1 Yohanɛsɛ 2:1 - ONUGBÙ NYƐNYÃ VUVƆ

¹ Me yialɛ mumɔa, ɛŋlɔmɛ kɛnɛ sɛsɛ nɔ sɛ tɛ nɔ tɛ bhɛtɛ kibuikpã. Pɔ onugɛ anɔ teli abhɛtɛ kibuikpã, anɔ terikpo alɛ bulɔ ahwɛ gɛ aɖɔaɖɔ kɔ Aka gɛ awlãkɛ bulɔɛ tɔkpu—Yesu Kristo, Adzyɔgo Terikpo.

1 Yohanɛsɛ 2:1 Referans Kwoze

1 Timotio 2:5

Alasɛ Kpaya terikpo yɛa lɛ, enu ebuevu nɛ Kpaya nɛ banɔdzyrame nɛ shi, yɛ enu Kristo Yesu,

Romanɛ 8:34

Anee nalɛlɛ nɛ gɛ ebuipɔ? Kristo Yesu, gɛ etsi, ɔyɛkɔ ɔdɛa na, gɛ be bu amɛna ɛkpã mɛ, akpasɛ Kpaya kɛŋa ɔhwɛ mɛ klɛ eke vuibue tsyɛ nɛ lɔɛ tɔkpu.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

1 Yohanɛsɛ 4:4

Wunɔ, banuvɔ mumɔa, nɔ de Kpaya kɔ klɛ nɔ ŋa ɛlɛabha, alasɛ agɛ alɛ wunɔɛ mɛ etri adɛ ɔgɛ lɔ lɛ kanɔ nɛ mɛ.

1 Yohanɛsɛ 3:18

Banuvɔ mumɔa, nɔ tɛ kɔ lɔ tɛdɛdɛmɛnɔ anɔ nɛ ebuiɖuɖɔ ɔdɔgɔsɛ kɛnɛkɛ titee pɔ kɛ za tɛbhɛbhɛtɛ anɛ kɛgba mɛ.

1 Yohanɛsɛ 3:7

Banɛvɔ mumɔa, nɔ tɛ kɔ anɔnyanɔ awɔɛ nɔ. Anɔ gɛ abhɛtɛ kɛdɔ dzyɔgo enu anɔ dzyɔgo, anasɛ gɛ Kristo enu adzyɔgo.

Yohanɛsɛ 8:11

Adzɛ aɖɔ sɛ, “Apalete oo anɔnyanɔ edi bu mɛ pɔ.” Yesu ebuaɖɔ sɛ, “Kɛlɛalɛ mɛ tsye ɛtɛ ba bu wɔɛ pɔ.” “Shɛ̃ ɔtsɔlɛ tɛ ɔtɔ dɔ za nɛ kpã zizi.”

Hebriuanɛ 9:24

Alasɛ Kristo adɛ tsoku kagba nɛ mɛ gɛ anɔdzyrame dzu gɛ enu kagba dzyɔgo nɛ buyi, etsoku owũsise nahwɛ avɛ sɛ tɛ ɔtsɔ̃nɛ ada wɔɛ̃ nɛ Kpaya amɛ kɔ lɔ.

1 Yohanɛsɛ 3:5

Pɔ nɔ nyi sɛ aba sɛ tɛ ayɛkɔ bulɔ ebuikpã ashɛnɔ. Klɛ yɛ mɛ kibuikpã ma.

Efesoanɛ 2:18

Alasɛ ganɛ yɛabha bulɔ edi tabha bumɔ kidzo vɛ Aka nɔ kɔ nɛ̀ Ɔfufɔɛ torikpo.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

Efesoanɛ 4:26

“Nɛ wɔnɔ oblo mumɔ mɛ nɔ tɛ bhɛtɛ kizizi”: Nɔ tɛ mɔ oblo ɔdɔtɔnɔ kiwui dudɔ mɛ,

Galatianɛ 4:19

Me yialɛ mumɔa, kɔ ane mɛ ɛkalɛ butɔ gɛ amɔ nɛ ɔmɔkɔ ɔdɔtɔnɔ kibe gɛ Kristo yɛ tɛzɛza ba ba wɔnɔɛ mɛ,

Yohanɛsɛ 10:15

anasɛ gɛ Aka nɛ nyi mɛ klɛ inyi Aka—klɛ ɛyɛkɔ mɛ kpã kɔ ibhoshi.

Yohanɛsɛ 5:36

“Ɛyɛkɛ kibuiɖɛɖɔ gɛ kɛlupudɛ Yohanɛsɛ yɛ. Alasɛ kɛxwɛ nɛ tututu gɛ Aka nakɔ mɛ sɛ tɛ ɛwa beke, klɛ mɛ ɛwa, kɛkasɛ sɛ Aka nɛ yɛ akpɛ mɛ.

Luka 10:22

“Maka ayɛkɔ kɛdɔ nɛ petee akpɛ mɛ ahwɛ. Anɔnyanɔ eti nyi anɔ nɛ gɛ Eyi nɛ enu ɔdɛ̀ sɛ Aka, klɛ anɔnyanɔ eti nyi anɔ nɛ gɛ Aka nɛ enu ɔdɛ̀sɛ Eyi nɛ̀ ba gɛ Eyi eklu sɛ tɛ be bu yɛ akasɛ.”

1 Petro 2:22

“Kristo adɛ bhɛtɛ kizizi, klɛ otro huhu odi koeyi nɛ yɛ onugbui mɛ.”

1 Kɔrintioanɛ 15:34

Nɔ tsodzi ɔvɛ ishui mɛ tɛ nɔ zukɔlɔ ebui kpã bhɛbhɛtɛ, alasɛ beteli alɛ gɛ be tinyi Kpaya—ɛɖɔ kibui nɛ kɔ nɔ tɛ kwɔ̃ɛ ku nɔ.

Yohanɛsɛ 5:14

Nɛ kɛlɛede Yesu amɔ yɛ nɛ busɔlɛvu nɛ mɛ, klɛ etsre yɛ asɛ, “Di, wɔ shui mɛ zɛ gɛganɛ. Yɛlɔ ebui zizi bhɛtɛ odinuana kizizidɛ ba ba wɔ abha.”

Yakobo 1:27

Busɔlɛ nɛ gɛ Kpaya bulɔ Aka nɛ adɛmɛ asɛ bɔlɛ shu bhui klɛ kɛpɔ ma bɔlɛ shu, bɔlɛ nu sɛ: tɛ odi batsyavi anɛ bagɛ be tsianyɛ nɛabha nɛ balɛ ebui nɛ gɛ atrɔ balɛa bha nɛm klɛ tɛ ɔnyɛna ishu tɛ kanɔ nɛm kibo nɛ tɛ la wɔ.

1 Yohanɛsɛ 5:21

Banuvɔ mumɔa, no bu wɔnɔ shu denɔ bakpaya bhubhɔ mɛ.

Yakobo 3:9

Kɛnɛkɛ nɛ bu yɛkɔ kpɛ bulɔ Apalete anɛ Aka nɛ kabha, klɛ kɛlɛ lɔ yɛkɔ ɖɔɛ bui kpɛ banɔ, gɛ ba bhɛtɛ nɛ Kpaya tɛzɛzam.

Romanɛ 6:15

Kɛlɛso kide ɔtsɔ̃? Bu bhɛtɛ buzizi sɛ bu ma ɔshãesi pɔ eshutukubui didi esi lɔ kpasɛ? Kɛma kidzonyɛdzoa bha na!

Yohanɛsɛ 13:33

“Mɛ yialɛ, ɛba za nɔ bha kɛbɔɛ ko. Nɔ bɔ pɛɛ mɛ, klɛ anasɛ gɛ etsre Yuɖanɛ, so ɛtsre nɔ ɔtsɔ nɛ: Ɔkɛlɛ gɛ ɛvɛ, nɔ tɛ bɔna ba.

1 Timotio 3:14

Ɛnya di kidzoenu sɛ ɛba ba wɔnɔ bha kplitaa, pɔ ɛŋlɔmɛ ebuia nɛ sɛsɛ nɔ sɛ tɛ,

Yohanɛsɛ 21:5

Akpɛ ogugu ebisialɛ sɛ, “Ɛbhɛa, kɛnimɛdzya tili lɛ wunɔ ahwɛ?” Bebushunu sɛ, “Oo.”

Yohanɛsɛ 14:16

Ɛba bisi Aka, klɛ aba kɔ Apɛplɛnɔ bhlatɔ tɛ aza nɔ ɔbha ɔvɛnɔ mabeke mɛ—

Axwɛwɛwa 7:52

Kpaya atɔnu teli atɛ za di sɛ wɔnɔa kalɛ na dɛ kpatɔnɔɛ ede yi edi xãa? Be yi bagɛ eputɔ aɖɔ Banɔ Nɛna nɛ tɛbɛba nɛ tsyɛ. Klɛ ɔtsɔ̃ nɛ tsyɛ nɔ zɔ ga yɛesi klɛ no yi yɛ.

Romanɛ 5:10

Alasɛ onu gɛ, kibe lɛ gɛ bu nu banɔ gɛ bu dɛ pɛɛ Kpaya, ba kpɛ bulɔ ɛhwɛetsu ganɔ Yɛeyi nɛ titsitsi mɛ, kɛlɛ kɛ taa za sɛ, gɛ ba tɛ kpɛ lɔ ɛhwɛetsu, be tee bu lɔ ganɔ yɛ ɛkpã nɛ mɛ!

1 Yohanɛsɛ 5:17

Kibuikpã bhɛbhɛtɛ kanyaka nu kizizi, klɛ kizizi tili lɛ gɛ kɛ tɛ gbanɛ anɔ akpɛ butsi mɛ.

3 Yohanɛsɛ 1:4

Kibuinyɛbui dɛ kpɛ mɛ same gbɛgbladɛ sɛ inu sɛ me yialɛ ba ga nɛ kibui dzyɔgoɛ mɛ.