1 Yohanɛsɛ 1:7 - ONUGBÙ NYƐNYÃ VUVƆ

⁷ Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

1 Yohanɛsɛ 1:7 Referans Kwoze

Efesoanɛ 5:8

Alasɛ kibe tili nɔ tɛ dzi otumu, pɔ ɔtsɔnɛ nɔ tã anasɛ kifu nɛ Apalete nɛ mɛ. Nɔ za anasɛ kifu mɛ beyi

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Romanɛ 13:12

Otumu nɛ ɔɔfla beke; keli nɛ kaza beke. So nɔ kɔ lɔ shɛ̃nahwɛ otumum ebui nɛ shu tɛ bu yɛkɔ kelizɛza keyuawi nɛ kpɛ.

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

Tɛbubukasɛ 7:14

Ibui lɛ nu asɛ, “Apalete, onyi.” Klɛ aɖɔ asɛ, “Banɛ balɛ nu bagɛ de ekoeyi nɛ butɔ gbla nɛ mɛ; be ti plu balɛ bawidzidze klɛ ba bhɛtɛ alɛ le fuli nɛ Obhoshieyi nɛ dzyosu mɛ.

1 Yohanɛsɛ 1:5

Kibui ɖɛɖɔɛ nɛ bu nu denɔ yɛ ɔkɔ klɛ bu butsre nɔ: Kpaya yɛ nu kifu, nɛ yɛ mɛ otumu kanyaka ɔma.

1 Kɔrintioanɛ 6:11

Kana wunɔ mayɛ teli nɔ za. Pɔ be plu nɔ shu, bakɔ wunɔ shubhui klɛ be bu nɔnu nɔ nɛ Apalete Yesu Kristo nɛ bulɔ Kpaya Ɔfufɔɛ nɛ mɛ.

1 Petro 1:19

Pɔ nɛ Kristo dzyosu ŋɛŋaɛdzi, obhoshieyi gɛ kɛpɔ ɔdɔgɔsɛ ozizikɔ ma ɔlɛ shu.

Yohanɛsɛ 12:35

Ɔkɛlɛ Yesu etsre alɛ sɛ, “Nɔ bɔ yɛkɛ kifu nɛ kibebhli ko. Ga kibelɛlɛ nɛ gɛ nɔ yɛkɛ kifu, flogo tɛ otumu lo bo vu nɔ. Anɔ nɛ gɛ aga nɛ otumuɛ mɛ eti nyi ɔkɔnɔ nɛ gɛ avɛ.

1 Yohanɛsɛ 5:6

Yɛ enu agɛ aba ganɔ buni anɛ̀ dzyosu mɛ—Yesu Kristo. Adɛ ba ganɔ buni tite mɛ, pɔ aba ganɔ buni anɛ̀ dzyosu mɛ. Klɛ Ɔfufɔɛ ɔlɛ ɖɔaɖɔ, alasɛ Ɔfufɔɛ ɔlɛ nu kɛgba.

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

1 Timotio 6:16

gɛ yɛ ko yɛ enu agɛ etee tsi klɛ akpasɛ kifu gɛ ba tɛ ba na hebunɔ mɛ, gɛ anɔnyanɔ aka mɔ edi ɔdɔgɔsɛ aba mɔ. Yɛ tɛkpɛkpɛ nɛa bha nɛ bupu lɛ kɔ ɔyɛkɔ vɛnɔ. Tɛlɛbɛlɛm.

1 Yohanɛsɛ 5:8

Ɔfufɔɛ, buni anɛ̀ dzyosu, klɛ kɛdɔ tɛ̀ta nɛ lɛ tɛtɛtrɔ mɛ.

Yakobo 1:17

Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

3 Yohanɛsɛ 1:4

Kibuinyɛbui dɛ kpɛ mɛ same gbɛgbladɛ sɛ inu sɛ me yialɛ ba ga nɛ kibui dzyɔgoɛ mɛ.

2 Yohanɛsɛ 1:4

Kɛ kɔ mɛ same gbɛgbla sɛ tɛ ɛmɔ wunɔe yialɛ tɛli gɛ ba ga nɛ kibui gbɛagba mɛ, anasɛ gɛ Aka nɛ akpɛ lɔ ɔshã.

Mateo 6:12

Yɛkɔ bulɔ buzizi nɛ otsye lɔ, ansɛ gɛ bulɔ tsyɛ bu yɛkɔ buzizi tsye bagɛ ba bhɛtɛ buzizi amɛna bulɔ kɔ.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Yohanɛsɛ 5:4

Denɔ kibe ɔvɛnɔ kibe Apalete axwɛdɛ aba be zhiku klɛ aba hwanɛ beni nɛ mɛ. Anɔ tɛtɔpu nɛ gɛ ebetsoku kɛvɔ nɛ mɛ gɛ ba hwanɛ lɛ aba lɔ nɛ bunyã nɛ mɛ.