1 Yohanɛsɛ 2:16 - ONUGBÙ NYƐNYÃ VUVƆ

¹⁶ Alasɛ kɛdɔnyɛdɔ nɛ kanɔ nɛ mɛ—anɔkpã awɔ̃hu dzɛdzã, kɔɛ dɔ klɛ nɛ̀ ɛshu fifeke kɔ kɛdɔ gɛ kɛ lɛ yahwɛ anɛ̀ kɛgɛ abhɛtɛ— kɛ dɛ de Aka nɔ kɔ pɔ kɛ de kanɔ nɛ ɔkɔ.

1 Yohanɛsɛ 2:16 Referans Kwoze

Romanɛ 13:14

Nɛ kɛlɛ mɛ, nɔ yɛkɔ Apalete Yesu Kristo nɛ onyumu, klɛ no tɛ bhɛtɛ kɛtɔkpum nɛ kana gɛ nɔ bɔ kpɛ buzizi mɛ tɛzɛza tɛpɛpɛɛ nɛ kabha.

Galatianɛ 5:17

Alasɛ anɔdzyrame tɛzɛzamɛ ebui kpã pɛpɛɛ la lɔ kititi nɛ Ɔfufɔɛ nɛ shu, klɛ Ɔfufɔɛ mɛ yɛ na lɔ kititi nɛ tɛzɛza ebui kpã nɛ shu. La lɔɛtiti nɛ agblɔ shu, so tɛ nɔ tɛ bhɛtɛ kɛgɛ ɔpɛɛ sɛ tɛ ɔbhɛtɛ.

Efesoanɛ 2:3

Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

Yakobo 3:15

“Kibuinyinyi” lɛ nɛɛ di de owũsise ba pɔ ki nu kesukpɛa bha kibui, kidɛ de ɔfufɔɛ mɛ, ki de Abosamu ɔkɔ.

1 Petro 2:11

Ɛbhɛya mumɔa, ɛpɛɛ denɔ wũnɔ kɔ anasɛ befu nɛ ɛma bhlatɔɛ mɛ elete nɛ kanɔ nɛ mɛ, tɛ nɔ zukɔlɔ ebuikpã bhɛbhɛtɛ, gɛ la ta keyu nɛ wɔnɔ atɔwui.

2 Petro 2:10

Kɛnɛ kɛnu kɛbuigba kɔ nɛ bagɛ balɛ otumu mɛ dɔ pɛpɛɛ anɛ́ ebuizizi bhɛbhɛtɛ klɛ kabhaŋɛŋa kadɛ ba. Idzyititri anɛ̀ ishufifeke, banɔa be te sifu kɔ ishu bhubhui banɔ tɛkukula,

Titusɛ 2:12

Lɔɔ kasɛ lɔ sɛ buɖɔ sɛ, “Ao” kɔ kpaya mɛ mazamaza anɛ kanɔmɛdɔ pɛpɛɛ, klɛ tɛ ɔna ishu ganɔ, tɛfuflɔ̃ anɛ kpayamzɛza ɛkpã nɛ ɔtsɔ̃ nɛa nɔmɛ,

2 Petro 2:18

Alasɛ ba lɛ nɛ onugbu kpɛkpa, ishufifeke buɖɔ klɛ, ba pɛɛ kɔ aglɔbui bhɛbhɛtɛ anɛ anɔdzyrame ɛkpãzizi zɛza, ba tɔɛgba kɔ banɔ gɛ bakpɛesi sɛ tɛ be koeyi nɛ bagɛ ba lɛ ebuikpã nɛ mɛ.

1 Petro 1:14

Anasɛ banuvɔ gɛ ba tatɔ, nɔ tɛ kɔ ebuizizi pɛpɛɛ laza wũnɔ ahwɛ kibelɛlɛ nɛ gɛ nɔ za matimati mɛ.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

Mateo 5:28

Pɔ itsre wɔnɔ sɛ anɔnyanɔ gɛ ebe di adzɛ teli wɔ̃mɛ atɛ pɛɛ yɛ nɛ yɛ idzyi mɛ.

Luka 4:5

Abonsam nɛ agbanɛ yɛ ewunɔ avɛ ɔɖɛɖama ɔkɔ klɛ ɔkɛlɛ nɛ ko akasɛ yɛ kanɔmɛ bukusi petee.

Galatianɛ 5:24

Bagɛ benu Kristo Yesu ayɛ ba tɛ kpla buzizi ɛkpã nɛ asɔ nɛ ɛlɛ tɛpɛpɛɛ.

Mateo 4:8

Ɔfufɔɛkpã ɔzɔ gbanɔ Yesu ɔvɛnɔ butu ɖɛɖama tulia bha klɛ lɔ yɛkɔ kanɔm bukusiɛŋakɔ nɛ petee nɛ bulɛ mɛ tɛpupudi nɛ akasɛ yɛ.

1 Kɔrintioanɛ 10:6

Ɔtsɔ̃nɛ ebuia nɛ la bɛlɛmɛ sɛ tɛ bu yɛkɔ kpasɛdɔ nɔ tɛ kɛ kɔ sɛ tɛ nu bu bulɔ idzyi nɛ ebui zizi shu anasɛ gɛ ba bhɛtɛ.

Yakobo 4:16

Ansɛ gɛ ki dzi nɛɛ, no fekeshu klɛ no bu onugbum. Ishufifeke lɛlɛ nɛ nu butsutsɔmɔ.