1 Yohanɛsɛ 5:1 - ONUGBÙ NYƐNYÃ VUVƆ

¹ Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

1 Yohanɛsɛ 5:1 Referans Kwoze

1 Yohanɛsɛ 2:29

Onugɛ nɔ nyi sɛ enu anɔ dzyɔgo, nɔ nyi sɛ anɔnyanɔ gɛ abhɛtɛ kɛgɛ nu kɛdzyɔgo yɛ mɛ la mɔ yɛ.

Yohanɛsɛ 8:42

Yesu etsre alɛ sɛ, “Onugɛ Kpaya ebe dzi wunɔ Aka, nɔ tɔ dɛmɛnɔ nɛ mɛ alasɛ ɛde Kpaya ɔkɔ klɛ ɔtsɔnɛ ɛlɛ ɔkɛ nɛ. Ɛdɛ ba nɛ mɛ nahwɛ shui mɛ, pɔ ya kpɛ mɛ.

1 Yohanɛsɛ 4:7

Ɛbhɛya mumɔa, nɔ kɔ lɔ dɛmɛnɔ ɔhagblɔ, alasɛ tɛdɛdɛmɛnɔ de Kpaya ɔkɔ. Anɔnyanɔ gɛ adɛmɛnɔ anɔ Kpayaɛ mɛ la mɔ yɛ klɛ enyi Kpaya.

1 Yohanɛsɛ 3:14

Bu nyi sɛ bu ga denɔ bu tsi mɛ ba ɛkpã mɛ, alasɛ bu dɛmɛnɔ nɛ bulɔ adzyalɛ. Anɔnyanɔ gɛ adɛdɛmɛnɔ nɛ yɛ ɔhaglɔɛ awɔ butsi mɛ.

1 Yohanɛsɛ 5:4

alasɛ anɔnyanɔ gɛ enu Kpaya ye yi aŋa kanɔ nɛabha. Kɛnɛ kɛlɛ nu kabhaŋɛŋa nɛ gɛ kaŋa kanɔ nɛabha, bulɔ tɛyɛyɛkɛŋa tsyɛ.

1 Yohanɛsɛ 4:20

Onugɛ anɔ teli aɖɔ sɛ, “Ɛdɛmɛ Kpaya bui,” pɔ egu yɛ adzya, enu otro lete. Alasɛ anɔnyanɔ gɛ adɛ dɛmɛnɔ adzya, gɛ amɔ, atɛ bana Kpaya gɛ yɛ ata mɔ mɛ bui adɛmɛnɔ.

1 Yohanɛsɛ 3:9

Anɔnyanɔ gɛ ba mɔ nɛ Kpaya mɛ ata zɛlɛabha abhɛtɛ kizizi, alasɛ Kpaya eyuyu alɛ yɛ mɛ, atɛ bana lɛabha avɛ azabhɛtɛ kizizi alasɛ ba mɔ yɛ nɛ Kpaya mɛ.

Yohanɛsɛ 3:3

Nɛ kɛlɛesi bubu Yesu ebuaɖɔ sɛ, “Itsre wɔ gbɛagba sɛ, anɔnyanɔ atɛ ba mɔ Kpaya Bukusiɔŋakɔ nedi odunu sɛ be tsodzinɛ yɛ amɔ́.”

Mateo 16:16

Simɔnɛ Petro ebui lɛ nu asɛ, “Wɔ nu Kristo, ɛkpã Kpaya nɛ yɛ Eyi.”

1 Yohanɛsɛ 2:10

Anɔ nɛgɛ adɛmɛnɔ nɛ yɛadzya alɛ nɛ obhubhui kɔ, klɛ kɛdɔnyɛdɔ ma yɛ mɛ gɛ kɛ bakɔ sɛ etuitsrɛ.

Yohanɛsɛ 15:23

Anɔ gɛ egu mɛ egu mɛ Aka nɛ tsyɛ aplɛnɔ.

1 Yohanɛsɛ 4:2

Kɛnɛ kɛlɛ ba kɔ nɔ mɔ sɛ Kpaya Ɔfufɔɛ lo nu: Ɔfufɔɛ kanyaka gɛ lɔ dɛmɛ ɔtrɔ sɛ Yesu Kristo aba nɛ Anɔdzyrame tɛzɛzamɛ lɔ de Kpaya ɔkɔ,

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

Yakobo 1:18

Ayɛkɔ sɛ aba mɔ lɔ ganɔ kɛgba kibui nɛm, sɛ tɛ bu ba dzi eyuyu tutɔpu teli di nɛ kɛdɔ nɛ petee gɛ abhɛtɛ nɛ shi.

Yohanɛsɛ 6:69

Bu yɛkɛŋa klɛ bunyi sɛ wɔ nu Kpaya dzyɔgo Anɔ.”

1 Yohanɛsɛ 3:17

Onugɛ kanɔɛmɛdɔ lɛ anɔteli ahwɛ klɛ amɔ sɛ kɛdɔnyɛdɔ ma yɛ adzya ahwɛ pɔ edi di yɛ eshutukubui, kɛlɛ Kpaya tɛdɛdɛmɛnɔ ba za yɛ mɛ?

Axwɛwɛwa 8:36

Gɛ ba vɛ nɛ kidzo nɛa bha, ba ba tɔnɔ buni tuli klɛ anɔgbla nɛ asɛ, “Di, buni tuli nũ. Kide so pɛ ɛta yɛkɛ bunikpɛkpɛ?”

Yohanɛsɛ 1:3

Ganɔ yɛ abha ba bhɛtɛ kɛdɔnyɛdɔ, yɛ mazɛlɛmɛ ba gɛ ta bhɛtɛ kɛdɔnyɛdɔ gɛ ba bhɛtɛ.

1 Yohanɛsɛ 5:5

Ane yɛ abana kanɔ nɛabha ŋa? Anɔ nɛ ko gɛ ayɛkɛŋa sɛ Yesu enu Kpaya yɛ Eyi.

1 Yohanɛsɛ 5:18

Bu nyi sɛ anɔnyanɔ gɛ ba mɔ nɛ Kpaya mɛ ata za lɛabha abhɛtɛ kibui kpã, agɛ yɛ la mɔ nɛ Kpaya mɛ akpɛ buka akana yɛ, klɛ ɔfufɔɛ kpã nɛ lɔ tɛ bɔ bhɛtɛ yɛ kizizi.

Luka 7:5

alasɛ adɛmɛ bulɔ kɛsukpa nɛ bui klɛ edzu bulɔ oxogokɔvu.”

Axwɛwɛwa 8:37

Flipo etsre yɛ asɛ, “Onu gɛ ɔyɛkɛɔŋa nɛ wɔ idzyim petee, klɛ ɔbɔ yɛkɛ bunikpɛkpɛ.” Anɔgbla nɛ bui lɛ nu asɛ, “Ɛyɛkɛ ŋa sɛ Yesu Kristo yɛ enu Kpaya yɛ Eyi.”