1 Timotio 5:12 - ONUGBÙ NYƐNYÃ VUVƆ

¹² Ganɔ kɛlɛ mɛ be he kebhuikuklu amɛna balɛ nahwɛa bha, alasɛ ba tɛ da nɛ balɛ atabu tutɔpu nɛa bha.

1 Timotio 5:12 Referans Kwoze

Yakobo 3:1

Madzyalɛ mɔ, ganɛ wɔnɔ banɔ gelee balɛ alɛ asɛ tɛ ba bhɛtɛ shu ansɛ badɔkasɛ, alasɛ no nyi ɔsɛ bulɔa gɛ bu kasɛ kɛdɔ nɛɛ, be be kule bhui nɛ lɔ gɛganɛɛ ɔyɛkɔdɛ.

Galatianɛ 1:6

Kɛbhɛtɛ mɛ bi sɛ ɔtsɔ̃tsiɔ̃ nɔ tɛ shɛ̃nahwɛ agɛ ye klu nɔ nɛ́ Kristo ɛyamyuyɔ nɛabha klɛ nɔ tsyina tɔ kibui dzyɔgo bhlatɔ—

1 Petro 4:17

Alasɛ kibe na kɔ kebhuikuklu tɛ kakpɛesi nɛ Kpaya yɛ beshopo nɛabha, klɛ onugɛ kɛkpɛesi nɛ́ bulɔ abha, kide lɛ ba dzi kɔ ba gɛ ba dɛ tatɔ nɛ̀ Kpaya kibui dzyɔgo?

1 Kɔrintioanɛ 11:34

Onugɛ bubhɛ yi anɔ teli, aŋaɛdɔ nɛ bupɛ mɛ, sɛ tɛ kɛ tɛ badzi kebhui kuklu kɔ nɔ onugɛ nɔ xogo. Klɛ kibe nɔ gɛ ɛba ɛba kɔ ɛshã gugɔɛ.

1 Timotio 5:11

Bagɛ tsianyɛ pɛ ke she nɛ xũ, nɔ tɛ yɛkɔ balɛ enyi ɔtrɔ beshishe nɛe plukpa bha. Alasɛ onu gɛ balɛ ishuidzya mɛ tɛpɛpɛ nɛɛ dɛ ishu tɛyɛyɛkɔ kɔ Kristo, ba pɛa sɛ tɛ ba zanɛ anyɛ.

1 Timotio 5:13

Kɛɛlɛ nɛe de, be be tsoku ayekpɛkpɛ mɛ, klɛ la ba za nyɔkana nɛ bupaa nɛ mɛ avɛ bunɛ nɛ mɛ. Klɛ ganɛ sɛ be be dzi ba vuvɔ ko, pɔ be be dzi banɔ gɛ ba ɖɔ ɔhayɛ shuibui tsyɛ klɛ la ɖɔ ebui nɛ gɛ ama sɛ tɛ ba ɖɔ.