1 Timotio 6:4 - ONUGBÙ NYƐNYÃ VUVƆ

⁴ enu anɔ gɛ eku ishu awɔ̃ klɛ etee nu kibuinyɛbuie si. Tɛpɛpɛ gɛ ma mɔmɔ lɛ yɛahwɛ nɛ ebui wɛ̃wlãnkɛ mɛ klɛ apɛɛ ebla nɛ ebuiɖuɖɔ gɛ kawɔ̃kpɛ ede koeyi nɛ alɛ mɛ, ebla, anɔshuzizia ɖɔ, kɛtɔkpumɛ kpã bhɛbhɛtɛ

1 Timotio 6:4 Referans Kwoze

2 Timotio 2:23

Kibuinyɛbui tɛ za wɔahwɛ gɛ ɔbhɛtɛ nɛ bugã anɛ kibui matimati mɛ ebui wɛwlãnkɛ, alasɛ onyi sɛ la mɛna ebla.

2 Timotio 3:4

ba lɛ kanya, be sieku, ishuawɔ̃ kuku, ba ɖɔ samem zɛza ɔyɛkɔdɛ Kpaya tɛɖuɖɔ,

1 Timotio 3:6

Eti dzi anɔ gɛ etsyinɛtem avuvɔ, odunuana ebe dzi anɔ gɛ eku shuawɔ̃ klɛ aba wɔlɛ akɔ kebhuikuklunɔ ansɛ ɔfufɔɛkpã.

Yuɖa 1:10

Tsyɛ pɛ banɔa nɛ baa ɖɔ akulatua ayɛkɔ alɔ kititi nɛ kibuinyɛbui di gɛ be di nu kɛlɛesi nɛ shu; nɛ ebui nɛ gɛ be nu alɛesi ganɔ ishuidzyam, ansɛ baga gɛ be tee ti—ebuia nɛɛ di nɛ alɛ eezi balɛ.

2 Petro 2:12

Pɔ banɔa nɛ ba ɖɔ ebuisobui gɛ be dɛ nuliesi. Ba lɛ nu anasɛ bagavuga, bagɛ kɛtɔkpu mɛ ma, ba mɔ alɛ ko sɛ tɛ bevu klɛ be yi alɛ klɛ bedzi anasɛ baga gɛ balɛtsyɛ be tsi.

2 Timotio 2:14

Zɔ baka lɛ ebuia. Tsrenɔ balɛ nɛ Kpaya amɛ nɛ eblapɛpɛ denɔ ebuiɖɔɖuɖɔ shu; kedziŋɛŋa kanyaka ma kɛlɛ shu, klɛ bu zi ko kɛ ba zi dɔ nɛ bagɛ enu kɛlɛ nɛ shu.

Yuɖa 1:16

Banɔa be nu banɔ gɛ bee tsi ishu klɛ bee bu buzizi akɔa nɔ; ba lɛ balɛnahwɛ butsutsɔmɔ pɛpɛ nɛede; bee feke ishu klɛ baa kpɛ banɔ bhlatɔ nɛ bugã, kɔ balɛ nahwɛ kɛdzyɔgo mumɔ.

2 Petro 2:18

Alasɛ ba lɛ nɛ onugbu kpɛkpa, ishufifeke buɖɔ klɛ, ba pɛɛ kɔ aglɔbui bhɛbhɛtɛ anɛ anɔdzyrame ɛkpãzizi zɛza, ba tɔɛgba kɔ banɔ gɛ bakpɛesi sɛ tɛ be koeyi nɛ bagɛ ba lɛ ebuikpã nɛ mɛ.

1 Timotio 1:7

Ba pɛa sɛ tɛ be dzi ɛshãdɔkasɛ, pɔ be ti nyi kɛdɔnɔ nɛ gɛ baa ɖɔ ɔdɔgɔsɛ kɛgɛ kɛlɛa bha la trɔɛ klagbu gɛganɛɛa ana.

1 Timotio 1:4

ɔdɔgɔsɛ tɛ ba yɛkɔ balɛ shu akpɛ begu anɛ ɛkɔdzidze ɖuɖɔ mɛ. Ebuia lɛlɛ nɛɛ di na mɛna aglɔ esi manumanu ɔyɛkɔdɛ Kpaya kɛxwɛ, nɛ gɛ lɛ nɛ tɛyɛyɛkɛŋa mɛ.

Yakobo 1:19

Madzyalɛ gɛ ɛɖɔ mɔ, no vu anhũ nɛ kibui: Anɔnyanɔ ahwua kɔ batɔtɛta, atɛ nawɔ̃ kɔ kaɖɔɖuɖɔ klɛ atɛ tsɔ obulo mɔ,

Titusɛ 3:9

Pɔ nɔ plɛ bugã ebla pɛpɛɛ anɛ ɛkɔɖuɖɔ anɛ ebui ŋuwlãnkɛ anɛ ebla pɛpɛɛ denɔ ɛshã nɛ shu, alasɛ anɛ nɛ ama kedzi klɛ la ma kibuinyɛbui mɛ.

Axwɛwɛwa 15:2

Bunyɛnyɛ bhubhui bui nɛ ba dzi kehe gɛganɛɛ nɛ Paolo anɛ Banabasɛ kishi. So be be bu Paolo anɛ Banabasɛ, ɔyɛkɔ plɛnɔ baga yɛkɛ aŋa na sɛ ba vɛ Yerusalɛm tɛ ba da mɔ Yesu Banɔkpɛkpɛ anɛ banɔ shishe nɛ kibui nɛ shu.

Tɛbubukasɛ 3:17

Ɔɖɔ sɛ, ‘Inu ehoeyielete, ɛtɛ mɔ kɛnɔmdɔ klɛ ɛda zhã kɔ kɛdɔnyɛdɔ.’ Pɔ ɔtɔ mɔɛ lɛ ɔsɛ ɔzhɔlɛ, oku eshutukubui, ɔdɔɛ tsyui, opu anhũ klɛ ɔlɛ zholia nɛ ɔfufɔɛ mɛ.

2 Tɛsolonianɛ 2:4

Aba lɔɛ titi klɛ aba kpɛ shu nɛa bha kɔ kɛkanyaka gɛ be klua sɛ Kpaya ɔdɔgɔsɛ ba kpɛ kɛtɔkpuesi akɔ, sɛ tɛ edzu yɛ shu nɛ Kpaya busɔlɛvu nɛ mɛ, eze kulu shu asɛ enu Kpaya.

Koloseanɛ 2:18

Nɔ tɛ kɔ anɔnyanɔ gɛ akasɛ ishu sɛ yɛ adɛ klɛ nɛ busɔlɛsɔlɛ kɔ kpaya baxwɛdɛ kɔsɛ ɔdɛŋa abha. Anɔa nɛɛ di avɛ ebui gbɛgbla ɔɖɔ kɔ denɔ agɛ amɔ, klɛ yɛ ɔfufɔɛ maza tɔkpuimɛ kɔ yɛ efekeshu nɛ ebui bhɛbhɛtɛ.

Filipianɛ 2:14

Nɔ bhɛtɛ kɛdɔnyɛdɔ tɛ ishutsitsi anɛ tɛwuwlãkɛ tɛza kɛlɛ mɛ,

Filipianɛ 2:3

Nɔ tɛ bhɛtɛ kɛdɔnyɛdɔ denɔ ishuiyɛ pɛpɛɛ tɛtutrɔ ɔdɔgɔsɛ ishutɛwɛwɛɛ gɛ kɛdɔnyɛdɔ ma kɛlɛ mɛ, pɔ nɛ ishunyɛnyɛna mɛ no di banɔ gɔgɔɛ sɛ ba pɛ̃ dɛ wɔnɔ.

Filipianɛ 1:15

Kɛ nu kibui gbɛagba sɛ beteli ba ɖɔ Kristo bui nɛ kabha wuwlãnkɛ nɛ̀ ebla pɛpɛɛ mɛ, pɔ babhlatɔ kide koeyi nɛ tɛpɛpɛɛ dzyɔgoe mɛ.

Galatianɛ 6:3

Onugɛ anɔ teli edi shu sɛ enu kɛdɔ tili nɛ kɛbelɛlɛ gɛ edinu kɛdɔnyɛdɔ awɔɛ yɛnahwɛ shu.

Galatianɛ 5:26

Nɔ tɔ kɔ lɔ ku shu awɔ̃, bunuhukpɛkpɛ anɛ aglɔ awɔ̃kpɛkpɛ.

Galatianɛ 5:15

Onugɛ nɔ tsri liabha onemi klɛ nɔ kpɛ aglɔ apɔ, nɔ dimɔ odinuana nɔ zii aglɔ.

2 Kɔrintioanɛ 11:20

Kɛgbɛagba nɛ, wunɔ tsyɛ nɔ ganɔ nɛ anɔnyanɔ gɛ ayɛkɔ nɔ anasɛ anɔdzidzi pɛnɔ ezru nɔ pɛnɔ aga wɔabha edzi anɔ pɛnɔ efekeshu pɛnɔ abɔ wɔɛ dɔ nɛ amɛ.

1 Kɔrintioanɛ 11:18

Nɛ ɔzakɔ tutɔpu, ɛnu sɛ kibenɔ gɛ nɔ xogo anasɛ basɔlɛɔha, tɛmɛma za wɔnɔɛ shi, klɛ nɛ kapɛ tieli mɛ ɛyɛkɛ kɛlɛa bha ŋa.

1 Kɔrintioanɛ 11:16

Onugɛ anɔ teli apɛɛ asɛ tɛ awlãnkɛ bui nɛ kibui nɛ shu, bulɔ kɛbhlatɔ kanyaka ma lɔ bhɛtɛtɛ—pɛnɔ Kpaya busɔlɛha ba ba bhɛtɛ.

1 Kɔrintioanɛ 3:18

Nɔ tɔ wɔɛ wunɔ nahwɛshu. Onugɛ wunɔ mayɛ teli ayɛ kɔɛ lɛ asɛ enyi bui nɛ kanɔa nɛ tɛ zɛza nɛ mɛ, yɛ ebe dzi “agã” sɛ tɛ ebe dzi ebuiti.

1 Kɔrintioanɛ 3:3

Nɔ kɔ lɛ anasɛ kanɔ mɛ banɔ. Gɛ kawɔ̃kpɛ nɛ ebla pɛpɛɛ la lɛ wunɔɛ mɛ, anɛ kanɔɛmɛ banɔ nɔ nu? Sɛ nɔ bhɛtɛ ebui anasɛ banɔ tite ko?

Romanɛ 14:1

Yɛkɛ agɛ yɛ tɛyɛyɛkɛŋa nɛ ma kemi, kebhui maklumaklu nɛ yɛ nɛ ebui nɛ gɛ ba ba wlãnkɛ nɛ shu.

Romanɛ 13:13

Kɔ lɔ za nɛ ɛkpã gɛ ɛlɛshu danɛ, ansɛ kemuze mɛ lɔ lɛ, anɛ nɛ kɛdɔŋa gbɛgbla anɛ bulu bubuku mɛ, anɛ azhuzhɔlɛbui anɛ ishuabha bubugɔ mɛ, anɛ nɛ ebui wũwlãnkɛ anɛ kawɔ̃kpɛ mɛ.

Romanɛ 12:16

Nɔ za terikpo bhɛbhɛtɛm nɛ ɔhaglɔ. Tɛ feke ishu, pɔ za tɛpɛpɛm sɛ tɛ ɔbhɛtɛ terikpo nɛ banɔ nɛ gɛ balɛ ɛzakɔ bhli. No ti ku ishuawɔ̃.

Romanɛ 2:8

Pɔ kɔ banɔ nɛ gɛ ba pɛɛ ishuiyɛ ko, klɛ ba shɛnahwɛ kɛgba nɛ shu, pɛ ba lɛ butsutsɔmɔe de, batɔtɛtɛta anɛ oblo obɔ za kɔa lɛ.

Axwɛwɛwa 18:15

Pɔ gɛ kɛnu tɛbibisi nɛ ebui nɛ gɛ enyi nɛ wɔnɔ ɛshã shu, kɛlɛalɛ nɔ nyɛna kibui wɔnɔ nahwɛ. Ɛtɛ ba dzi ebhuiklu kɔ ebuia lɛlɛ.”

Axwɛwɛwa 8:9

Nɛ kibe tilim ɔnanɔ ɔtsɔ̃ nɛɛ anyɛ teli gɛ beklu asɛ Simɔnɛ abhɛtɛ ihuiebui nɛ ɔmagbla nɛm klɛ yɛ ebui nɛ abhɛtɛ banɔ kibi nɛ Samaria. Efeke shua sɛ enu anɔgbla teli,