1 Timotio 6:5 - ONUGBÙ NYƐNYÃ VUVƆ

⁵ anɛ ebui tsɛtsrakɛ kibenyɛbe nɛ banɔ atɔkpum zizi elete, gɛ ba nyɛna kɛgba nɛ ezuru nɛ balɛ ahwɛ klɛ ba bhɛtɛ kɛtɔkpum sɛ kpayamzɛza nɛ enu kidzoenu kɔ ehoeyi dɔ mumɔ.

1 Timotio 6:5 Referans Kwoze

2 Timotio 3:5

kpaya mɛ zɛza tili di lɛ balɛ ahwɛ pɔ ba dɛ kɔɛ dzo sɛ kɛ za kemi nɛ balɛ mɛ. Kɛdɔnyɛdɔ tɛ za wɔnɔ ahwɛ gɛ nɔ bɔ bhɛtɛ nɛ banɔa lɛlɛ.

2 Petro 2:3

Nɛ balɛ kɛdɔ gbɛgbla pɛpɛɛ badɔkasɛ ba be zuru nɔ nɛ ebuifɛfatɛ gɛ ba bhɛtɛ. Balɛ kɛpɔŋɛŋa sɔmɛ balɛ shu kukuku, klɛ balɛ butsi tɛ dɔ tra.

Titusɛ 1:11

Alasɛ tɛ ba bhɛtɛ alɛ tɛ ba da onugbu, alasɛ baa yɛɛ bapa gelee ganɔ balɛ kɛdɔkɛkasɛ nɛ gɛ kɛma sɛ ba kasɛ nɛ mɛ, klɛ apɛa sɛ tɛ ba mɔ kɛdɔ ganɔ otro mɛ so.

2 Timotio 3:8

Anasɛ gɛ Yanɛsɛ anɛ Yambrɛsɛ ba lɔ kititi nɛ Mose shu, kana tsyɛ banɔa nɛ balɔ kititi nɛ kɛgba nɛ shu—be nu banɔ gɛ atɔkpu mɛ adɛ na kɔa lɛ, gɛ, nɛ tɛyɛyɛkɛŋa nɛ nu, be ti bua lɛ atɛ̃.

1 Timotio 6:6

Pɔ kpayamzɛza exui wɔ kinu kɛdɔmumɔ pim.

1 Timotio 3:3

atɛ yɛkɔ ishu akɔ bulububuku, atɛ za kanya pɔ azɛ fãã, eti dzi eblapɛ, eti dzi anɔ gɛ aɖɔ ehoeyi.

Mateo 23:13

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔ da owũsise bukusiɔŋakɔ nɛ ɔkpɛ banɔa. Wɔnɔ nahwɛ no to tsoku, klɛ nɔ tɔ kɔ bagɛ ba pɛa sɛ be tsoku nɛ tsyɛ etsoku.

Mateo 12:33

“Dzu osi dzyɔgo, klɛ ɔlɛ eyuyu nɛ tsyɛ ebe dzi adzyɔgo, tɛ dzu osi kpã, klɛ ɔlɛ eyuyu nɛ tsyɛ ebe dzi akpã, alasɛ osi ɔlɛ eyuyu nɛ la ba yɛkɔ akpɛ ɔlɛ kɛxawũ nɔ.

1 Timotio 1:6

Banɔ teli ba lɛla shɛ alɔ ebuia klɛ be tsyina tɔ kaɖɔɖuɖɔ gɛ kalɛesi ama.

Tɛbubukasɛ 18:3

Alasɛ amadi nɛ petee atɛ wɛ̃ adzɛ nɛ azhuzhɔlɛbui obulo bulu. Kesukpa nɛa bha bekusi na tɛ bhɛtɛ aglɔbui nɛ adzɛ, klɛ kesukpa nɛa bha bedziniga nɛ she nɛ ehoeyi mɛ denɔ yɛ aprɔ nɛ mɛ gelee.”

Yuɖa 1:11

Butɔ kɔ alɛ! Ba tɛ yɛkɔ Kayɛ̃ dzo; be ti si akɔ ɔŋa mumɔ nɛ Balaam kito ebui nɛ gɛ abhɛtɛ nɛ mɛ; be ti zi alɛ nɛ Kɔra kititilulɔ nɛɛ di mɛ.

2 Petro 2:15

Ba shɛnahwɛ kidzo dzyudzyɔ nɛ shu klɛ ba lɛlaɛ dzo gɛ batɔnɔ Balaam Beor ye yi nɛ gɛ adɛmɛnɔ kɛtɔkpu mɛ gɛganɛ kɔbaɛ dzo.

1 Timotio 3:8

Kana ke, ɔhaxwɛdɛ, be dzi banɔ gɛ ba na sɛ tɛ bebu, ba nyɛna ishu, be ti tsoku bulu wɛ̃wɛ̃ mɛ gelee, klɛ ba tɛ bhɛeku.

2 Tɛsolonianɛ 3:6

Nɛ Apalete Yesu Kristoe nyi mɛ, badzya mɔ, bu bisi denɔ wɔnɔ ahwɛ mɛ sɛ, no tsuɔvɛ nɛ adzyanyadzya gɛ avɔ nɛ ɔbha klɛ ata za nɛ ɛkpã nɛ kɛdɔkɛkasɛ nɛ gɛ nɔ yɛkɛ denɔ bulɔ ahwɛ nɛ nu.

Mateo 21:13

Etsre balɛ asɛ, “Ba ŋlɔmɛ elu sɛ, ” “ ‘Mɛ bupa be be kulu lɛ asɛ kpayakuklu bupa,’ pɔ nɔ yɛkɔ bulɛ ɔɔbhɛtɛ ‘bezi ɔzakɔ.’ ”

Tɛbubukasɛ 18:13

sinamɔnɛ etuku anɛ kɛdɔhuhuhu, elifi, kɛdɔkɛtɛkɛtɛ anɛ isinyimi etuku, belu anɛ olivɛ bubɔ etuku, buna dzyɔgo anɛ agɔnɛ; banɛtsyuɔɛ anɛ ibhoshi etuku; basɔ anɛ itsyokpo; anɛ banɔ ishuidzya anɛ atɔwi.

1 Kɔrintioanɛ 11:16

Onugɛ anɔ teli apɛɛ asɛ tɛ awlãnkɛ bui nɛ kibui nɛ shu, bulɔ kɛbhlatɔ kanyaka ma lɔ bhɛtɛtɛ—pɛnɔ Kpaya busɔlɛha ba ba bhɛtɛ.

1 Timotio 4:7

Kɛdɔnyɛdɔ tɛ za wɔahwɛ gɛ ɔbɔ bhɛtɛ nɛ begu nɛ gɛ ama kpaya kidzoa bha banyɛedzini kuku aɛdzɛdzɛ, nɛ kɛlɛ ɔzakɔ, nɔ gbanɔ wɔnɔ shu sɛ tɛ no dzi banɔ gɛ ba lɛ kpayam.

1 Timotio 4:8

Alasɛ ishuidzyam hihe nɛ lɛ kedziŋɛŋa tieli mɛ, pɔ kpayamzɛza kedziŋɛŋa lɛ kɔ kɛlɛ nɛ ebui nɛ petee mɛ, ki vunɔ kidzoenudidi kɔ ɔtsɔ̃ nɛ ɛkpã anɛ ɛkpã nɛ gɛ ba tɛ ba.