1 Yohanɛsɛ 5:4 - ONUGBÙ NYƐNYÃ VUVƆ

⁴ alasɛ anɔnyanɔ gɛ enu Kpaya ye yi aŋa kanɔ nɛabha. Kɛnɛ kɛlɛ nu kabhaŋɛŋa nɛ gɛ kaŋa kanɔ nɛabha, bulɔ tɛyɛyɛkɛŋa tsyɛ.

1 Yohanɛsɛ 5:4 Referans Kwoze

1 Kɔrintioanɛ 15:57

Pɔ ahwɛhuhu alɛ nu Kpaya ayɛ! Yɛ akɔ lɔ kabhaŋɛŋa aganɔ bulɔ Apalete Yesu Kristo abha.

1 Yohanɛsɛ 4:4

Wunɔ, banuvɔ mumɔa, nɔ de Kpaya kɔ klɛ nɔ ŋa ɛlɛabha, alasɛ agɛ alɛ wunɔɛ mɛ etri adɛ ɔgɛ lɔ lɛ kanɔ nɛ mɛ.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

1 Yohanɛsɛ 3:9

Anɔnyanɔ gɛ ba mɔ nɛ Kpaya mɛ ata zɛlɛabha abhɛtɛ kizizi, alasɛ Kpaya eyuyu alɛ yɛ mɛ, atɛ bana lɛabha avɛ azabhɛtɛ kizizi alasɛ ba mɔ yɛ nɛ Kpaya mɛ.

1 Yohanɛsɛ 5:5

Ane yɛ abana kanɔ nɛabha ŋa? Anɔ nɛ ko gɛ ayɛkɛŋa sɛ Yesu enu Kpaya yɛ Eyi.

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.

Tɛbubukasɛ 2:11

Aanɔ nɛ gɛ batɔ alɛ yɛ, kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ aŋɛabha butsi bhla nɛ tɛ ba zi kɛdɔnyɛdɔ nɛ yɛ shu.

Tɛbubukasɛ 3:12

Agɛ yɛa ŋɛabha ɛba bhɛtɛ yɛ kidriosi nɛ mɛ Kpaya busɔlɛvu nɛ mɛ. Kɛlɛ atɛa shɛ̃nahwɛ kɛlɛ shu. Ɛba ŋlɔmɛ mɛ Kpaya nɛ nyi trɔ yɛa bha, anɛ mɛ Kpaya ɔmagbla nɛ nyi nɛ trɔ yɛa bha, gɛ onu Yerusalɛm vuvɔ, gɛ ezhi edenɔ owũsise nɛ mɛ Kpaya ɔkɔ nɛ aaba, klɛ ɛba ŋlɔmɛ mɛ kinyi vuvɔ nɛ tsyɛ ta yɛ.

Tɛbubukasɛ 2:26

Aanɔ nɛ gɛ aŋa ishua bha klɛ abhɛtɛ mɛ tɛpɛpɛ ɔdɔnanɔ obekekɔ, ɛba kɔ sɛ yɛ aŋa amadi nɛa bha—

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

Tɛbubukasɛ 15:2

Klɛ mɛ mɔ kɛdɔ nɛ gɛ dzi ansɛ azhuzhuɔɛ aƒu gɛ abhɛsa nɛ kifu klɛ, ba gɛ li kititi nɛ aƒu nɛ shu, balɛ aŋa agavuga anɛ yɛ abhubhɔ anɛ yɛ kinyi tikpikpe mɛ telia bha. Be vunɔ ba sãgu gɛ Kpaya akɔa lɛ

Tɛbubukasɛ 2:7

Anɔ nɛ gɛ batɔ alɛ yɛ, nɔ kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ yɛaŋɛabha, ɛba kɔ yɛ kidzo sɛ tɛ aŋa kɛdɔ edenɔ ɛkpãosi nɛ mɛ, gɛ ɔlɛ Kpaya buka mɛ.

Tɛbubukasɛ 2:17

Aanɔ gɛ batɔ alɛ yɛ, kɔ yɛ enu kɛ gɛ Ɔfufɔɛ nɛ otsre basɔlɛha. Agɛ yɛ aŋɛabha, ɛba kɔ yɛ mɛ tɛkpukpu mɛ ofomɛŋɛŋa. Ɛba kɔ yɛ tsyɛ kɛklãgbu fufu nɛ gɛ ba ŋlɔmɛ kinyi vuvɔ atrɔ kɛlɛa bha, gɛ agɛ yɛ ayɛkɛ lɛ nɛ ko yɛ enyi lɛ.

Yohanɛsɛ 1:13

banuvɔ gɛ ba dɛ mɔa lɛ aganɔ tɛmumɔɛ dzo nɛa bha, ɔdɔgɔsɛ ganɔ anɔdzyrame tɛtutrɔ mɛ ɔdɔgɔsɛ adzɛenyine tɛpɛpɛɛ nu, pɔ Kpaya mɛ la mɔa lɛ.

Yohanɛsɛ 3:3

Nɛ kɛlɛesi bubu Yesu ebuaɖɔ sɛ, “Itsre wɔ gbɛagba sɛ, anɔnyanɔ atɛ ba mɔ Kpaya Bukusiɔŋakɔ nedi odunu sɛ be tsodzinɛ yɛ amɔ́.”

1 Yohanɛsɛ 2:29

Onugɛ nɔ nyi sɛ enu anɔ dzyɔgo, nɔ nyi sɛ anɔnyanɔ gɛ abhɛtɛ kɛgɛ nu kɛdzyɔgo yɛ mɛ la mɔ yɛ.

1 Yohanɛsɛ 5:18

Bu nyi sɛ anɔnyanɔ gɛ ba mɔ nɛ Kpaya mɛ ata za lɛabha abhɛtɛ kibui kpã, agɛ yɛ la mɔ nɛ Kpaya mɛ akpɛ buka akana yɛ, klɛ ɔfufɔɛ kpã nɛ lɔ tɛ bɔ bhɛtɛ yɛ kizizi.