2 Kɔrintioanɛ 10:18 - ONUGBÙ NYƐNYÃ VUVƆ

¹⁸ Alasɛ ganɛ anɔ nɛ gɛ akpɛ yɛ shu nɛabha yɛ abha la trɔahwɛ, pɔ anɔ nɛ gɛ Apalete akpɛ nɛabha.

2 Kɔrintioanɛ 10:18 Referans Kwoze

Luka 16:15

Yesu etsre alɛ sɛ, “wunɔ nu banɔ nɛ gɛ nɔ bu shu tsya nɛ banɔ amɛ, pɔ Kpaya enyi wunɔ dzyi mɛ. Kɛdɔnɔ gɛ bayɛkɔ sɛ kinu kɛdɔ gbɛgbla nɛ banɔ amɛ, ki di yi kɛdɔnyɛdɔ nɛ Kpaya amɛ.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

Romanɛ 2:29

Ao, anɔ enu Yuɖaeyi gɛ onu nɛ kɛmɛ mɛ; klɛ bunyɛnyɛ bhubhui nu bunyɛnyɛ bhubhui kɔ idzyi, ganɔ Ɔfufɔɛ mɛ, ganɛ ganɔ ɔshãeplukpam. Anɔa lɛlɛ nɛ di nɛ kabhakpɛkpɛ nɛ di de banɔ ɔkɔ, pɔ kide Kpaya ɔkɔ.

2 Kɔrintioanɛ 10:12

Bu dɛ pɛɛ sɛ tɛ bu kla shu pɛnɔ buyɛkɔ bulɔshu sɔnɔ beteli gɛ bakpɛ balɛshu nɛabha. Kibenɔ nɛ gɛ ba da balɛshu edi nɛ balɛshu klɛ ba yɛkɔ balɛshu asɔnɔ balɛshu, beti nyi bui.

Yohanɛsɛ 12:43

alasɛ ba dɛmɛnɔ kɛnyi kpɛkpɛ nɛabha denɔ banɔ kɔ dɛ kɛnyi kpɛkpɛ denɔ Kpaya kɔ.

1 Petro 1:7

Anɛ na ba sɛ tɛ wũnɔ tɛyɛyɛkɛŋa—kɛŋaɛdzi gbɛgbladɛ kɔba dzɛdzã, gɛ etsi nɛlɛmɛ sɛ ba yɛ kɔ kifu eŋuse lɛ nɔ—gɛ kɛbakasɛ sɛ kɛnu kɛdzyɔgo klɛ kɛbakɔ tɛkpɛkpɛabha, samɛ kpɛkpɛ anɛ tɛfifeke kabhakpɛkpɛ kɛbelɛlɛ gɛ Yesu Kristo aba ba.

2 Kɔrintioanɛ 13:7

Ɔtsɔ̃nɛ buklukpaya sɛ Kpaya akɔsɛ nɔ tɛ bhɛtɛ buizizi kanyaka. Ganɛ sɛ tɛ banɔ ba mɔ sɛ bu na tɛbibisi nɛesi bu pɔ sɛ tɛ nɔ bhɛtɛ kɛgɛ nu kɛdzyɔgo kɛlɛlɛmɛ tsyɛ sɛ bu dɛna bhɛtɛ.

2 Kɔrintioanɛ 6:4

Kɛlɛmaza, anasɛ Kpaya axwɛdɛ bu kpɛ bulɔnahwɛ nɛ otugba nɛ kidzonyɛdzo abha, nɛ butɔɛxwɛwuwa gbɛgbla, nɛ kibuipɛpɛɛ, bugɛganɛ mɛ kpãzɛza anɛ kibuitɛtrɔ anɔabha,

Romanɛ 14:18

alasɛ anɔnyanɔ gɛ akpɛ kɛtɔkpuesi kɔ Kristo nɛ kidzoe nɛa bha, kɛ ku Kpaya awɔ̃ klɛ banɔa trɔ ahwɛ kɛlɛa bha.

2 Timotio 2:15

Bhɛtɛ mɔmɔ tɛ ɔyɛkɔ wɔ shu ɔkɔ Kpaya ansɛ anɔ gɛ ba trɔ ahwɛ yɛabha, axwɛwa gɛ ama sɛ tɛ kɛwɛ̃ ku yɛ klɛ aanyɛna kibuigba nɛ mɔmɔ.

2 Kɔrintioanɛ 5:12

Butɛ wlãnkɛ kpɛ bulɔshu nɛ otugba kɔ nɔ bubhla, pɔ bu yɛ̀kɔ kidzoenɛ kɔ nɔ tɛ nɔ fekeshu nɛ bulɔ abha, sɛ tɛ nɔ bɔ na ishunubu kɔ bagɛ befeke shu nɛ ebui mumɔɛ mɛ dɛ agɛ alɛ idzyi nɛ mɛ.

2 Kɔrintioanɛ 3:1

Bu zɛ tɛ kpɛ lɛesi kpɛ bulɔshu nɛabha? Pɛnɔ bu pɛɛ, anasɛ banɔ teli, gɛ kabhakpɛkpɛ keplukpa akɔnɔ, pɛnɔ denɔ wunɔ kɔ?

1 Kɔrintioanɛ 11:19

Otro ɔma kɛlɛ mɛ alasɛ tɛ ɔtɔgɛga ɔza wɔnɔɛ shi, tɛ kɛ kasɛ anɔ nɛ gɛ yɛ abha Kpaya atrɔ ahwɛ.

Romanɛ 16:10

Ɛsɛnɔ Apellesɛ, gɛ be tsyina yɛ di klɛ batrɔahwɛ yɛa bha nɛ Kristo mɛ. Ɛsɛnɔ bagɛ be nu Aristobulusɛ bupamɛanɛ.

Axwɛwɛwa 2:22

“Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.