1 Yohanɛsɛ 2:5 - ONUGBÙ NYƐNYÃ VUVƆ

⁵ Pɔ onugɛ anɔ teli ata yɛ ebui nɛ atɔ, Kpaya tɛdɛdɛmɛnɔ kɛgbɛagba petee lɛ yɛ mɛ. Kɛnɛ kɛlɛ kɔ sɛ bu nyi sɛ bu lɛ yɛ mɛ:

1 Yohanɛsɛ 2:5 Referans Kwoze

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

Yohanɛsɛ 14:21

Anɔ nɛ gɛ ayɛkɛ mɛ ɛshã klɛ abhɛtɛ atrɔ ɛlɛabha, yɛ nu anɔ nɛ gɛ adɛmɛnɔ nɛ mɛ. Anɔ nɛ gɛ adɛmɛnɔ nɛ mɛ mɛ Aka aba dɛmɛnɔ nɛ yɛ, klɛ mɛ tsyɛ ɛba dɛmɛnɔ nɛ yɛ klɛ ɛba yɛkɔ mɛ shu kasɛ yɛ.”

Luka 11:28

Ebuilɛnu asɛ, “Bayula bagɛ be nu Kpaya bui klɛ ba bhɛtɛ atrɔ kɛlɛ abha.”

1 Yohanɛsɛ 3:24

Bagɛ ba tatɔ nɔ yɛ ɛshã balɛ yɛ mɛ klɛ alɛ balɛ mɛ. Klɛ kɛnɛ kɛlɛ kɔ sɛ bu nyi sɛ alɛ bu lɔɛ mɛ: Bu nyi lɛ denɔ Ɔfufɔɛ nɛ gɛ akɔ lɔ nɛ mɛ.

Tɛbubukasɛ 14:12

Kɛɛ nɛ kɛ kulu tɛdudɔfɔ̃ tɛzɛza gɛganɛ anɛ banɔnɛna nɛ kapɛ mɛ gɛ ba ta batɔ nɛ Kpaya ɛshã klɛ ba wɔ tɛyɛyɛkɛŋa mɛ kɔ Yesu.

1 Yohanɛsɛ 5:2

Kɛnɛ kɛlɛmɛ bu nyi sɛ bu dɛmɛnɔ Kpaya yɛ yialɛ: ganɔ Kpaya tɛdɛdɛmɛnɔ anɛ̀ yɛ ɛshã abha bhɛbhɛtɛ.

Yohanɛsɛ 15:5

“Mɛ nu vãyɛ̃, wɔnɔ nu ɛshɛ̃. Onugɛ anɔ teli alɛ mɛ́ mɛ klɛ ɛlɛ yɛ mɛ, ebe yu eyuyu gelee, nɛ mɛede nɔ tɛ bɔ na kɛdɛnyɛdɔ bhɛtɛ.

1 Yohanɛsɛ 4:18

Kifusisi ma tɛdɛdɛmɛnɔ mɛ. Pɔ tɛdɛdɛmɛnɔ dzyɔgo kɛ kɛka kifusisi ebu, alasɛ kifusisi lɛ nɛ batɔ tɛtɛta. Agɛ esifu tɛdɛdɛmɛnɔ dzyɔgo ma yɛ mɛ.

2 Kɔrintioanɛ 5:17

Kɛlɛso, onugɛ anɔ teli alɛ Kristo mɛ, enu kɛdɔ bhɛbhɛtɛ vuvɔ, kɛkuku ba fla, kɛ vuvɔ nɛ ba!

Tɛbubukasɛ 12:17

Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Yakobo 2:22

Sɛ ɔmɔ sɛ yɛ tɛyɛyɛkɛŋa anɛ kɛxwɛwɛwa nɛ ga ketsu, klɛ yɛ tɛyɛyɛkɛŋa nɛ na ganɔ kɛgɛ abhɛtɛ nɛm.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Yohanɛsɛ 6:56

Anɔ nɛ gɛ atã mɛ ishuidzya klɛ awɔɛ̃ mɛ dzyosu awɔ mɛ mɛ klɛ mɛ ɛlɛ yɛ mɛ.

1 Yohanɛsɛ 4:17

Nɛ kidzoɛ nɛabha, tɛdɛdɛmɛnɔ na nɛ bulɔɛ mɛ sɛ tɛ idzyi aza bulɔ ahwɛ nɛ kebhuikuklu wui nɛabha, alasɛ nɛ kanɔa nɛ mɛ bu lɛ anasɛ yɛ.

2 Yohanɛsɛ 1:6

Klɛ kɛnɛ kɛlɛ nu tɛdɛdɛmɛnɔ: sɛ bu ga nɛ́ batɔtɛtɛ kɔ yɛ ɛshã. Anasɛ gɛ nɔ nu denɔ kesikpɛkpɛ, yɛ ɔshã ɔlɛ nu sɛ nɔ ga nɛ̀ tɛdɛdɛmɛnɔ.