1 Yohanɛsɛ 1:5 - ONUGBÙ NYƐNYÃ VUVƆ

⁵ Kibui ɖɛɖɔɛ nɛ bu nu denɔ yɛ ɔkɔ klɛ bu butsre nɔ: Kpaya yɛ nu kifu, nɛ yɛ mɛ otumu kanyaka ɔma.

1 Yohanɛsɛ 1:5 Referans Kwoze

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Yakobo 1:17

Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

Yohanɛsɛ 1:9

Kifu gbɛagba gɛ kɛ kɔ kifu anɔnyanɔ gɛ aba kanɔ nɛ mɛ.

Yohanɛsɛ 1:4

Yɛ mɛ ɛkpã za, klɛ ɛkpã lɛlɛ ba dzi kifu gɛ deke kɔ banɔ.

Yohanɛsɛ 9:5

Gɛ ɛlɛ kanɔ nɛ mɛ, inu kanɔ nɛ kifu.”

Tɛbubukasɛ 22:5

Elishi atɛa za. Be tie bisi kanɛgbɛ fu ɔdɔgɔsɛ kiwi nɛ fu, alasɛ Apalete Kpaya nɛ aba kɔa lɛ kifu. Klɛ ba ba ŋɛabha ɔkɔ vɛnɔ mabeke mabekem.

Tɛbubukasɛ 21:23

Ɔmagbla nɛ ɔma kɔ kiwi odɔgɔsɛ wele atã nɛ ɔlɛm, alasɛ Kpaya ishu bhubhui nɛ ɛɛtã kɔlɛ, klɛ Obhoshieyi nɛ onu ɔlɛ kanɛgbɛ.

1 Timotio 6:16

gɛ yɛ ko yɛ enu agɛ etee tsi klɛ akpasɛ kifu gɛ ba tɛ ba na hebunɔ mɛ, gɛ anɔnyanɔ aka mɔ edi ɔdɔgɔsɛ aba mɔ. Yɛ tɛkpɛkpɛ nɛa bha nɛ bupu lɛ kɔ ɔyɛkɔ vɛnɔ. Tɛlɛbɛlɛm.

1 Yohanɛsɛ 3:11

Kɛnɛ nɛ nu kibui dzyɔgo gɛ nɔ nu denɔ kesikpɛkpɛ: Bu dɛmɛnɔ nɛ ɔhaglɔɛ.

1 Kɔrintioanɛ 11:23

Alasɛ kɛdɔ nɛ gɛ ɛyɛkɛ denɔ Apalete nɔ kɔ klɛ mɛ tsyɛ ɛyɛkɔ kɔ nɔ: Apalete Yesu nɛ elishi ba yɛkɔ yɛ akpahwɛ, ayɛkɔ gbɛ̃gbɛvu,

Yohanɛsɛ 1:19

Ɔtsyɔnɛ kɛnɛ kɛlɛ nu Yohanɛsɛ kibuimɔɖɔ kibe lɛlɛ gɛ Yuɖanɛ nɛ Yerusalɛm bakpɛ kpayazakɔ banɔ nɛ̀ Lewi banɔ sɛ be debisi yɛ anɔ nɛ gɛ enu.