1 Yohanɛsɛ 3:23 - ONUGBÙ NYƐNYÃ VUVƆ

²³ Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.

1 Yohanɛsɛ 3:23 Referans Kwoze

Yohanɛsɛ 13:34

“Ɔshã vuvɔ mɛ ɛkɔ nɔ: Nɔ dɛmɛnɔ ɔhaglɔ. Anasɛ gɛ ɛdɛmɛnɔ nɛ wunɔ, so nɔ dɛmɛnɔ nɛ ɛhaglɔ.

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

Yohanɛsɛ 15:12

Mɛ ɔshã ɔlɛ nu sɛ: Nɔ za tɛdɛdɛmɛnɔ nɛ aglɔ anasɛ gɛ ɛdɛmɛnɔ nɛ nɔ.

Yohanɛsɛ 6:29

Yesu etsre alɛ asɛ, “Kpayɛa xwɛ kɛlɛ nu sɛ, tɛ nɔ yɛkɛ anɔ nɛ gɛ akpɛ nɛabha ŋa.”

1 Petro 4:8

Nɛ alɛlɛ petee ede, dɛmɛnɔ nɛ ɔhaglɔ mɔmɔ, alasɛ tɛdɛdɛmɛnɔ la dɛ ebuizizi gelee.

1 Yohanɛsɛ 3:11

Kɛnɛ nɛ nu kibui dzyɔgo gɛ nɔ nu denɔ kesikpɛkpɛ: Bu dɛmɛnɔ nɛ ɔhaglɔɛ.

1 Yohanɛsɛ 4:21

Klɛ akɔ lɔ ɔshã nɛ asɛ: Anɔnyanɔ gɛ adɛmɛnɔ Kpaya alasɛ tɛ adɛmɛnɔ yɛ adzya.

1 Tɛsolonianɛ 4:9

Ɔtsɔ̃ nɛ kɛdzya mɛ tɛɖuɖɔ shu kɛ dɛ zhã sɛ bu ŋlɔmɛ kɔ nɔ, alasɛ wɔnɔ nahwɛ Kpaya atɛ kasɛ nɔɛ dɔ sɛ nɔ ɖɔ aglɔ.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Marko 9:7

Klɛ ɔmunɔ toli ɔbɔ dɔ kana balɛ, klɛ ogugu toli oyi denɔ ɔmunɔ nɛ mɛ sɛ, “Mɛ Eyi naa, gɛ ɛdɛmɛ yɛ kibui. Nɔ ta yɛ batɔ!”

Mateo 22:39

Klɛ ɔbhla nɛ tsyɛ odzi ansɛ ɔlɛ: ‘Ɖɔ wɔhaɛ ansɛ gɛ ɔɖɔ wɔ shu.’

Axwɛwɛwa 16:31

Be bu klɛ nu etsre yɛ asɛ, “Yɛkɛ Apalete Yesua bha ɔŋa, klɛm ɔbɔ mɔ ɛkpã—wɔnɔ nɛ wɔ pa nɛ wɔeyia lɛ nɛ petee.”

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 14:1

Tɛ kɔ wunɔ idzyi amɔ butɔ. Nɔ yɛkɔ wunɔ idzyi ɔtrɔ Kpaya abha, tɛ nɔ yɛkɔ wunɔ idzyi ɔtrɔ mɛ tsyɛ abha.

1 Timotio 1:15

Kibuiɖuɖɔ gɛ kɛlɛ sɛ ba yɛkɛ kɛlɛa bha ŋa nɛ nɛɛ: Kristo Yesu aba kanɔ nɛm sɛ tɛ aba yɛkɛ kɔ bezizi—gɛ mɛ inu ezizi nɛ dɛ nɛ balɛm.

Yohanɛsɛ 1:12

Pɔ kɔ bagɛ balɛ petee gɛ bayɛkɛ yɛ, kɔ bagɛ ba yɛkɛ yɛ nyi nɛa bha ŋa, akɔ alɛ kidzo sɛ tɛ ba be dzi Kpaya yɛeyialɛ—

Yohanɛsɛ 2:23

Ɔtsyɔnɛ kibelɛlɛ gɛ Yesu aza Yerusalɛm nɛ́ Tɛfefla kiwuiŋɛŋa nɛabhaa, banɔ gelee ba mɔ ebuiyinanɔ dɔmumɔ gɛ abhɛtɛ klɛ ba yɛkɛ yɛ nyi nɛabhaŋa.

Yohanɛsɛ 3:18

Anɔ nɛ gɛ ayɛkɛ yɛ abha ŋa be di bu yɛ kɛpɔ, pɔ anɔ nɛ gɛ adɛ yɛkɛ aŋa be ti bu yɛ pɔ kukuku alasɛ adɛ yɛkɛ Kpaya Yɛeyi terikpo nɛ kinyi nɛa bha ŋa.

1 Yohanɛsɛ 2:7

Ɛbhɛya mumɔa, ɛtɛ ŋlɔmɛ ɔshã vuvɔ kɔ nɔ pɔ ɛkuku tirikpoe lɛ, gɛ nɔ tɛ yɛkɛ denɔ kesikpɛkpɛ. Ɔshã kukuɔ nɛ ɔlɛ nu kibuiɖɛɖɔ gɛ nɔ tɛ nu.

1 Yohanɛsɛ 4:15

Onugɛ anɔ teli adɛmɛ atrɔ sɛ Yesu enu Kpaya yɛ Yi, Kpaya alɛ yɛ mɛ klɛ alɛ Kpaya mɛ.

1 Yohanɛsɛ 5:13

Ɛŋlɔmɛ ebuianɛ kɔ wunɔ agɛ nɔ yɛkɛŋa nɛ Kpaya ye Yi nɛ nyi mɛ sɛ tɛ nɔ bɔ ti sɛ ɛkpã mabeke mabeke lɛ nɔ ahwɛ.