2 Kɔrintioanɛ 1:11 - ONUGBÙ NYƐNYÃ VUVƆ

¹¹ anasɛ gɛ nɔ plɛnɔ lɔ nɛ wunɔ kpayakuklu mɛ. Ɔkɛlɛ be gelee ba be hu ahwɛ nɛ bulɔɛ tɔkpu kɔ tɛpɛplɛnɔ kɛdɔkukɔ gɛ akɔ lɔ nɛ́ ebuiesibubu kɔ be gelee kpayakuklu.

2 Kɔrintioanɛ 1:11 Referans Kwoze

Filipianɛ 1:19

alasɛ ɛnyi sɛ ganɔ wɔnɔ kpayakuklu abha nɛ Yesu Kristo Ɔfufɔɛ tɛpɛplɛnɔ, kibui nɛ gɛ ba mɛabha nɛɛ kɛ ba tsyina dzi mɛ tɛbubu.

2 Kɔrintioanɛ 4:15

Anɛ petee lɛ nu wunɔ tɛpɛpɛ̃, se tɛ kɛdɔkukɔ gɛ kɛnanɛ lɔ gelee klɛ banɔ gelee ba bakɔ ahwɛhuhu be yukuagbɛgba kɔ Kpaya kabhaŋɛŋa.

Axwɛwɛwa 12:5

So nɛɛ banyɛna Petro evunɔ nɛ buvu, pɔ busɔlɛ ɔha nɔ za Kpaya tɛkuklua bha gɛganɛɛ nɛ yɛ kɛtɔkpu.

Koloseanɛ 4:3

Klɛ nɔ klukpaya nɛ bulɔ tsyɛ, tɔkpu, sɛ tɛ Kpaya adanɛ opupu kɔ bulɔ ebui ɖɛɖɔ, tɛ bɔɖɔ Kristo ebui kpukpu, alasɛ kɛlɛ so gɛ ba kpɛ mɛ buɖɛ.

Hebriuanɛ 13:18

Nɔ klukpaya nɛ bulɔɛ tɔkpu. Bu yɛkɛŋa sɛ bulɔɛ tɔkpui mɛ bhui klɛ bu pɛɛ sɛ tɛ bu za nɛ ɛkpã dzyɔgo nɛ kidzonyɛdzoe mɛ.

Filimɔnɛ 1:22

Klɛ kibui tirikpo ka gɔ: Bala ɔyakɔ kɔ mɛ, alasɛ ididzoenu sɛ ɛba tsodzi ba wɔ bha nɛ kibisi nɛ gɛ obisi nɛ nu nɛ wɔ kpayakukulu mɛ.

2 Tɛsolonianɛ 3:1

Gɔgɔɛ nɛɛ, Badzya mɔ, no kulukpaya nɛ bulɔɛ tɔkpu sɛ tɛ Apalete nɛ bui nɛ kaka zia tɛ ba kpɛ kutɔkuesi akɔɛ lɛ, ansɛ gɛ kɛ za nɛ nɔ.

1 Tɛsolonianɛ 5:25

Badzya mɔ, no klukpaya ɔkɔ lɔ.

2 Kɔrintioanɛ 9:14

Klɛ nɛ balɛ kpayakuklu kɔ nɔ balɛ dzyi be tsyina tɔ nɔ, alasɛ tɛkpikpe kɛdɔkukɔ gɛ Kpaya akɔ nɔ.