1 Yohanɛsɛ 2:8 - ONUGBÙ NYƐNYÃ VUVƆ

⁸ Tsyɛ nɛ ɛŋlɔmɛ ɔshã vuvɔ kɔ nɔ, ba mɔ ɔlɛ kɛgbɛagba nɛ yɛ mɛ nɛ̀ wũnɔɛ mɛ, alasɛ otumu lɔ fla klɛ kifu kɛgbɛagba kɛ tɛ tenɛ tã.

1 Yohanɛsɛ 2:8 Referans Kwoze

Efesoanɛ 5:8

Alasɛ kibe tili nɔ tɛ dzi otumu, pɔ ɔtsɔnɛ nɔ tã anasɛ kifu nɛ Apalete nɛ mɛ. Nɔ za anasɛ kifu mɛ beyi

Romanɛ 13:12

Otumu nɛ ɔɔfla beke; keli nɛ kaza beke. So nɔ kɔ lɔ shɛ̃nahwɛ otumum ebui nɛ shu tɛ bu yɛkɔ kelizɛza keyuawi nɛ kpɛ.

Yohanɛsɛ 13:34

“Ɔshã vuvɔ mɛ ɛkɔ nɔ: Nɔ dɛmɛnɔ ɔhaglɔ. Anasɛ gɛ ɛdɛmɛnɔ nɛ wunɔ, so nɔ dɛmɛnɔ nɛ ɛhaglɔ.

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Yohanɛsɛ 1:9

Kifu gbɛagba gɛ kɛ kɔ kifu anɔnyanɔ gɛ aba kanɔ nɛ mɛ.

Yohanɛsɛ 12:46

Ɛba kanɔ nɛ mɛ anasɛ kifu, sɛ tɛ anɔ nɛ gɛ ayɛkɛ mɛabhaŋa atɛ ba za otumuɛ mɛ.

1 Yohanɛsɛ 4:21

Klɛ akɔ lɔ ɔshã nɛ asɛ: Anɔnyanɔ gɛ adɛmɛnɔ Kpaya alasɛ tɛ adɛmɛnɔ yɛ adzya.

1 Yohanɛsɛ 4:11

Ɛbhɛya mumɔa, nɛlɛmɛ Kpaya adɛmɛ bulɔɛ bui ɔdɛ, bulɔ tsyɛ alasɛ tɛ budɛmɛ bulɔ ɔhaglɔ bui.

2 Timotio 1:10

pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Luka 1:79

tɛ kɛtã kɔ bagɛ ba kpasɛ otumui mɛ nɛ bagɛ ba kpasɛ butsi tɔwui mɛ, tɛ agbanɛ bulɔ butsrukpɔ akpɛ ishuyɛyɔ kidzoɛ mɛ.”

Yohanɛsɛ 12:35

Ɔkɛlɛ Yesu etsre alɛ sɛ, “Nɔ bɔ yɛkɛ kifu nɛ kibebhli ko. Ga kibelɛlɛ nɛ gɛ nɔ yɛkɛ kifu, flogo tɛ otumu lo bo vu nɔ. Anɔ nɛ gɛ aga nɛ otumuɛ mɛ eti nyi ɔkɔnɔ nɛ gɛ avɛ.

Mateo 4:16

banɔ nɛ ga kpasɛ otumu mɛ ba mɔ kifu piim; nɛ baga lɛ butsi buyi kesukpa nɛ mɛ kifu deke.”

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

1 Yohanɛsɛ 3:23

Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.