã dɛdɔ nɛ́ Kpaya amɛ. Anasɛ gɛ ba ŋlɔmɛ elu: “Evu bebuiti nɛ balɛ ebui bhɛbhɛtɛ mɛ”

1 Kɔrintioanɛ 1:19

Alase ba ŋlɔmɛ elu asɛ: “Ɛba zi bebuiti balɛ kibuinyinyi, klɛ ɛba futsu kibuiesinunu kɔ bebuiesinunu,”

Hebriuanɛ 5:9

klɛ ba za bhɛtɛ yɛ mɔmɔ, ebe dzi anɔ gɛ yɛabha ba ga gɛ ba mɔ tɛbhubhuiɔyɛkɛ mabeke mabeke kɔ balɛ petee gɛ ba ta yɛ atɔ

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

2 Tɛsolonianɛ 2:8

Klɛ ɔkɛlɛ flogo pɛ be be bu agɛ ama ɔshã mɛ nɛ akasɛ, agɛ yɛ Apalete Yesu nɛ aba tsɛ atɛ̃ nɛ yɛ onugbu mɛ ɔfufɔɛ klɛ yɛ tɛbɛba anɛ yɛ tɛpupudi nɛ ba zi yɛ.

Luka 1:51

Yɛ abhɛtɛ ebui gbɛgbla nɛ yɛ ɔhwɛ, apɔɛ banɔ nɛ gɛ befekeshu nɛ́ balɛ atɔkpu mɛ nɛ ehle.

2 Tɛsolonianɛ 2:4

Aba lɔɛ titi klɛ aba kpɛ shu nɛa bha kɔ kɛkanyaka gɛ be klua sɛ Kpaya ɔdɔgɔsɛ ba kpɛ kɛtɔkpuesi akɔ, sɛ tɛ edzu yɛ shu nɛ Kpaya busɔlɛvu nɛ mɛ, eze kulu shu asɛ enu Kpaya.

2 Kɔrintioanɛ 9:13

Alasɛ axwɛ nɛ gɛ ganɔ alɛ mɛ ɔyɛkɔ kasɛ wɔ shu nɔ, banɔ aba kpɛ Kpaya nɛa bha kɔ wɔ batɔtɛta nɛ gɛ aplɛnɔ wɔ idzyimɛ dɛdanɛ nɛ Kristo kibui nɛ mɛ, anɛ wɔ ɛyamyuyɔ nɛ kɛdɔ kukɔa lɛ anɛ nɛ anɔnyanɔ tsyɛ.

Romanɛ 16:26

pɔ ɔtsɔ̃ gɛ be ti bu akasɛ klɛ ba kɔ le ti kɛlɛ ganɔ atɔnu nɛ ebuiŋuŋlɔmɛ ganɔ Kpaya gɛ eti beke nɛ ɔshã nu, sɛ tɛ amadi nɛ petee aba yɛkɛaŋa tɛ bata yɛ atɔ—

Romanɛ 1:5

Ganɔ yɛa bha anɛ yɛ kinyi nɛ so, bɔ yɛkɛ eshutukubui didi anɛ akpɛkpɛxwɛ sɛ tɛ ekulu banɔ denɔ bagɛ be di nu Yuɖanɛ nɛ petee mɛ kɔ batɔtɛta gɛ ede tɛyɛyɛkɛŋam.

1 Petro 1:2

gɛ be klu nɛ́ Kpaya Aka yɛ dɔdidi kpɛ otugba, ganɔ Ɔfufɔɛ nɛ kɛxwɛwɛwa nɛ shu dɛdanɛ kɔ batɔ tɛta Yesu Kristo klɛ nɛ yɛ dzyosu tɛtɛta balɛ: Kɛdɔkukɔ anɛ ishuyuyɔ dzi wɔnɔɛ yɛ nɛ tɛkpikpe mɛ.

2 Kɔrintioanɛ 11:20

Kɛgbɛagba nɛ, wunɔ tsyɛ nɔ ganɔ nɛ anɔnyanɔ gɛ ayɛkɔ nɔ anasɛ anɔdzidzi pɛnɔ ezru nɔ pɛnɔ aga wɔabha edzi anɔ pɛnɔ efekeshu pɛnɔ abɔ wɔɛ dɔ nɛ amɛ.

Filipianɛ 4:7

Klɛ Kpaya ishuyuyɔ, gɛ kɛdɔfla ebuiesinunu petee, kɛ ba po wɔnɔ idzyi anɛ wɔnɔ atɔkpu mɛ nɛ́ Kristo Yesu mɛ.