2 Kɔrintioanɛ 1:21 - ONUGBÙ NYƐNYÃ VUVƆ

²¹ Ɔtsɔ̃nɛ Kpaya yɛ abhɛtɛ bulɔ editabha klɛ nɔ lɛ gɛganɛ nɛ́ Kristo mɛ. Yɛ abalɛ bubɔ nɛ bulɔ abha,

2 Kɔrintioanɛ 1:21 Referans Kwoze

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.

1 Yohanɛsɛ 2:20

Pɔ nɔ yɛkɛ bubɔ sɛsra denɔ Ishubhubhui Anɔ nɛ ɔkɔ, klɛ wũnɔ petee nɔ nyi kɛgbɛagba.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

Romanɛ 8:9

Wɔnɔ, pɔ nɛɛ, tɛzɛzamkpã nɛ tɛ ŋa nɔa bha, Ɔfufɔɛ nɛ ɔlɛ ɔŋa nɔa bha, onu gɛ Kpaya Ɔfufɔɛ nɛ ɔlɛ wɔnɔ mɛ. Klɛ onu gɛ anɔ teli Kristo Ɔfufɔɛ nɛ ɔma yɛ mɛ, edi nu Kristoa yɛ.

2 Tɛsolonianɛ 3:3

Pɔ Apalete nɛ alɛ tɛyɛyɛkɛŋam, klɛ aba kpɛ nɔ kemi klɛ aba kpɛ buka kana nɔ ebu denɔ ezizi nɛ ahwɛ mɛ.

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

2 Tɛsolonianɛ 2:8

Klɛ ɔkɛlɛ flogo pɛ be be bu agɛ ama ɔshã mɛ nɛ akasɛ, agɛ yɛ Apalete Yesu nɛ aba tsɛ atɛ̃ nɛ yɛ onugbu mɛ ɔfufɔɛ klɛ yɛ tɛbɛba anɛ yɛ tɛpupudi nɛ ba zi yɛ.

2 Kɔrintioanɛ 5:5

Ɔtsɔ̃nɛ Kpaya ye bhɛtɛ lɔ kɔ kibui nɛ tututu klɛ akɔ lɔ Ɔfufɔɛ anasɛ kɛdɔluluesi, anɔede zɛza kɔ kɛ gɛ tɛ ba.

Yohanɛsɛ 3:34

Alasɛ anɔ nɛ gɛ Kpaya asɛsɛ aɖɔ Kpaya ebui, alasɛ Kpaya akɔ Ɔfufɔɛ gɛ lɔ tɛ beke.

Tɛbubukasɛ 3:18

Ɛkasɛ wɔɛdɔ sɛ tɛ odzi ɔfufɔɛ mɛ sɛkadzɛdzã gɛ be plui nɛ kifu mɛ, sɛ tɛ obo dzi ehoeyielete, nɛ apɔtɛ fufu sɛ tɛ onyumu, sɛ tɛ ɔyɛkɔ ɔda wɔ kɛwɛ̃ buzholia, anɛ bubɔ gɛ ɔbɔ kpɛ anhũm sɛ tɛ ɔzɔɔ mɔ.

Tɛbubukasɛ 1:6

klɛ abhɛtɛ lɔ sɛ tɛ bu dzi bukusiɔŋakɔ anɛ kpayabanɔ tɛ bu kpɛ kɛtɔkpuesi kɔ yɛ Kpaya anɛ Aka—yɛ ishubhuibhui anɛ kemi ka lɛ ɔyɛkɔ vɛnɔ mabeke mabeke mɛ! Tɛlɛbɛlɛm.

2 Tɛsolonianɛ 2:17

akpɛ wɔnɔ idzyi nɛ kemi klɛ tɛ akɔ nɔ gɛganɛ nɛ nɔ kibui dzyɔgo bhɛbhɛtɛ kanyaka mɛ anɛ kaɖɔɖuɖɔ.

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

Koloseanɛ 2:7

nɔ kpɛgu klɛ tɛ nɔ bhɔ ɔtrɔ nɛ yɛ mɛ, tɛ nɔ gɛganɛ nɛ́ tɛyɛyɛkɛŋa mɛ anasɛ gɛ ba kasɛ nɔ, klɛ tɛ nɔ yuku ɔgbɛgba nɛ̀ ahwɛhuhu.

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

1 Kɔrintioanɛ 1:8

Aba kɔ nɔ za gɛganɛ ɔdɔtɔnɔ tɛbibeke mɛ, sɛ tɛ batɛ mɔ kizizi nɛ wunɔ shu anɛ bulɔ Apalete Yesu Kristo tɛbɛba wui nɛabha.

Hebriuanɛ 13:9

Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.