2 Kɔrintioanɛ 1:22 - ONUGBÙ NYƐNYÃ VUVƆ

²² atsa yɛ kɛna kɔ lɔ sɛ bu nu yɛ ayɛ, klɛ akpɛ yɛ Ɔfufɔɛ Dzyɔgo nɛ bulɔ idzyi mɛ anasɛ kɛdɔ bɛbala, kedezɛza kɔ kɛgɛ ba ba.

2 Kɔrintioanɛ 1:22 Referans Kwoze

Efesoanɛ 4:30

Nɔtɛ bhɛtɛ kɛdɔ gɛ kɛba puɛ Kpaya Ɔfufɔɛ dzyɔgo, ɔlɛ laba kɔ kpɛ nɔ susu nɛ kiwui nɛabha gɛ ba bebhui nɔ yɛkɛ.

2 Kɔrintioanɛ 5:5

Ɔtsɔ̃nɛ Kpaya ye bhɛtɛ lɔ kɔ kibui nɛ tututu klɛ akɔ lɔ Ɔfufɔɛ anasɛ kɛdɔluluesi, anɔede zɛza kɔ kɛ gɛ tɛ ba.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Tɛbubukasɛ 9:4

Be tsre alɛ asɛ be ti zi kɛdɔnyɛdɔ nɛ kesukpɛa bha tɛwa nɛ shu, ɔdɔgɔsɛ isi nɛ shu, pɔ bagɛ balɛ butukpo Kpaya adɛda nɛ ama nɛ ko.

Romanɛ 8:23

Ganɛ kana tite ko, pɔ bulɔ nahwɛ, nɛ gɛ Ɔfufɔɛ nɛ eyuyu tutɔpu nɛ alɛ lɔ ahwɛ, bu nimi nɛ kɛmɛ flogo pɛ bu dzi po gɛganɛɛ bulɔ tɛyɛyɛkɔ dzi ansɛ beyi, kɔ bulɔ ishuidzya nɛ tɛbubu.

Romanɛ 8:9

Wɔnɔ, pɔ nɛɛ, tɛzɛzamkpã nɛ tɛ ŋa nɔa bha, Ɔfufɔɛ nɛ ɔlɛ ɔŋa nɔa bha, onu gɛ Kpaya Ɔfufɔɛ nɛ ɔlɛ wɔnɔ mɛ. Klɛ onu gɛ anɔ teli Kristo Ɔfufɔɛ nɛ ɔma yɛ mɛ, edi nu Kristoa yɛ.

Tɛbubukasɛ 7:3

“Tɛ zi kɛdɔ nɛ kesukpa, aƒu, ɔdɔgɔsɛ besi nɛ shu ɔdɔnanɔ kibe lɛ gɛ bu kɔ kɛdɔ da bulɔ Kpaya baxwɛwa nɛ butukpo.”

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

Romanɛ 4:11

Klɛ ayɛkɛ kɛdɔmumɔ bunyɛnyɛ bhubhui shu, tɛnɛna adɛda gɛ ayɛkɛ ganɔ tɛyɛyɛkɛŋam nɛ kibe lɛ gɛ eke bhui bunyɛnyɛ. So nɛɛ, yɛ enu aka kɔ bagɛ ba yɛkɛ aŋa nɛ petee pɔ pɛ be ke bhui bunyɛnyɛ, sɛ tɛ ba ba yɛkɔ tɛnɛna kɔa lɛ.

Tɛbubukasɛ 2:17

Aanɔ gɛ batɔ alɛ yɛ, kɔ yɛ enu kɛ gɛ Ɔfufɔɛ nɛ otsre basɔlɛha. Agɛ yɛ aŋɛabha, ɛba kɔ yɛ mɛ tɛkpukpu mɛ ofomɛŋɛŋa. Ɛba kɔ yɛ tsyɛ kɛklãgbu fufu nɛ gɛ ba ŋlɔmɛ kinyi vuvɔ atrɔ kɛlɛa bha, gɛ agɛ yɛ ayɛkɛ lɛ nɛ ko yɛ enyi lɛ.

Yohanɛsɛ 3:33

Anɔ gɛ ayɛkɛ lɛ akasɛ asɛ Kpaya enu kɛgbɛagba.

1 Tɛsolonianɛ 4:8

Kɛlɛ so, anɔ nɛ gɛ adɛ yɛkɛ kɛdɔkɛkasɛ ganɛ anɔ yɛ adɛ yɛkɛ, pɔ Kpaya, nɛ gɛ aakɔ nɔ yɛ Ɔfufɔɛ Dzyɔgo.